रोमियों 6:19 - गढवली नयो नियम

¹⁹ मेरा द्वारा गुलामी कु विचार कु इस्तेमाल कनु को कारण यु च कि जु मि तुम तैं सिखांणु छों वे तैं तुम आसानी से समझी साका। जन तुम ल अपड़ा देह का अंगों तैं मनिख्युं कु अधर्म का कारण अपवित्र अर कुकर्म का गुलाम कैरी कै सौपैले, उन ही अब अपड़ा अंगों तैं पवित्रता कु धर्मी जीवन जींणु कु गुलाम कैरी कै सौंपी द्या।

Garhwali

¹⁹ अर पिता परमेस्वर की बात तुमरा समझ से भैर छिन, इलै मि तुमतै या बात बतौण चान्दु, कि पैलि तुमुन खुद तैं ईं दुनियां का गळत कामों अर वेका विचारों खुणि खुद तैं वेका सुपुर्द कैरिके रख्युं छौ इलै तुम वेका गुलाम बणि गै छा। मगर अब मि तुम से बिन्ती करदु कि तुम परमेस्वर की सच्‍चै खुणि खुद तैं वेका सुपुर्द कैरी द्‍या, ताकि तुम वेका सेवक बणि के पवित्र लोग बणि सैका।

रोमियों 6:19 Referans Kwoze

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

रोमियों 3:5

पर जु हमारा दुष्ट काम पिता परमेश्वर की धार्मिकता ठैरे दींदीनी, त हम क्य बोला? त क्य पिता परमेश्वर कु गुस्सा हूंण अर हम तैं दंड दींण गलत च (यु त मि मनिख्युं की रीति पर बुल्णु छो)

1 कुरिन्थि 6:11

पैली तुम मा बट्टी कुछ इन कै बरतौ करदा छा, पर तुम प्रभु यीशु मसीह का नौं से अर हमारा पिता परमेश्वर का आत्मा बट्टी तुम्हरा पाप धवे गैनी, अर तुम तैं पवित्र बणै अर धर्मी ठैरे।

गलातियों 3:15

हे मेरा विश्वासी भयों, मि तुम लुखुं तैं साधारण जीवन कु उदाहरण दे के बुल्णु छों। जब द्वी लोग आपस मा समझौता करदींनि, त न कुई वे तैं टालि सकद अर न वेमा कुछ कुई जोड़ी सकद।

इब्रानी 12:15

अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।

इब्रानी 4:15

किलैकि यु महायाजक, जु यीशु मसीह च, हमारी हर एक कमजोरी तैं समझदु; पर शैतान ल हमारी हर बात मा अजमैश कैरी; फिर भि प्रभु यीशु बगैर कै पाप कु च।

1 कुरिन्थि 9:8

मि मनिख्युं की व्यवस्था का अनुसार यु बातों तैं नि बुल्णु छों।

1 कुरिन्थि 5:6

तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।

रोमियों 15:1

हम जु विश्वास मा मजबूत छा यु जंणदा छा, कि यूं बातों बट्टी हम तैं कुई फर्क नि पुड़दो, बल्कि हम भस अपड़ा आप तैं खुश कनु कु इन नि कैर सकदा। हम तैं ऊं लुखुं का सन्देह तैं अर निसंदेह पर विचार कन चयणु च, जु यूं बातों तैं गलत मणदींनि, कि जु कमजोर छिनी ऊं की मदद कैरा अर ऊंका दगड़ी धीरज रखा, न कि अपड़ा आप तैं खुश कैरा।

रोमियों 8:26

ईं रीति ल पवित्र आत्मा भि हमारी मदद करद; जब परमेश्वर मा हमारो भरोसो कमजोर हूंद, किलैकि हम नि जंणदा, कि प्रार्थना कन कै कन चयणी च; पर पवित्र आत्मा अफी इन्दरी आह भौरि-भौरि के जु कि बतांण से भैर च, हम कु बिनती करद।

मत्ती 4:23

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

रोमियों 7:23

पर मि तैं अपड़ा देह का अंगों मा हैंका ढंग का काम दिखै दींदिनि, जु मेरा मन कि व्यवस्था तैं सै मंणदु अर लड़ै करदी अर यु मि तैं पाप कु कैदी बंणौंदींनि, जु अभि भि मेरा देह का अंगों मा काम करदी।