रोमियों 7:7 - गढवली नयो नियम

⁷ त हम यूं बातों का बार मा क्य बोला? क्य व्यवस्था पाप च? न! बिल्कुल न! पर व्यवस्था का द्वारा मि पाप तैं जांण साको। मिल जांणि की लालच कन पाप च, किलैकि व्यवस्था मा इन लिख्युं च, कि “लालच नि कैर।”

Garhwali

⁷ त अब हम क्या जि बोला कि नियम-कानून पाप तैं जनम देन्दिन? ना इन नि ह्‍वे सकदु, मगर सच्‍च त यू च कि नियम-कानून हमतै बतौन्दिन की पाप क्या च। अर जन कि लिख्यूं भि च कि, “तू लालच नि कैरी” त मितैं कनकै पता चलदु कि लालच क्या च।

रोमियों 7:7 Referans Kwoze

रोमियों 3:20

मूसा की व्यवस्था कु पालन कैरी के लोग पिता परमेश्वर का दगड़ी धर्मी साबित नि होलो, इलै कि मूसा की व्यवस्था का द्वारा हम स्पष्ट रूप से जंणदा कि हम ल पाप कैरी।

रोमियों 4:15

परमेश्वर वे पर गुस्सा हूंद जु यु तैं पूरी ढंग से नि मंणदु; अर जख व्यवस्था नि च उख व्यवस्था कु उल्लंघन भि नि हूंद।

1 कुरिन्थि 15:56

किलैकि पाप इन डंक च, जैको नतीजा मौत च, अर व्यवस्था पाप तैं बढौंण मा सामर्थ दींद।

रोमियों 13:9

किलैकि मूसा की व्यवस्था मा भौत आज्ञा छिनी जन कि, “व्यभिचार नि करयां, हत्या नि करयां, चोरी नि करयां, लालच नि करयां” अर यूं तैं छोड़ी अर कुई भि आज्ञा हो त सभियूं कु निचोड़ ईं आज्ञा मा मिल्दो, “अपड़ा पड़ोसी बट्टी अपड़ा समान प्रेम रख।”

रोमियों 7:8

पर पाप ल इन आज्ञा कु इस्तेमाल कैरी के सभि किस्मै का लालच पैदा कैरी, किलैकि व्यवस्था का बगैर पाप मुरयूं च।

1 थिस्सलुनीकी 4:5

अर यु काम भोगविलास कि मनसा से न अर न ऊं अन्यजाति का लुखुं का जन कन चयणु च जु पिता परमेश्वर तैं नि जणदींनि।

रोमियों 3:5

पर जु हमारा दुष्ट काम पिता परमेश्वर की धार्मिकता ठैरे दींदीनी, त हम क्य बोला? त क्य पिता परमेश्वर कु गुस्सा हूंण अर हम तैं दंड दींण गलत च (यु त मि मनिख्युं की रीति पर बुल्णु छो)

कुलुसी 3:5

इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।

इफिसुस 5:3

जन पवित्र लुखुं का लैख च, उन ही तुम मा व्यभिचार, अर कै भि किस्मै का गंदा काम, या लोभ कि चर्चा तक नि हो।

रोमियों 7:13

क्य व्यवस्था ल, जु अच्छी च, मि तैं पिता परमेश्वर बट्टी दूर कैरी? न! बिल्कुल न! यु पाप च जैल इन कैरी। पाप ल वीं व्यवस्था जु अच्छी छै इस्तेमाल कैरी अर मि तैं पिता परमेश्वर बट्टी दूर कैरी। ईं रीति बट्टी पाप ल दिखै कि उ सच मा क्य च, अर आज्ञा ल दिखै कि पाप पूरी रीति ल बुरी च।

रोमियों 7:11

पर पाप ल ईं आज्ञा कु इस्तेमाल कैरी कै मि तैं धोखा द्या, अर वेका द्वारा ही मि तैं मारि भि दींनि।

रोमियों 7:5

किलैकि जब हम अपड़ा पापी स्वभाव का कब्जा मा छा, व्यवस्था का द्वारा जाग्रत पापमय इच्छा हमारा देह मा काम कनि छै, मौत का फल पैदा कनु कु हमारा देह का अंगों मा काम करदी छै।

रोमियों 6:15

त क्य हवे? किलैकि हम व्यवस्था का अधीन न, पर पिता परमेश्वर की दया का अधीन छा, इलै हम तैं पाप नि कन चयणु च।

रोमियों 4:1

अब हम ल यहूदी हूंणा का खातिर अपड़ा पूर्वज अब्राहम का बारा मा क्य बुल्ण? कि उ कै कारण से धर्मी गिणे गै?

खास चेलों 20:33

मिल कैका सोना चांदी या कपड़ोंं को लोभ नि कैरी।

लूका 12:15

अर यीशु ल ऊं बट्टी बोलि सचेत रावा अर हर प्रकार का लोभ बट्टी अफ तैं बचै के रखा किलैकि कै को जीवन वेकी सम्पति की बहुतायत बट्टी नि हूंद।

मत्ती 5:28

पर मि तुम मा यु बुल्णु छौं कि जु कुई कीं जनन पर कुदृष्टि डालो उ अपड़ा मन मा वीं दगड़ी व्यभिचार करि चुकि गै।

लूका 20:16

उ ऐ के ऊं किसानों तैं बुरी रीति बट्टी नाश करलो अर अंगूर का बगिचा का ठेका और किसानों तैं दयालो, जु बगत पर वे तैं फल दींणा राला, यु सूंणि के ऊंल लुखुं कु बोलि, “परमेश्वर कैरो त इन नि हो।”

रोमियों 5:20

परमेश्वर ल व्यवस्था इलै दींनि कि लोग अर जादा पाप कैरा, जब लुखुं ल जादा से जादा पाप कैरी, पिता परमेश्वर ल जु दया दिखै उ जादा से जादा हवे,

इब्रानी 7:19

(इलै कि मूसा की व्यवस्था ल कै भि बात तैं सिद्धि नि कैरी) अर यांकि जगह पर हम तैं एक इन बड़ी आस च, जु यीशु मसीह मा च ज्यांका द्वारा हम पिता परमेश्वर का नजीक जै सकदां।