रोमियों 3:23 - गढवली नयो नियम

²³ इलै की सभियूं ल पाप कैरी अर वे बड़ै तक नि पौंछि सकिनि जु पिता परमेश्वर दींद,

Garhwali

²³ किलैकि सभ्यों न पिता परमेस्वर का खिलाप मा जैके गळत काम करिनी, अर ऊं पापों की वजै से वु लोग वेसे मिलण वळा आदर-सम्मान से दूर छिन।

रोमियों 3:23 Referans Kwoze

रोमियों 3:9

त क्य हम यहूदी लोग, यूनानी अन्यजाति लुखुं बट्टी बड़िया छा? क्य हम यहूदी अन्यजातियों बट्टी भि मजबूत छा? लगदु त नि च; किलैकि हम यहूदियों अर अन्यजातियों दुयूं पर भंगार लगै येलि कि उ सब लोग पाप का अधीन छिनी।

गलातियों 3:22

पर पिता परमेश्वर का वचनों बट्टी पता चलदु च कि हम सभि पापी छा, इलै यीशु मसीह पर विश्वास रखण बट्टी पिता परमेश्वर हम तैं उपहार दयालो ज्यांकी नई प्रतिज्ञा पिता परमेश्वर की करीं च।

रोमियों 11:32

किलैकि पिता परमेश्वर सभि लुखुं तैं आज्ञा नि मनणै की अनुमति दींद, कि उ सभि लुखुं पर अपड़ी दया दिखै साको।

1 थिस्सलुनीकी 2:12

कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

रोमियों 3:19

हम जंणदा छा, कि परमेश्वर की व्यवस्था जु कुछ बुल्दी, ऊंमा ही बुल्दी, जु परमेश्वर का वचन का अधीन छिनी, कि लुखुं तैं बहाना बनांण बट्टी रोक साका, अर दुनिया का सभि लोग पिता परमेश्वर का संमणी भंगारी छिनी।

2 थिस्सलुनीकी 2:14

पिता परमेश्वर ल वे शुभ सन्देश कु इस्तेमाल कैरी, जै तैं हम ल तुम तैं उद्धार दींण कु तुम्हरा बीच मा प्रचार कैरी, कि तुम हमारा प्रभु यीशु मसीह की महिमा मा भागिदार बंणि सका।

1 पतरस 4:13

भस यांका बारा मा खुश रावा, किलैकि तुम तैं ऊं दुखों मा एक हिस्सा मिली जु मसीह तैं मिली छो। इलै, जब मसीह सभि लुखुं तैं अपड़ी महिमा प्रकट कनु कु दुबरा आलो त तुम्हरो आनन्द सच मा भौत बड़ो होलो।

रोमियों 5:2

हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

इब्रानी 4:1

पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।