रोमियों 7:4 - गढवली नयो नियम

⁴ त हे मेरा विश्वासी भयों, जब तुम मसीह का दगड़ी मोरि ग्यां, त तुम व्यवस्था का अधिकार कु भि मोरि ग्यां। अब तुम मसीह का छा, जु मुर्दों मा बट्टी ज्यूँदो हवे गै कि तुम परमेश्वर का फलदार जीवन जी सका।

Garhwali

⁴ हे मेरा भै-बैंणो, ठिक इन्‍नि जब यीशु मसीह तैं क्रूस पर मरे गै, त तुम भि वेका दगड़ा मा मरे ग्यां। इलै अब से तुम पुरणा नियम-कानूनों का भार से आजाद ह्‍वे ग्यां अर हमरु यीशु मसीह जैतैं पिता परमेस्वर न मुरदो मा बटि ज्यून्द कैरी अब उई तुमरो मालिक च। इलै अब तुम पिता परमेस्वर को सेवक बणि के भलै का काम कैरा।

रोमियों 7:4 Referans Kwoze

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

रोमियों 8:2

पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

गलातियों 5:18

अर जु तुम पवित्र आत्मा का अनुसार जीवन ज्यून्दियां त तुम मूसा की व्यवस्था का अधीन नि छा।

कुलुसी 1:22

पर पिता परमेश्वर अब मसीह शारीरिक देह मा सूली पर मृत्यु का द्वारा तुम्हरो भि मेल कैरेले कि तुम तैं अपड़ा संमणी पवित्र अर बेदाग अर निर्दोष बणै के उपस्थित कैर।

रोमियों 6:22

पर अब पाप बट्टी आजाद हवे कै पिता परमेश्वर का दास बंणि के, अब तुम ऊं कामों तैं करदा जु पवित्रता कि तरपां लीजांद, अर वेको अंत अनन्त जीवन च।

गलातियों 3:13

मसीह जु हम कु श्रापित हवे, हम तैं मोल ले के मूसा की व्यवस्था का श्राप बट्टी छुड़ै किलैकि परमेश्वर का वचन मा लिख्युं च, “जु कुई सूली पर लटकये जांदु उ श्रापित च।”

रोमियों 6:14

तब तुम पर पाप कु कुई अधिकार नि होलो, किलैकि अब तुम मूसा की व्यवस्था का अधीन नि छा पर पिता परमेश्वर की दया का अधीन जीवन ज्यून्दा।

कुलुसी 2:14

यु इन छो जन पिता परमेश्वर ल हमारा पापों का दोषपत्र तैं मिटै येले, ज्यांमा हमारा खिलाफ भंगार लिख्यां छा, जब मसीह सूली पर चढ़ै गै तब वेल वे दोषपत्र तैं पूरो हटै दींनि।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

फिलिप्पी 1:11

यीशु मसीह का द्वारा पैदा हूंण वला धार्मिकता का कामों तैं अपड़ा भितर भोरि लय, जु यीशु मसीह मा पये जंदींनि ज्यां ल पिता परमेश्वर कि बड़ै हूंणी रौ।

दिब्य दरस 19:7

आवा, हम आनन्दित अर मगन हो, अर वेकी स्तुति कैरा, किलैकि जु चिनखो च वेको ब्यो हूंण वलो च। ब्योली श्रंगार कैरी के अफ तैं सजै के वेको तैयार कैरेले।

रोमियों 6:2

न! बिल्कुल न! हम पाप कु मोरि ग्यां, अर इलै हम तैं पापमय काम नि कन चयणा छिनी।

कुलुसी 2:20

किलैकि तुम्हरो पापमय स्वभाव मसीह का दगड़ा मोरि गै, इलै अब तुम तैं ईं दुनिया का ज्ञान अर बेकार की बातों तैं मनणै की जरूरत नि च। त फिर तुम किलै अभि भि यूं शिक्षाओं कु पालन करदा, जन कि अभि भि दुनिया तुम तैं नियंत्रित कनी हो?

कुलुसी 1:6

यु शुभ संदेश पूरी दुनिया मा फैलणु च अर कई लोग विश्वासी बनांण छिनी। यु हर जगह जिन्दगियों तैं बदलणु च, ठिक उन ही जन कि तुम ल पैली बार दया का शुभ संदेश तैं सूंणि छो अर ईं सचै तैं समझी छो कि पिता परमेश्वर ऊं लुखुं का पापों तैं माफ करद जु मसीह पर विश्वास करदींनि।

फिलिप्पी 4:17

मिल यु इलै नि लिखीं कि मि दान चांणु छौं, पर मि चांदु छों कि यु तैं ऊं अच्छी चीजों की सूची मा शामिल करे जौं, जु तुम ल पैली ही बट्टी कैरेले अर जै कु पिता परमेश्वर तुम तैं ईनाम दयालो

यूहन्ना 3:29

ब्योला ब्योली से ब्यो कैरी के वीं दगड़ी ही खड़ो हुंदू अर वे तैं सुंणदो च, ब्योला का शब्दो बट्टी भौत खुश हुंदू, अब मेरी या खुशी पूरी हवे गै अर मेरू मन आनन्द बट्टी भुरे गै।

मत्ती 26:26

जब उ सभि खांणु खांणा छा त तब यीशु ल रुट्टि हथ मा लींनि अर आशीष मागि के तोड़ी अर चेलों तैं दे के बोलि, “ल्या खावा यु मेरी देह च।”

दिब्य दरस 21:9

अर फिर ऊं सात स्वर्गदूतों मा बट्टी एक ल जौनु मनिख जाति पर सात आखरी यातनाओं बट्टी भुरयां सात कटोरा उण्डेली छा, मि बट्टी बात कैरी, वेल बोलि, “इनै औ, मि त्वे तैं ब्योली दिखौलू जैको जल्द ही चिनखा का दगड़ी ब्यो हवे जालो।”

2 कुरिन्थि 11:2

किलैकि मि तुम कु उन ही परेशान छों, जन पिता परमेश्वर च, इलै कि मिल तुम तैं मसीह तैं अर भस वे तैं ही दींणो कु वादा करयूं च; यु एक पिता का जन च जु अपड़ी नौंनि कु शुद्ध अर अणबिवाक का रूप मा वीं का आदिम तैं सौंपदु जब वीं कु ब्यो हूंद।

1 कुरिन्थि 10:16

जब हम प्रभु भोज मा अंगूरों कु रस पिदयां, जै कु हम पिता परमेश्वर कु धन्यवाद करदां, तैं हम हक्कीकत मा मसीह का ल्वे मा एक करदां। अर जब हम प्रभु भोज की रुठी तैं तुड़दा और खंदियां, त हम हक्कीकत मा मसीह का देह मा एक हूंदा।

यूहन्ना 15:8

मेरा बुबा कि बड़ै यां बट्टी हूंदी कि तुम भौत सैरा फल ल्यां, तब तुम मेरा चेला हूंण कु सबूत छा।

यूहन्ना 6:51

जीवन कि रुट्टि ज्वा स्वर्ग बट्टी उतरी मि छौं। जु कुई ईं रुट्टि मा बट्टी खौ त हमेशा ज्यूँदो रालो अर ज्वा रुट्टि मि दुनिया का जीवन कु दयुलु उ मेरी देह च।

मरकुस 4:20

कुछ जु अच्छी जगह मा बुतै गैनी उ यु छिनी जु वचन तैं सूंणि के स्वीकार करदींनि अर फल लंदिनि कुई तीस गुणा डाला जन कुई साठ गुणा डाला जन अर कुई सौ गुणा डाला जन।

रोमियों 6:11

इन ही तुम भि अपड़ा आप तैं पाप का जकड़ मा मुरयूं समझा, पर परमेश्वर कु मसीह यीशु मा परमेश्वर की सेवा कनु कु ज्यून्दा छा समझा।

रोमियों 7:3

इलै जु कुई अपड़ा आदिम का ज्यूंदा हूंण पर भि कै दुसरा आदिम की हवे जौं, त व्यभिचारिणी कहलांदी, पर जु आदिम मोरि जौं, त व वीं व्यवस्था बट्टी छुटी गै, इख तक कि जु कै हैंका आदिम की हवे जौं त उ व्यभिचारिणी नि ठैरली।