रोमियों 16:17 - गढवली नयो नियम

¹⁷ अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।

Garhwali

¹⁷ हे मेरा प्यारा भै-बैंणो, मि तुम से बिन्ती करदु कि ऊं लोगु की खोज कैरा, जु कि लोगु तैं एक-दुसरा का खिलाप मा भड़कै देन्दिन, यू लोग इन्द्रया छिन जु कि बिस्वासी लोगु तैं ऊंका बिस्वास मा बटि भटके देन्दिन। अर यू लोग वीं सच्‍चि शिक्षा का खिलाप मा छिन, ज्वा तुम मा च। इलै तुम इन्द्रया लोगु से दूर रा।

रोमियों 16:17 Referans Kwoze

यहूदा 1:19

यु ही उ लोग छिनी जु तुम तैं अलग-अलग दलों मा बंटण को कारण बंणदींनि; ऊंकी बुरी स्वभाविक इच्छा ऊं तैं वश मा करदी, अर ऊंमा पवित्र आत्मा नि च।

2 थिस्सलुनीकी 3:6

हे विश्वासी भयों, हम तुम तैं वे अधिकार ल जु प्रभु यीशु मसीह ल हम तैं द्ये; कि तुम हरेक इन्दारया भैय से अलग रावा जु ठिक से जीवन बसर नि करदो हो, जु ऊं आदेशों कु पालन नि करद जु हम ल तुम तैं सिखै छो।

2 तीमुथियुस 3:5

उ इन बरतौ करला जन उ पिता परमेश्वर का सम्मान करदा हो, पर उ पिता परमेश्वर की सामर्थ तैं ऊंका बुरा जीवनों तैं बदलण से इंकार करला; इन लुखुं बट्टी बचा।

कुलुसी 2:8

सचेत रावा की कुई तुम तैं दुनिया का ज्ञान अर बेकार की बातों बट्टी धोखा का द्वारा फंसै नि द्यो, जु बात मनिख्युं कि रीतियों अर दुनिया की शिक्षा का अनुसार त च पर मसीह का अनुसार नि च।

तीतुस 3:10

कै ढोंगि तैं एक द्वी बार समझै बुझै के वे बट्टी दूर रौ

गलातियों 2:4

तीतुस कु खतना नि हूंण कु यु मामला कुछ झूठा विश्वासी बणयां भयों कु एक मुद्दा बंणि गै, जु हमारी मण्डलि मा छिपी के ऐ गैनी अर वीं आजादी तैं नाश कने की कोशिश कना छा जु हमारा मुक्तिदाता यीशु मा हम तैं मिली, कि उ हम तैं दुबरा से यहूदी व्यवस्था कु गुलाम बणै साका।

1 तीमुथियुस 1:3

मि त्वे तैं फिर से बतौंणु छो कि मिल इफिसुस शहर तैं छोड़ी के मकिदुनिया प्रान्त मा जांण से पैली त्वे बट्टी क्य बिनती कैरी छै कि इफिसुस मा रै के ऊं झूठा अगुवों तैं आज्ञा द्ये के, कि उ झूठा नियमों तैं सिखांण बन्द कैरा जु गलत छिनी,

फिलिप्पी 3:17

हे विश्वासी भयों, मि जन बरतौ कु पीछो कैरा अर ऊं लुखुं पर ध्यान द्या जु मेरा बरतौ को पीछो करदींनि अर तुम ऊंको पीछो कैरा जन तुम ल हम तैं बरतौ करद देखि जब हम तुम दगड़ी छा।

मत्ती 18:7

ठोकर का कारण से दुनिया पर हाय ठोकर को लगंण जरूरी च पर हाय च वे मनिख पर जैकी तरपां बट्टी ठोकर का कारण पाप हुंद।

1 कुरिन्थि 3:3

किलैकि तुम अब भि अपड़ा पापी स्वभाव का अनुसार ही अपड़ो जीवन जींणा छा; इलै जब तुम मा जलन अर लड़ै-झगड़ा हूंदींनि, त क्य यु साबित नि हूंद कि तुम अपड़ा पापी स्वभाव का कब्जा मा छा? क्य तुम ईं दुनिया का लुखुं का जन ही जीवन नि जींणा छा?

खास चेलों 15:24

हम ल सूंणि की हम मा बट्टी कुछ लुखुं ल तुम मा ऐ के अर तुम तैं अपड़ी बातों ल घबरै दींनि अर तुम्हरा मन तैं बेचैन कैर दींनि पर हम ल ऊं तैं आज्ञा नि दे छै।

1 यूहन्ना 2:19

उ लोग जु अब मसीह को विरोध करदींनि, उ निकली त हम ही बट्टी छिनी, पर हमारा दगड़िया नि छिनी, किलैकि जु उ हमारा दगड़िया हुंदा, त हम दगड़ी रौंदा, पर ऊंल हम तैं छोड़ दींनि किलैकि उ हमारा झुंड का हिस्सा नि छा।

मत्ती 18:17

जु उ ऊंकी भि नि मांणु त मण्डलि मा जै कै बोलि दे पर जु उ मण्डलि कि भि नि मांणु त वेका दगड़ी वे जन ही बरतौ किये जौं तुम कै अन्यजाति या चुंगी लींण वलो का दगड़ी किये जौ।

1 कुरिन्थि 11:18

किलैकि पैली मि यु सुणदु छो, कि जब तुम मण्डलि मा पिता परमेश्वर की आराधना कनु कु कठ्ठा हुन्दा, त तुम मा मतभेद हुन्दींनि अर मि तैं विश्वास च की ऊं की कुछ बुलीं बात सच छिनी।

लूका 17:1

फिर वेल अपड़ा चेलों मा बोलि, यु बात पक्की च अजमैश मनिख्युं मा जरुर आली जु ऊंको पाप का कारण बंणलि पर हाय वे मनिख पर जैका कारण उ आली।

मत्ती 7:15

“झूठा लुखुं बट्टी जु अपड़ा आप तैं परमेश्वर का संदेश दींणवला बुल्दिन इन लुखुं बट्टी चौकस रावा जु भेडियों जन छिन जु को अफ तैं ढिबरों का खल्डा ल ढक्यूं लुखुं तैं यु विश्वास दिलांणु कु की उ ढिबरा छिन पर उ वास्तव मा भेड़िया छिन जु लुखुं पर हमला करदींनि।”