रोमियों 15:19 - गढवली नयो नियम

¹⁹ अर पिता परमेश्वर की पवित्र आत्मा का द्वारा मि तैं दिये गै सामर्थ बट्टी मि अद्भुत काम अर चमत्कार करदु इलै जख भि मि यरूशलेम शहर बट्टी इल्लुरिकुम तक ग्यूं छों, मिल उख सभि लुखुं तैं यीशु मसीह का बारा मा शुभ सन्देश सुणै।

Garhwali

¹⁹ अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

रोमियों 15:19 Referans Kwoze

2 कुरिन्थि 12:12

सच्चा प्रेरित का लक्षण भि तुम्हरा बीच सब प्रकार का धीरज सहित चिन्हों, अर चमत्कार का कामों, अर सामर्थ का कामों बट्टी दिखै गैनी।

इब्रानी 2:4

पिता परमेश्वर ल भि अद्भुत कामों, बड़ा-बड़ा चिन्हों, कई प्रकार का चमत्कारों का द्वारा अर पवित्र आत्मा का द्वारा लुखुं तैं वरदान दे कि यु तैं साबित कैरी, ठिक उन ही जन की पिता परमेश्वर चांदु च।

गलातियों 3:5

जु तुम तैं पवित्र आत्मा बहुतायत ल दान करदो अर तुम मा चमत्कार का काम करदु, क्य उ यु कारण च कि तुम ल मूसा की व्यवस्था कु पालन कैरी या उ यु कारण च किलैकि तुम ल मसीह का बारा मा शुभ संदेश तैं सूंणि अर वे पर विश्वास कैरी?

2 तीमुथियुस 4:17

पर प्रभु ल मेरू दगड़ो दींनि, अर मि तैं सामर्थ दींनि; कि मेरा द्वारा यीशु मसीह का शुभ संदेश को पूरो प्रचार हो, अर सब अन्य-जाति का लोग सूंणि ल्योनु, अर मि तैं मौत बट्टी बचै जन कि शेर का गिच्चा बट्टी छुड़ाये हो।

खास चेलों 20:6

पर हम ल मकिदुनिया प्रान्त का फिलिप्पी शहर कि यात्रा कैरी। अर अखमीरी रुट्टि का त्योहार का बाद फिलिप्पी शहर बट्टी पांणी का जहाज मा बैठी के पाँच दिन मा त्रोआस तक पौंछयां अर सात दिन तक उखी रयां।

खास चेलों 17:10

विश्वासी भयों ल झट रत्म रात पौलुस अर सिलास तैं बिरीया नगर भेजि दींनि, अर उ उख पौंछि के यहूदियों का मिलणा का भवन मा गैनी।

खास चेलों 20:20

मि जु-जु बात तुम्हरा फैदा की छै तुम तैं बतांण मा, अर लुखुं का संमणी अर घौर-घौर सिखांण मा कभि भि नि झिजक्यूं।

खास चेलों 19:1

जब अपुल्लोस कुरिन्थुस शहर मा छो, त पौलुस दूर का प्रदेशों बट्टी हवे के इफिसुस शहर मा ऐ। अर उख वे तैं कुछ चेला उख मिलिनि।

खास चेलों 18:19

वेल इफिसुस शहर पौंछि के प्रिस्किल्ला अर अक्विला तैं उख छोड़ी। अर इफिसुस शहर तैं छुड़ण से पैली उ यहूदियों का मिलणा का भवन मा जै के यहूदी लुखुं दगड़ी बातचित कन लगि गै।

खास चेलों 18:1

यांका बाद पौलुस एथेंस शहर तैं छोड़ी के कुरिन्थुस शहर मा ऐ।

खास चेलों 17:15

कुछ आदिम पौलुस का दगड़ी एथेंस शहर तक गैनी, पर पौलुस की ईं आज्ञा का दगड़ी उ बिरीया चलि गैनी की सिलास अर तीमुथियुस जल्दी ही वे म भेजि दिये जाला।

खास चेलों 16:18

व भौत दिन तक इन ही करदी रै, पर पौलुस दुखी हवे, अर मुड़ी के वीं दुष्टात्मा बट्टी बोलि, “मि त्वे तैं यीशु मसीह का नौं से आज्ञा दींदु, कि वीं बट्टी निकली जा अर व आत्मा तुरंत निकली गै।”

खास चेलों 15:12

तब सैरी सभा सन्ट हवे के बरनबास अर पौलुस की बात सुणन लगि गै की परमेश्वर ल ऊंका द्वारा अन्यजातियों मा कन-कन बड़ा चिन्ह, अर चमत्कार का काम दिखैनी।

खास चेलों 14:25

अर ऊंल पंफूलिया जिला का पिरगा शहर मा पिता परमेश्वर को वचन सूंणि के अत्तलिया शहर मा ऐनी।

खास चेलों 14:20

पर जब चेला वेका चौ तरपां ऐ के खड़ा हवीनि, त उ उठि के शहर मा गैनी अर दुसरा दिन बरनबास का दगड़ी दिरबे शहर कु चलि गैनी।

खास चेलों 14:10

तब पौलुस ल जोर से बोलि, “अपड़ा खुट्टों का बल सीधो खड़ो हो।” तब यु सूंणि के उ एकदम खड़ो हवे गै अर चलण फिरण लगि गै।

खास चेलों 14:6

त पौलुस अर बरनबास ईं बात तैं जांणि गैनी, अर लुकाउनिया प्रदेश का लुस्त्रा अर दिरबे शहरों मा, अर अमणी-संमणी का प्रदेशों मा भागि गैनी।

खास चेलों 13:51

तब पौलुस अर बरनबास ल ऊंका संमणी खुट्टों की धूल उखि झाड़ी दींनि, ऊं तैं यु दिखांणु कु कि पिता परमेश्वर ल ऊं तैं अस्वीकार कैरेले छो अर ऊं तैं दंड दयालो; फिर उ इकुनियुम शहर कु चलि गैनी।

खास चेलों 13:14

अर पिरगा शहर बट्टी अगनैं बढ़ि के गलातिया प्रान्त का पिसिदिया जिला का नजदीक अन्ताकिया शहर मा पौछिनी; अर यहूदियों को विश्राम को दिन यहूदियों का मिलणा का भवन मा जै के बैठी गैनी।

खास चेलों 1:8

पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

यूहन्ना 4:48

यीशु ल वेमा बोलि, तुम चिन्ह चमत्कार दिखण चांदा तब तक मि पर विश्वास नि करदां।

मत्ती 12:28

पर जु मि परमेश्वर की आत्मा की मदद से दुष्टात्माओं तैं निकलदु त फिर परमेश्वर कु राज्य तुमारा बीच मा ऐ गै।

1 पतरस 1:12

पर पिता परमेश्वर का तरपां बट्टी बुल्ण वलो तैं पिता परमेश्वर ल बतै कि ऊंका संदेश खुद ऊंका अफ कु नि छिनी बल्कि तुम कु छिनी। उ संदेश यीशु मसीह का बारा मा शुभ सन्देश प्रचार च जु तुम ल अब सूंणि। पिता परमेश्वर ल स्वर्ग बट्टी अपड़ो पवित्र आत्मा भेजि कि तुम शुभ सन्देश प्रचार कन मा लुखुं की मदद कैरा। यु सभि इथग अद्भुत च कि इख तक की स्वर्गदूत भि उत्सुकता ल यूं बातों तैं हूंदी दिखणां छिनी।

कुलुसी 1:25

पिता परमेश्वर ल मि तैं तुम कु वेको शुभ संदेश पूरा ढंग ल समझौण कु नियुक्त कैरी, अर इलै मि मण्डलि कु सेवक बंणि के पिता परमेश्वर का आदेशों तैं पूरो कैरी साको।

रोमियों 15:24

इलै जब स्पेन देश कु जौलु त तुम मा हवे के जौलु किलैकि मि तैं आस च, कि वीं यात्रा मा तुम बट्टी भेंट कैरू, अर जब तुम्हरी संगति बट्टी मि खुश हवे जौं, मि जांदु छों कि तुम मि तैं मेरी स्पेन देश की यात्रा कु मदद कैरा।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

रोमियों 15:16

कि मि अन्यजातियों कु मसीह यीशु कु सेवक हवे के एक याजक का जन पिता परमेश्वर बट्टी मिलीं शुभ सन्देश तैं सुनांणै की सेवा करदु छों; कि अन्यजाति पिता परमेश्वर तैं एक भेंट का रूप मा दिये जां ज्यां ल उ खुश हो अर जौं तैं पवित्र आत्मा, पवित्र बणौ।

1 कुरिन्थि 2:4

अर मेरी शिक्षा, अर मेरू प्रचार मनिख्युं तैं लुभौण वली बात कु न, पर पवित्र आत्मा ल तुम तैं एक बड़ी सामर्थशाली ढंग ल दिखै कि जु संदेश मिल तुम तैं बतै उ सचो छो।

1 थिस्सलुनीकी 1:5

किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।