रोमियों 3:25 - गढवली नयो नियम

²⁵ वे तैं पिता परमेश्वर ल यीशु मसीह का ल्वे का कारण एक इन प्रायश्चित बलिदान ठैरे, जु विश्वास कन से पूरी हूंद, कि जु पाप पैली बगत मा किये गैनी, अर जौं पर पिता परमेश्वर ल अपड़ी सहनशील हूंणा का कारण ध्यान नि दींनि अर माफ कैर दींनि; ऊंका बारा मा उ अपड़ी धार्मिकता प्रगट कैरो।

Garhwali

²⁵ अर या पिता परमेस्वर की योजना छै, ज्वा कि वेन मनखि का समणि रखी कि लोग अपणा-अपणा पापों से पस्ताप कैरा। इलै वेन यीशु मसीह तैं ईं दुनियां मा भेजि अर वेको ल्वे क्रूस पर बुगये गै, ताकि जु कुई वे पर बिस्वास कैरो, पिता परमेस्वर वेका पापों अर वे पर लग्यां इळजामो तैं माफ कैरी सैको। अर पुरणा जमना मा वेन लोगु का पापों का हिसाब से ऊंतैं जादा दण्ड नि दिनी अर इन वेन इलै कैरी, किलैकि उ धरमी अर सबर रखण वळु च।

रोमियों 3:25 Referans Kwoze

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

1 यूहन्ना 2:2

अर भस हमारा ही न बल्कि सैरी दुनिया का पापों तैं दूर कनु कु, मसीह एक प्रायश्चित बलिदान बण गै।

रोमियों 5:9

किलैकि हम परमेश्वर का दगड़ी धर्मी ठैरला किलैकि मसीह हम कु मोरि अर हमारा पापों कु अपड़ो ल्वे बुगै। त मसीह हम तैं निश्चित रूप बट्टी पिता परमेश्वर का गुस्सा बट्टी बचालो।

खास चेलों 17:30

पैली बगत मा परमेश्वर ल लुखुं का कामों पर ध्यान नि दींनि किलैकि लोग वे तैं नि जंणदा छा, पर अब सभि लुखुं तैं मन फिराव कि आज्ञा दींद।

इब्रानी 10:4

किलैकि य बात अनोखी च, कि बल्द अर बखरों कु ल्वे पापों तैं दूर कैरो।

दिब्य दरस 13:8

अर सभि जु धरती पर रौन्दींनि उ जानवर की आराधना करला, मतलब कि, उ सभि लोग जु का नौं दुनिया की शुरुआत बट्टी चिनखा की जीवन की किताब (चाम्रपत्र) मा नि लिखै गैनी। चिनखो उ ही च जु मोरि गै छो।

इब्रानी 11:7

विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।

रोमियों 5:1

इलै हम विश्वास ल धर्मी ठैरा, किलैकि जु प्रभु यीशु मसीह ल हम कु कैरी, वेका द्वारा हम पिता परमेश्वर का दगड़ी शान्ति मा रां,

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।

इब्रानी 11:14

जु इन बात बुल्दींनि, उ दिखौंदींनि, कि उ एक इन देश तैं पाला अर वेकी आस कना छिनी जु ऊंको होलो।

1 यूहन्ना 1:10

जु हम बुलद्यां कि हम ल पाप नि कैरी, त हम झूठा छा, अर हम ल वेका वचन तैं जरा भि नि मांणी।

इब्रानी 11:17

विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।

इब्रानी 9:5

यांका अलावा सोना का सन्दूक का मथि द्वी करूब छा, जूंका फांकुड वे सन्दूक का मथि फैलयां छा, जु ईं बात का चिन्ह छा कि पिता परमेश्वर की महिमा ईं जगह पर च; ऊंका खुल्यां फांकुड सन्दूक का ऊपरी हिस्सा तैं ढकदा छा जै पर ल्वे छिड़कै जांदु छो कि लुखुं का पापों तैं माफ किये जौं; पर हम यूं सभि चीजों तैं एक-एक कैरी कै नि बतै सकदा।

1 तीमुथियुस 1:15

या बात सच च अर जै तैं पूरा ढंग से स्वीकार अर विश्वास किये जांण चयणु च कि मसीह यीशु हम पापियों तैं बचांणु अर उद्धार कनु कु ईं दुनिया मा ऐ, जौं मा सबसे बड़ो पापी मि छौं।

रोमियों 5:11

अर भस इथग ही न, अब त हमारा प्रभु यीशु मसीह का द्वारा पिता परमेश्वर बट्टी हमारो मेल हवे गै; इलै हम पिता परमेश्वर मा आनन्दित छा।

रोमियों 3:26

बल्कि यु ही बगत वेकी धार्मिकता प्रगट हो कि ज्यांसे उ अफी धर्मी ठैरु, अर जु यीशु पर विश्वास कैरो, वेको भि धर्मी ठैरांण वलो हो।

रोमियों 2:4

क्य तु परमेश्वर कि भलै, अर सहनशीलता, धीरजरूपी धन तैं तुच्छ समझणी छै? अर क्य तू इन नि समझणी छै कि पिता परमेश्वर कि भलै त्वे तैं पाप बट्टी मन फिराण तैं सिखांदी?

खास चेलों 4:28

ऊंल उ ही कैरी जु कुछ तेरी सामर्थ अर मनसा से ठैरयूं छो उन कैर!

खास चेलों 3:18

पर जौं बातों तैं परमेश्वर का तरपां बट्टी बुल्ण वलो का मुक बट्टी पैली ही पिता परमेश्वर ल बतयले छो कि वेको मसीह दुःख उठालो अर वेल ऊं बातों जु तुम ल कैरी वेका द्वारा वेल वे तैं सच कैरी दिखै।

खास चेलों 15:18

यु प्रभु बुल्द जु दुनिया की शुरुवात बट्टी यूं प्रकट करदी ऐ।

खास चेलों 2:23

यु ही यीशु पिता परमेश्वर की ठैरैईं मनसा का अनुसार अर परमेश्वर का हूंण वला पूर्व ज्ञान का अनुसार पकड़वये गै छो अर तुम ल अधर्मियों का हथों ल वे तैं सूली पर चढ़ै कै मरवै दींनि।

यूहन्ना 6:47

मि तुम मा सच-सच बुल्ण छौं कि जु कुई मि पर विश्वास करदो अनन्त जीवन वेको ही च।

खास चेलों 14:16

वेल पिछला बगत मा सभि जातियों का लुखुं तैं अपड़ा-अपड़ा रस्ता पर चलण दींनि।

रोमियों 5:18

इलै जन एक पाप सभि मनिख्युं कु दण्ड कि आज्ञा का कारण हवे, उन ही एक धार्मिकता कु काम भि सभि मनिख्युं कु धर्मी बनण का अर अनन्त जीवन पांण कु कारण बंणि।

1 कुरिन्थि 5:7

जन ही फसह कु त्यौहार मनांण से पैली यहूदी लोग अपड़ा घौरों बट्टी सभि खमीर तैं निकलदींनि, इलै तुम तैं यु अनैतिक आदिम तैं मण्डलि बट्टी भैर निकाली दींण चयणु च। फिर तुम रुठी जन हवे जांण ज्यांमा खमीर नि हूंद; ज्यांको मतलब च कि तुम एक विश्वासियों कु झुंड हवेला, जै झुंड मा पाप नि होलो किलैकि जब तुम ल मसीह पर विश्वास कैरी, तब पिता परमेश्वर ल तुम तैं भितर बट्टी शुद्ध कैरी। किलैकि मसीह ल हम तैं अपड़ा बलिदान का द्वारा हमारा पापों बट्टी छुटकारो द्ये।

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

इफिसुस 2:13

एक बगत छों जब तुम दूर छा, पर अब मसीह यीशु मा वेका ल्वे का द्वारा नजदीक ऐ ग्यां।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।