रोमियों 7:5 - गढवली नयो नियम

⁵ किलैकि जब हम अपड़ा पापी स्वभाव का कब्जा मा छा, व्यवस्था का द्वारा जाग्रत पापमय इच्छा हमारा देह मा काम कनि छै, मौत का फल पैदा कनु कु हमारा देह का अंगों मा काम करदी छै।

Garhwali

⁵ इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

रोमियों 7:5 Referans Kwoze

इफिसुस 2:3

इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।

गलातियों 5:24

उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।

गलातियों 3:10

मतलब जथग लोग मूसा द्वारा लिखीं परमेश्वर की व्यवस्था का कामों पर भरोसो रखदींनि, उ पिता परमेश्वर का श्राप का अधीन छिनी, किलैकि पिता परमेश्वर का वचन मा लिख्युं च, “जु कुई मूसा द्वारा लिखीं परमेश्वर की व्यवस्था कि किताब (चाम्रपत्र) मा लिख्यां सभि बातों तैं कन मा स्थिर नि रौंदो, ऊं पर पिता परमेश्वर कु दंड च।”

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

रोमियों 6:21

अपड़ा पुरणा जीवन बट्टी तुम तैं क्य फैदा हवे? तुम वेका कारण भस शर्मांदा हुंदा छा, किलैकि ऊं कामों कु नतीजा मौत च।

1 यूहन्ना 3:4

जु कुई पाप करदो, उ व्यवस्था कु विरोध करदो; पाप कन व्यवस्था को उल्लंघन कन च अर अधर्म कु दगड़ो कन च।

कुलुसी 3:5

इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।

1 कुरिन्थि 15:56

किलैकि पाप इन डंक च, जैको नतीजा मौत च, अर व्यवस्था पाप तैं बढौंण मा सामर्थ दींद।

याकूब 4:1

तुमारा बीच मा लड़ै झगड़ा कख बट्टी औंदींनि? या ऊं बुरी लालसाओं बट्टी नि औंदींनि जु तुमारा मन मा लड़ै कना रौंदींनि।

याकूब 1:15

यांका बाद, जब उ पाप कनै की योजना की कल्पना करदु, तब पाप कु जन्म हूंद। अर अंत मा, उ सदनी कु मोरि जांदु।

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

इफिसुस 2:11

इलै याद कैरा, कि तुम जन्म बट्टी अन्यजाति छा अर यहूदी लुखुं यु बोलि के नीच जांणि कि तुम खतना नि करदां, पर ऊंकी या रीति भस ऊं देह पर ही किये जांद,

रोमियों 7:23

पर मि तैं अपड़ा देह का अंगों मा हैंका ढंग का काम दिखै दींदिनि, जु मेरा मन कि व्यवस्था तैं सै मंणदु अर लड़ै करदी अर यु मि तैं पाप कु कैदी बंणौंदींनि, जु अभि भि मेरा देह का अंगों मा काम करदी।

रोमियों 6:23

किलैकि पापमय कामों कि मजदूरी त मौत च, पर जु वरदान पिता परमेश्वर हम तैं दया का द्वारा दींद, उ त अनन्त जीवन च, जु हमारा प्रभु यीशु मसीह मा मिल्दु।

रोमियों 6:19

मेरा द्वारा गुलामी कु विचार कु इस्तेमाल कनु को कारण यु च कि जु मि तुम तैं सिखांणु छों वे तैं तुम आसानी से समझी साका। जन तुम ल अपड़ा देह का अंगों तैं मनिख्युं कु अधर्म का कारण अपवित्र अर कुकर्म का गुलाम कैरी कै सौपैले, उन ही अब अपड़ा अंगों तैं पवित्रता कु धर्मी जीवन जींणु कु गुलाम कैरी कै सौंपी द्या।

रोमियों 5:20

परमेश्वर ल व्यवस्था इलै दींनि कि लोग अर जादा पाप कैरा, जब लुखुं ल जादा से जादा पाप कैरी, पिता परमेश्वर ल जु दया दिखै उ जादा से जादा हवे,

रोमियों 4:15

परमेश्वर वे पर गुस्सा हूंद जु यु तैं पूरी ढंग से नि मंणदु; अर जख व्यवस्था नि च उख व्यवस्था कु उल्लंघन भि नि हूंद।

रोमियों 3:20

मूसा की व्यवस्था कु पालन कैरी के लोग पिता परमेश्वर का दगड़ी धर्मी साबित नि होलो, इलै कि मूसा की व्यवस्था का द्वारा हम स्पष्ट रूप से जंणदा कि हम ल पाप कैरी।

रोमियों 1:26

इलै परमेश्वर ऊं तैं घृणित वासनाओं तैं कनु कु छोड़ी दींनि इख तक कि ऊंका जननों ल आदिमों तैं चांण बंद कैरी येले अर यांका अलावा उ अन्य जननियों तैं चांण लगी गैनी।

यूहन्ना 3:6

मनिख भस मनिख जीवन तैं ही दुबरा पैदा किये सकदु च, इलै पवित्र आत्मा स्वर्ग बट्टी नयो जीवन दींदो।

मत्ती 15:19

किलैकि बुरा विचार, हत्या, परस्त्रीगमन, व्यभिचार, चोरी झूठी गव्है, अर बुरा मन बट्टी ही निकलदींनि।

2 कुरिन्थि 10:3

किलैकि जब हम ईं दुनिया मा रौंदा, पर हम अपड़ा दुश्मनों बट्टी दुनिया का मनिख्युं का जन नि लड़दा।