रोमियों 15:30 - गढवली नयो नियम

³⁰ हे विश्वासी भयों; मि तुम तैं हमारा प्रभु यीशु मसीह का नौं बट्टी बिनती कनु छों कि उ मि कु पिता परमेश्वर बट्टी प्रार्थना कैरी कै मेरा संघर्ष मा सहभागी हो, इन तुम पवित्र आत्मा का द्वारा मि कु तुम अपड़ा प्रेम का कारण कैरा।

Garhwali

³⁰ हे मेरा भै-बैंणो, मि तुम से बिन्ती करदु, कि तुम पिता परमेस्वर से प्रार्थना कैरा कि उ मेरा काम मा मेरी मदद कैरो। अर यू सब कुछ उ हमरा प्रभु यीशु मसीह का द्‍वारा वेका प्यार से करदु, जु कि पवित्र आत्मा का द्‍वारा हम तक पौंछदु।

रोमियों 15:30 Referans Kwoze

कुलुसी 4:12

इपफ्रास जु तुम्हरी ही जगह कु च, अर मसीह यीशु कु सेवक च, उ तुम कु प्रणाम बुल्णु च, अर हमेशा तुम कु मन लगै के प्रार्थनाओं मा लग्युं रौंद, कि पिता परमेश्वर तुम तैं मजबूत अर सिद्ध कैरो अर तुम पूरा विश्वास का दगड़ी पिता परमेश्वर की इच्छा तैं पूरो कनु रौ।

2 कुरिन्थि 1:11

जन तुम हम कु प्रार्थना कैरी के हमारी मदद करदा, उन ही भौत सैरा लुखुं की प्रार्थनाओं का द्वारा हम तैं पिता परमेश्वर की कृपा का द्वारा आशीष मिलीं छिनी, वेका कारण भौत लोग हमारी तरपां बट्टी पिता परमेश्वर कु धन्यवाद कैरा।

1 थिस्सलुनीकी 5:25

हे विश्वासी भयों, हम कु प्रार्थना कैरा।

2 कुरिन्थि 4:11

किलैकि हम ज्यूंदा रै के हमेशा यीशु का कारण मरै जांणा का खतरा मा छा कि यीशु कु जीवन भि हमारा मुरण वली देह मा प्रगट हो।

2 थिस्सलुनीकी 3:1

आखिर मा, हे विश्वासी भयों, हम कु प्रार्थना कना रावा, कि हम जल्द ही हर जगह मा प्रभु यीशु मसीह का बारा मा संदेश तैं फैला सैका अर लोग यु पर उन ही विश्वास कैरा जन तुम ल कैरी छो।

फिलिप्पी 2:1

तुम तैं हर्ष हो कि तुम मसीह बट्टी जुड़यां छा अर तुम तैं मसीही का प्रेम बट्टी तसल्ली मिलीं च, अर पवित्र आत्मा कु दगड़ो, अर किलैकि मसीह तुम कु दयालु अर मयलदु च,

कुलुसी 2:1

मि इन चांणु छों कि तुम यु जांणि ल्यावा, कि मि तुम कु अर ऊंकु जु लौदीकिया शहर मा छिनी, अर ऊं सभियूं कु जौं तैं मि आज तक नि मिल, कन मेहनत करदु छों।

2 कुरिन्थि 4:5

किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

2 तीमुथियुस 4:1

जब प्रभु यीशु राजा का समान राज्य मा आलो, त उ ज्यून्दो को अर मुर्दों को न्याय करलो, अर पिता परमेश्वर, यीशु मसीह तैं गवाह जांणि कै वेका राज्य कि सुद दिलै के मि त्वे तैं आज्ञा दींणु छौं,

कुलुसी 1:8

वेल हम तैं दुसरा लुखुं का प्रति तुम्हरा प्रेम का बारा मा बतै जु पवित्र आत्मा ल तुम तैं द्ये।

इफिसुस 6:19

अर मि कु भि प्रार्थना कैरी कै पिता परमेश्वर बट्टी बुल्यां कि उ मि तैं बुल्ण मा ठिक शब्द द्यां कि मि साहस बट्टी शुभ सन्देश प्रचार का बारा मा जु सभि लुखुं कु च, वेका गुप्त बातों तैं समझी सका,

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

2 कुरिन्थि 12:10

इलै मि मसीह की कमजोरियों, अर निन्दाओं मा, अर दरिद्रता मा, अर घपरौल मा, अर दुखों मा, खुश छों; किलैकि जब मि कमजोर हूंदु, तब मि मसीह की सामर्थ मा मजबूत हूंदु।