रोमियों 3:28 - गढवली नयो नियम

²⁸ इलै हम जंणदा छा कि हम यीशु मसीह मा भस विश्वास ही बट्टी पिता परमेश्वर का दगड़ी धर्मी ठैरदा, न कि मूसा कि व्यवस्था का पालन कना का द्वारा।

Garhwali

²⁸ इलै हम ये नतीजा पर पौछद्‍यां, कि मनखि नियम-कानून का मुताबिक ना, बल्किन मा यीशु मसीह पर बिस्वास करण से परमेस्वर की नजर मा धरमी ठैरदु।

रोमियों 3:28 Referans Kwoze

तीतुस 3:7

ज्यां ल हम वे अनन्त जीवन तैं पांणै की आस रखि साका जु पिता परमेश्वर ल हम तैं अपड़ी संतान का रूप मा दींणै की सौं खै। अर यु बारा मा हम जांणि सकदां किलैकि पिता परमेश्वर ल अपड़ी दया का द्वारा हम तैं अफ दगड़ी सै ठैरे।

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

गलातियों 3:24

इलै मूसा की व्यवस्था मसीह तक औंण तक हम तैं रस्ता दिखांणु कु अर हमारी रखवली कनु कु दिये गै, कि हम यीशु मसीह पर विश्वास कना का द्वारा पिता परमेश्वर का संमणी धर्मी बंणै जै सका।

गलातियों 3:8

अर पिता परमेश्वर का वचन मा वेल भौत पैली बोलि कि, पिता परमेश्वर अन्यजातियों तैं विश्वास का द्वारा धर्मी ठैरालो, यु ही कारण वचन मा, जब पिता परमेश्वर ल पैली ही अब्राहम तैं शुभ सन्देश प्रचार बतै त वेल वेकु बोलि, कि “तेरु द्वारा, मि ईं दुनिया का सभि जातियों तैं आशीष दयुलु।”

याकूब 2:24

तुम ल देखि के कि मनिख विश्वास बट्टी ही न, पर अच्छा कामों का द्वारा एक धर्मी मनिख का रूप मा स्वीकार किये गै।

रोमियों 3:26

बल्कि यु ही बगत वेकी धार्मिकता प्रगट हो कि ज्यांसे उ अफी धर्मी ठैरु, अर जु यीशु पर विश्वास कैरो, वेको भि धर्मी ठैरांण वलो हो।

फिलिप्पी 3:9

अर मि ऊं दगड़ी एक हवे के रै साको; मेरी धार्मिकता मूसा द्वारा लिखीं परमेश्वर की व्यवस्था कु मेरी आज्ञाकारिता पर निर्भर नि च, बल्कि य व धार्मिकता च जै तैं भस मसीह मा मेरा विश्वास का कारण पिता परमेश्वर मि तैं दींद।

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

रोमियों 4:5

पर जु पिता परमेश्वर का दगड़ी लायक ठैरे जांण कु काम नि करदो बल्कि बुरा लुखुं कु धर्मी ठैरांण वला पिता परमेश्वर पर विश्वास करदो, वे मनिख कु विश्वास वेको धार्मिकता गिणे जांद।

इफिसुस 2:9

अर यु हमारा द्वारा कैर गै कै भि अच्छा काम का कारण नि च अर हम मा घमंड कनु कु कुई भि कारण नि च।

1 कुरिन्थि 6:11

पैली तुम मा बट्टी कुछ इन कै बरतौ करदा छा, पर तुम प्रभु यीशु मसीह का नौं से अर हमारा पिता परमेश्वर का आत्मा बट्टी तुम्हरा पाप धवे गैनी, अर तुम तैं पवित्र बणै अर धर्मी ठैरे।

रोमियों 5:1

इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,

यूहन्ना 6:40

किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।

यूहन्ना 5:24

मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।

याकूब 2:18

जु एक आदिम प्रभु यीशु पर विश्वास करद अर दुसरो आदिम अच्छा काम करद त मि तुम कु बुल्दो, क्य तुम अच्छा कामों का बगैर मि तैं यीशु मसीह पर अपड़ा विश्वास तैं साबित कैर सकदा छा? मि अपड़ा अच्छा काम कना का द्वारा यु साबित कैर सकदु की मि प्रभु यीशु पर विश्वास करदु छो।

याकूब 2:20

पर हे मूर्ख मनिख्युं क्य तू यूं भि नि जणदी, कि अच्छा कामों का बगैर विश्वास बेकार च?