रोमियों 6:3 - गढवली नयो नियम

³ क्य हम जंणदा छा कि हम सभियूं ल यीशु मसीह का दगड़ी एक हूंणु कु बपतिस्मा लये त यु इन च कि जन हम मसीह का दगड़ी मोरि ग्यां।

Garhwali

³ क्या तुम लोग या बात नि जणद्‍यां कि यीशु मसीह का नौ का द्‍वारा पाणि मा डुबकी लेके जु बपतिस्मा हमतै मिली, वेका द्‍वारा हम वेकी मौत मा भि हिस्सेदार बण ग्यां?

रोमियों 6:3 Referans Kwoze

रोमियों 6:8

इलै जु हम मसीह का दगड़ी मोरि ग्यां, त हमारो विश्वास यु च कि वेका दगड़ी ज्यूंदा भि रौला।

1 कुरिन्थि 12:13

किलैकि हम सभियूं मा क्य यहूदी, क्य यूनानी अन्यजाति, क्य दास, क्य स्वतंत्र एक ही आत्मा का द्वारा एक देह हूंणो कु बपतिस्मा ल्या, हम सभियूं ल वीं पवित्र आत्मा पै जै तैं हम सभि एक ही कटोरा बट्टी अंगूरों कु रस पिंदयां।

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।

खास चेलों 2:38

पतरस ल ऊंकु बोलि “तुम मा बट्टी हरेक मन फिरावा अर अपड़ा पापों की माफी कु यीशु मसीह का नौं से बपतिस्मा ल्यावा ज्यां बट्टी तुम पवित्र आत्मा को दान पैल्या।

मत्ती 28:19

“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा

याकूब 4:4

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

1 कुरिन्थि 9:13

क्य तुम नि जणदां कि यरूशलेम शहर का मन्दिर मा काम कन वला आदिमों तैं मन्दिर बट्टी ही अपड़ो खांणु मिल्दा? हां, जु लोग वेदी पर कुर्बानि दींदिनि, ऊं तैं ऊं कुर्बानियों कु हिस्सा मिल्दा।

रोमियों 7:1

हे विश्वासी भयों, तुम जंणदा छा (मि मूसा की व्यवस्था तैं जनण वलो बट्टी बुल्द) कि लुखुं तैं व्यवस्था कु पालन तभि तक कन जब तक उ ज्यूंदा छिनी।

रोमियों 6:16

तुम जंणदा छा कि जब तुम अपड़ा आप तैं कैका गुलाम हूंणु कु दे दींदयां त उ मनिख तुमारो स्वामी हवे जांद, अर तुम तैं इन ही कन चयणु च जु उ बुल्द; तुम पाप का दास हवे सकदा छा जु मृत्यु का तरपां लीजांद, या फिर तुम परमेश्वर की आज्ञा कु पालन कनु कु चुनाव कैरी सकदां, जु धर्मी जीवन कि तरपां लीजांद।

खास चेलों 19:5

इन सूंणि के ऊंल प्रभु यीशु का नौं मा बपतिस्मा लींनि।

1 कुरिन्थि 6:9

तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।

1 कुरिन्थि 5:6

तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।

खास चेलों 8:16

किलैकि अब तक ऊंल पवित्र आत्मा नि पै छो, भस ऊंल यीशु का नौं मा बपतिस्मा लियुं छो।

2 कुरिन्थि 13:5

अपड़ा आप तैं परखा, यु दिखणु कु कि क्य तुम्हरो विश्वास सचो च या न, कि तुम विश्वास मा छा या न; अपड़ा आप तैं जांचा, क्य तुम अपड़ा बारा मा यु जंणदा छा, कि यीशु मसीह तुम मा च? नथरी तुम निकम्मा छा।

1 कुरिन्थि 15:29

अब, जु मुर्दों तैं जीवित नि किये जांद, त जु लोग मौत कु बपतिस्मा लींदींनि, त उ क्य करला? जु मुर्दा ज्यून्दा ही नि हूंदींनि, त फिर किलै मुरयां लुखुं कु बपतिस्मा लिदींनि?

1 कुरिन्थि 3:16

सच मा तुम जंणदा छा, कि तुम पिता परमेश्वर कु मन्दिर छा, अर पिता परमेश्वर कु पवित्र आत्मा तुम मा रौंदो च।

1 कुरिन्थि 6:19

तुम जणदां छा, कि तुम्हरी देह पवित्र आत्मा कु मन्दिर च; जु तुम मा बसयूं च, अर तुम तैं पिता परमेश्वर का तरपां बट्टी मिल्द, अर अब तुम अपड़ा न पर पिता परमेश्वर का छा।

1 कुरिन्थि 9:24

जन कि दौड़ मा त दौड़दा सभि छिनी, पर ईनाम एक ही लीजांद। तुम उन ही दौड़ा, कि तुम जीता। उन ही के हम सभियूं तैं उ काम कन चयणु च जै बट्टी हम पिता परमेश्वर तैं खुश कैरी साका। कि हम वे ईनाम तैं पै साका जु पिता परमेश्वर भविष्य मा हम तैं दयालो।

1 कुरिन्थि 10:2

जन के प्रभु यीशु का चेला बनण कु बपतिस्मा लींणे की व्यवस्था च, उन ही के उ सभि भि बादल का छाया मा छा अर मूसा का चेला बनण कु लाल समुद्र बट्टी हवे के ग्यां।