रोमियों 16:5 - गढवली नयो नियम

⁵ मेरा प्रिय इपैनितुस तैं मेरू प्रणाम, जु एशिया का प्रान्त बट्टी मसीह पर विश्वास कन वला पैलो आदिम च अर वीं मण्डलि तैं भि प्रणाम ज्वा ऊंका घौर मा कठ्ठा हूंद।

Garhwali

⁵ अर ऊंका घौर मा जमा होण वळा समुदाय का सब लोगु तैं भि मेरु सलाम। अर मेरा प्यारा भै इपैनितुस तैं भि मेरु सलाम, जु कि आसिया मुलक मा पैलु मनखि छौ जैन यीशु मसीह का पिछनै चलण शुरु कैरी।

रोमियों 16:5 Referans Kwoze

कुलुसी 4:15

लौदीकिया शहर का विश्वासी भयों अर बैंणों अर नुमफास अर ऊं की घौर की मण्डलि कु प्रणाम बुल्यां।

फिलेमोन 1:2

अर मि अपड़ी विश्वासी बैंण अफफिया अर हमारा विश्वासी भैय अरखिप्पुस, जु एक योद्धा का समान पिता परमेश्वर की सेवा करदो अर वीं मण्डलि की ज्वा तुमारा घौर मा जमा हूंदी ऊंकु भि लिखणु छो।

1 कुरिन्थि 16:19

एशिया प्रान्त की मंडलियों का विश्वासी लुखुं तुम तैं प्रणाम; अक्विला अर वेकी जनन प्रिस्किल्ला अर मण्डलि ज्वा ऊंका घौर मा कठ्ठा हूंदी ऊंका तरपां बट्टी भि तुम तैं प्रभु मा प्रणाम।

1 कुरिन्थि 16:15

हे विश्वासी भयों, तुम स्तिफनुस अर वेका परिवार तैं जंणदा छा, कि उ अखाया प्रान्त बट्टी पैला छा, जौं ल मसीह पर विश्वास कैरी, अर पिता परमेश्वर का पवित्र लुखुं की मदद कनु कु तैयार रौंदींनि।

मत्ती 18:20

किलैकि जख द्वी या तीन आदिम मेरा शिष्य हूंणु कु कठ्ठा हूंदींनि उख मि ऊंका बीच मा हूंद किलैकि तुम मेरा शिष्य छा।”

दिब्य दरस 14:4

यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।

3 यूहन्ना 1:1

मि यूहन्ना मंडलि कु पुरणो अगुवा, या चिठ्ठी प्रिय दगड़िया गयुस त्वे कु लिखणु छो, मि त्वे बट्टी सचो प्रेम करदु छो।

याकूब 1:18

पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।

2 कुरिन्थि 9:2

किलैकि मि तुम्हरी मन की दींणै की इच्छा तैं जंणदु छो, जैका कारण मि तुम्हरा बारा मा मकिदुनिया प्रान्त का विश्वासियों का संमणी गर्व दिखांदु, कि अखाया प्रान्त का तुम लोग पिछला बरस बट्टी तैयार हुयां छा, अर तुम्हरा उत्साह ल और भौतों तैं भि उभारी।

2 कुरिन्थि 1:1

मि पौलुस, जु प्रभु यीशु मसीह कु प्रेरित हूंणु कु पिता परमेश्वर की इच्छा ल चुणयूं अर मि इख हमारा विश्वासी भैय तीमुथियुस का दगड़ी छों जु मेरी मदद करद। मि या चिठ्ठी कुरिन्थुस शहर मा विश्वासियों की मण्डलि तैं, अर अखाया प्रदेश का सैरा लुखुं तैं लिखणु छों;

रोमियों 16:12

त्रूफेना अर त्रूफोसा बैणयूं तैं जु प्रभु मा मेहनत करदींनि, प्रणाम। प्रिय पिरसिस बैंण तैं जींल प्रभु मा भौत मेहनत कैरी, प्रणाम।

रोमियों 16:8

अम्पलियातुस तैं, जु प्रभु मा मेरू प्रिय च, प्रणाम।

रोमियों 15:26

किलैकि मकिदुनिया प्रान्त अर अखाया प्रान्त का लुखुं तैं इन कन एक अच्छी बात लगि, कि जु यरूशलेम शहर मा पिता परमेश्वर का लोग जु गरीब छिनी ऊंकु कुछ दान द्या।

रोमियों 11:16

जब हम रुट्टि बनांणु कु आटो उलदयां, त हम परमेश्वर तैं दींणु कु मुठी भर आटो लींदयां अर उ पवित्र हवे जांद। जु उ एक मुठी पिता परमेश्वर कु पवित्र च, त यांको मतलब च की पूरो आटो भि वेकु पवित्र च; अर जब जौड़ो पवित्र ठैरी, त फौंकी भि इन ही होली।

खास चेलों 18:27

जब वेल ठांणी दींनि कि पल्या छाला उतरी के अखाया प्रान्त जौं त विश्वासी भयों ल वे तैं जांण कु प्रोत्साहित कैरी चेलों कु लिखीं कि उ वे तैं अच्छी तरौं से मिलुनु, अर वेल उख पौंछि के ऊं लुखुं कि भौत मदद कैरी जौनु पिता परमेश्वर की दया मिलण से विश्वास कैरी छो।

खास चेलों 18:12

जब गल्लियों जु अखाया प्रान्त को राज्यपाल छो, त यहूदी लोग कट्ठा हवे के पौलुस पर हावि हवे गैनी, अर वे तैं राज्यपाल का न्याय आसण का संमणी लै के ऐनी।

खास चेलों 2:9

हम मा बट्टी कुछ लोग पारथी क्षेत्र बट्टी छिनी कुछ मादी, एलामी अर मेसोपोटामिया, यहूदिया प्रान्त, कप्प्दूकिया, पुन्तुस, एशिया,

खास चेलों 16:6

अर उ फ्रूगिया प्रदेश अर गलातिया का प्रदेश बट्टी हवे के गैनी, अर पवित्र आत्मा ल ऊं तैं एशिया प्रान्त मा वचन सुनांण से मना कैरी।

रोमियों 16:4

जौनु मेरा प्राण बचांणु कु अपड़ा प्राण खतरा मा डालेल छा, अर भस मि ही न, बल्कि अन्यजातियों की सैरी मण्डलि भि ऊंको धन्यवाद करदींनि।

रोमियों 16:6

मरियम तैं जींल तुम कु भौत मेहनत कैरी, प्रणाम।