रोमियों 3:21 - गढवली नयो नियम

²¹ पर अब सभि मूसा द्वारा लिखीं परमेश्वर की व्यवस्था कु पालन करयां बगैर पिता परमेश्वर ल हम तैं धर्मी ठैरे, जैका बारा मा मूसा की व्यवस्था अर पिता परमेश्वर का तरपां बट्टी बुल्ण वलो की किताबों मा भौत पैली बट्टी लिख्युं च कि हम पिता परमेश्वर का दगड़ी धर्मी कन कै बंणि सकदियां

Garhwali

²¹ मगर जु मनखि प्रभु यीशु मसीह पर बिस्वास करदु, उ पिता परमेस्वर की नजर मा धरमी मनखि बणदु, अर यू मूसा रैबर्या का दियां नियम-कानून का मुताबिक नि होन्दु। हालांकि नियम-कानून अर परमेस्वर का रैबर्या ईं बात की ही गवै देन्दिन।

रोमियों 3:21 Referans Kwoze

खास चेलों 10:43

वेका बारा मा सभि पिता परमेश्वर का तरपां बट्टी बुल्ण वलो ल गव्है दीं च कि जु लोग वेमा विश्वास रखदींनि, ऊं तैं, ऊंका द्वारा पापों कि माफी मिललि।”

फिलिप्पी 3:9

अर मि ऊं दगड़ी एक हवे के रै साको; मेरी धार्मिकता मूसा द्वारा लिखीं परमेश्वर की व्यवस्था कु मेरी आज्ञाकारिता पर निर्भर नि च, बल्कि य व धार्मिकता च जै तैं भस मसीह मा मेरा विश्वास का कारण पिता परमेश्वर मि तैं दींद।

गलातियों 3:8

अर पिता परमेश्वर का वचन मा वेल भौत पैली बोलि कि, पिता परमेश्वर अन्यजातियों तैं विश्वास का द्वारा धर्मी ठैरालो, यु ही कारण वचन मा, जब पिता परमेश्वर ल पैली ही अब्राहम तैं शुभ सन्देश प्रचार बतै त वेल वेकु बोलि, कि “तेरु द्वारा, मि ईं दुनिया का सभि जातियों तैं आशीष दयुलु।”

रोमियों 5:19

किलैकि जन एक मनिख का आज्ञा नि मनणा का कारण भौत लोग पापी ठैरिनि, उन ही एक मनिख की आज्ञा मणनं से भौत लोग धर्मी ठैराये जाला।

रोमियों 1:17

किलैकि शुभ संदेश मा पिता परमेश्वर यु प्रगट करद कि उ लुखुं तैं पूरा ढंग से विश्वास कना का द्वारा धर्मी घोषित कना का योग्य च, जन की परमेश्वर का वचन मा लिख्युं च, “विश्वास बट्टी धर्मी जन ज्यून्दो रालो।”

रोमियों 1:2

पिता परमेश्वर ल यु शुभ संदेश की सौं भौत पैली बट्टी परमेश्वर का वचन मा परमेश्वर का तरपां बट्टी बुल्ण वलो का द्वारा कैरी छै,

खास चेलों 15:11

इन कन ठिक नि च, हमारो यु निश्चय च कि जीं रीति बट्टी उ प्रभु यीशु की दया बट्टी उद्धार पाला अर बचला; वीं रीति बट्टी हम भि पौला; न की मूसा की व्यवस्था कु पालन कैरी के।

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

2 पतरस 1:1

मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।

1 पतरस 1:10

यु उद्धार कुछ इन छो जैका बारा मा पिता परमेश्वर का तरपां बट्टी बुल्ण वला और जादा जनण चांणा छा। ऊंल भविष्यवाणी कैरी की कन पिता परमेश्वर तुम तैं बचांणु कु तुम्हरा प्रति दयालुता ल काम करलो जैका तुम योग्य नि छा। ऊंल उत्तरों तैं खुजांणु कु ध्यान लगै के अध्ययन कैरी अर भौत कोशिश भि कैरी।

गलातियों 5:5

मि इन बोलि सकदु छो, किलैकि हम तैं पवित्र आत्मा का तरपां बट्टी पूरो विश्वास च कि पिता परमेश्वर हम तैं धर्मी का रूप मा स्वीकार करलो किलैकि हम यीशु मसीह पर आस रखदा।

रोमियों 16:26

पर अब प्रगट हवे कै सनातन पिता परमेश्वर की आज्ञा बट्टी अर परमेश्वर की तरपां बट्टी बुल्ण वला की किताबों का द्वारा सभि अन्य-जातियों तैं प्रचार किये गै, कि उ विश्वास बट्टी परमेश्वर का वचन तैं मनणवला हवे जौं।

खास चेलों 26:22

पर पिता परमेश्वर कि दया ल मि आज का दिन तक ज्यूँदो छौं अर छुटा-बड़ा सभियूं का संमणी गव्है दींणु छौं। परमेश्वर का तरपां बट्टी बुल्ण वलो ल अर मूसा द्वारा लिखीं परमेश्वर की व्यवस्था ल जूं-जूं हूंण वली बातों का बारा मा बतै ऊं बातों का अलावा मि कुछ नि बुल्दो,

यूहन्ना 1:45

फिलिप्पुस ल नतनएल तैं मिली के वेकु बोलि, “हम तैं उ मनिख मिल गै जैका बारा मा मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो ल लिख्युं छों नासरत नगर बट्टी यूसुफ का नौंनो यीशु छै।

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

रोमियों 9:30

त हम ल यांका बारा मा क्य बुल्ण? अन्यजाति अफ तैं पिता परमेश्वर का दगड़ी धर्मी रखणै कि कोशिश नि कना छा, पर पिता परमेश्वर ल ऊं तैं खुद का दगड़ी धर्मी रखि किलैकि ऊंल वे पर भरोसो कैरी छों;

रोमियों 5:21

कि जन सभि लुखुं ल पाप कैरी अर उ सभि मोरि गैनी, उन ही हमारा प्रभु यीशु मसीह का द्वारा पिता परमेश्वर की दया ऊं तैं धर्मी अर ऊं तैं अनन्त जीवन द्याली।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

रोमियों 3:28

इलै हम जंणदा छा कि हम यीशु मसीह मा भस विश्वास ही बट्टी पिता परमेश्वर का दगड़ी धर्मी ठैरदा, न कि मूसा कि व्यवस्था का पालन कना का द्वारा।

2 कुरिन्थि 3:9

किलैकि जब भंगारी ठैरांण वली वाचा तेजोमय छै, जु अपड़ा लुखुं तैं पिता परमेश्वर का संमणी धर्मी बणांद और भि जादा महिमामय च अर व और भि तेजोमय किलै नि होली?