रोमियों 2:11 - गढवली नयो नियम

¹¹ किलैकि “पिता परमेश्वर सभि लुखुं कु न्याय एक समान बरतौ से करदो।”

Garhwali

¹¹ किलैकि पिता परमेस्वर कै का दगड़ा मा भि पक्षपात नि करदु।

रोमियों 2:11 Referans Kwoze

खास चेलों 10:34

तब पतरस ल बोलि, “अब मेरी समझ मा ऐ गै कि पिता परमेश्वर कै दगड़ी भि भेद-भाव नि करद।

गलातियों 2:6

यरूशलेम शहर की मण्डलि का ऊं अगुवों ल मेरी शिक्षाओं मा कुछ भि नि जोड़ी। ईं बात बट्टी मि तैं कुई फर्क नि पुड़दो कि उ अगुवा कु छिनी, किलैकि पिता परमेश्वर आदिम की सकल देखि के न्याय नि करद।

कुलुसी 3:25

किलैकि जु कुई बुरै कनु ही रौंदा, त पिता परमेश्वर वे तैं दंड दयालो, किलैकि पिता परमेश्वर कै को भि पक्षपात नि करद।

इफिसुस 6:9

ईं रीति बट्टी च स्वामियों, तुम तैं ऊं तैं धमकी नि दींण चयणी च, बल्कि तुम तैं अपड़ा सेवकों का दगड़ी वे ही रीति ल बरतौ कन चयणु च, जन मिल ऊं बट्टी बोलि छों, कि उ तुम दगड़ी बरतौ कैरा, किलैकि तुम जंणदा छा, कि ऊंको अर तुमारो दुयूं कु स्वामि स्वर्ग मा च, अर उ कैकी तरफदरी नि करदु।

मत्ती 22:16

अर ऊंल अपड़ा चेलों तैं हेरोदियों मा यु बुल्णु कु भेजि कि, “हे गुरु हम जंणदा छा कि तुम हमेशा सच बुल्दियां अर परमेश्वर का बारा मा सचै से सिखांदि अर त्वे तैं कैकी कुई परवाह नि च किलैकि तु मनिख्युं का मुक देखि के बात नि करदी।

लूका 20:21

“हे गुरु हम जंणदा छा कि तुम हमेशा सच बुल्दियां अर कै से नि डरदयां की लोग क्य सुचला किलैकि तु सभियूं तैं समान आदर से चाहे उ कुई भि हो बरतौ करदी अर परमेश्वर कु बाटु सचै से बतौंदयां?”

1 पतरस 1:17

जब तुम प्रार्थना करदा त तुम पिता परमेश्वर तैं अपड़ो पिता बुल्दा। पर याद रखा कि पिता परमेश्वर कै को पक्षपात नि करदो मतलब हर एक ल क्य-क्य कैरी। इलै जबकि तुम ईं धरती पर एक परदेशी हवे के रौंदा त तुम तैं ऊंका प्रति भौत सम्मान का दगड़ी रौंण चयणु च।

रोमियों 9:14

त हम ल यूं बातों का बारा मा क्य बुल्ण? क्य पिता परमेश्वर अन्यायी च जब उ जै तैं चौ चुणदो? न! बिल्कुल न।