रोमियों 6:4 - गढवली नयो नियम

⁴ इलै जब हम ल बपतिस्मा लये त हम मोरि ग्यां अर मसीह का दगड़ी दफनये ग्यां, कि जन मसीह पिता परमेश्वर कि महिमा का द्वारा मुर्दों मा बट्टी ज्यूँदो करे गै, उन ही हम एक नया ढंग बट्टी जीवन तैं जियां।

Garhwali

⁴ इलै जब हमुन पाणि मा डुबकी मारी के जु बपतिस्मा ले वेका द्‍वारा हम भि यीशु मसीह का दगड़ा मा दफनै ग्यां, ताकि वेकी मौत का दगड़ा मा हम भि सामिल ह्‍वे जा। अर जन पिता परमेस्वर की ताकत न यीशु मसीह तैं मुरदो मा बटि ज्यून्द कैरी, ठिक उन्‍नि उ हमतै भि उठालु अर वेका द्‍वारा हम नयू जीवन जी सकद्‍यां।

रोमियों 6:4 Referans Kwoze

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

कुलुसी 3:10

अर अब तुम नया आदिम बंणि ग्यां यु नयो स्वभाव अपड़ा सृजनहार पिता परमेश्वर का जन जादा से जादा बणदी जांद कि तुम वे तैं और अनुके जांणि सकला।

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।

रोमियों 6:9

किलैकि हम जंणदा छा कि मसीह मुर्दों मा बट्टी ज्यूँदो हवे अर फिर कभि नि मुरुलो; मौत कु वे पर कुई कब्जा नि च।

2 कुरिन्थि 13:4

उ कमजोरी का कारण सूली पर चढ़ै त गै, फिर भि पिता परमेश्वर की सामर्थ बट्टी ज्यूँदो च, हम भि उन ही कमजोर छा जन मसीह छो; पर तुम अनुभव करला कि हम पिता परमेश्वर की सामर्थ का द्वारा मसीह का दगड़ी जीवित छा।

रोमियों 6:3

क्य हम जंणदा छा कि हम सभियूं ल यीशु मसीह का दगड़ी एक हूंणु कु बपतिस्मा लये त यु इन च कि जन हम मसीह का दगड़ी मोरि ग्यां।

1 यूहन्ना 2:6

जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

1 कुरिन्थि 6:14

यांका अलावा, हमारी देह बहुत खास छिनी, किलैकि जन कै पिता परमेश्वर ल प्रभु यीशु तैं मुर्दों मा बट्टी ज्यूँदो कनु कु अपड़ी सामर्थ कु इस्तेमाल कैरी छो, इलै उ हम तैं भि मुर्दों मा बट्टी ज्यूँदो करलो।

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

इफिसुस 4:17

इलै कि वे अधिकार का दगड़ी जु प्रभु ल मि तैं दियुं च, कि मि तुम तैं यु बुल्णु छों कि जन अन्यजाति का लोग अपड़ा मन कि बेतुकी बातों कि चिंता करदींनि, तुम अब फिर नि चल्यां।

रोमियों 6:19

मेरा द्वारा गुलामी कु विचार कु इस्तेमाल कनु को कारण यु च कि जु मि तुम तैं सिखांणु छों वे तैं तुम आसानी से समझी साका। जन तुम ल अपड़ा देह का अंगों तैं मनिख्युं कु अधर्म का कारण अपवित्र अर कुकर्म का गुलाम कैरी कै सौपैले, उन ही अब अपड़ा अंगों तैं पवित्रता कु धर्मी जीवन जींणु कु गुलाम कैरी कै सौंपी द्या।

यूहन्ना 11:40

यीशु ल वेमा बोलि, “क्य मिल त्वे मा नि बोलि छो कि जु तू विश्वास करिली त परमेश्वर की महिमा तैं दिखली।”

खास चेलों 2:24

पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

कुलुसी 4:1

हे स्वामियों, स्वर्ग मा तुमारो भि एक स्वामी च, इन समझै के, अपड़ा-अपड़ा सेवकों का दगड़ी न्याय अर एक समान बरतौ कैरा।

इफिसुस 5:8

किलैकि तुम खुद अंधेरा मा रौंदयां, पर जब बट्टी तुम प्रभु का लोग बंणया, तुम उज्यला छा। इलै तुम तैं ऊं लुखुं का जन जींण चयणु च जु उज्यला मा बट्टी जुड़यां छिनी।

यूहन्ना 2:11

यीशु ल गलील जिला का काना नगर मा अपड़ो यु पैलो चमत्कार का चिन्ह दिखै के अपड़ी महिमा प्रगट कैरी अर वेका चेलों ल वे पर विश्वास कैरी कि उ मसीह च।

खास चेलों 2:32

परमेश्वर ल यु यीशु ज्यूँदो कैरी जैका हम सभि गवाह छा।

रोमियों 6:8

इलै जु हम मसीह का दगड़ी मोरि ग्यां, त हमारो विश्वास यु च कि वेका दगड़ी ज्यूंदा भि रौला।