रोमियों 14:15 - गढवली नयो नियम

¹⁵ जु तेरु भैय तेरु खांणु का कारण उदास हूंद, त फिर तु प्रेम की रीति बट्टी नि चलदी; त त्वे तैं सावधान रौंण चयणु च कि हम खांणु का वजह बट्टी हमारा दगड़िया विश्वासी कु विश्वास नष्ट नि कैरा, किलैकि मसीह वेको भि मोरि छों।

Garhwali

¹⁵ अगर तुम अपणा खाणुक खाण की वजै से कै बिस्वासी भै या बैंण खुणि उतेडु़ बणण छाँ, त ईं बात तैं जाणि ल्या कि तुम वे बाटा पर नि चलणा छाँ, जु कि दुसरो से प्यार करण को च। अरे जु खाणुक तुम खन्द्‍यां, कखि उ वे मनखि खुणि नास होण की वजा नि बणि जौ, जै मनखि की खातिर यीशु मसीह मरे गै।

रोमियों 14:15 Referans Kwoze

गलातियों 5:13

हे विश्वासी भयों, तुम तैं पिता परमेश्वर का द्वारा आजाद हूंणु कु बुलै गै छो अर इलै अब तुम तैं मूसा की व्यवस्था तैं मनणै की जरूरत नि च; पर यूं तैं अपड़ी पापमय शारीरिक इच्छाओं तैं पूरो कनु कु मौका नि बणा, बल्कि एक-दुसरा बट्टी प्रेम कैरा अर एक-दुसरा की सेवा कैरा।

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

1 कुरिन्थि 8:1

तुम्हरी चिठ्ठी मा तुम ल मूर्तियों का संमणी चढ़यूं बलि कु खांणु का बारा मा पूछि छों, कि हम सभि यु बारा मा जंणदा छा; पर ज्ञान बड़ा मोन तैं पैदा करद, पर अगनैं बढ़ण मा हम एक-दुसरा की मदद प्रेम का दगड़ी करदां।

रोमियों 15:2

हम मा बट्टी हरेक अपड़ा दगड़िया विश्वासी पड़ोसी का दगड़ी इन कन चयणु च, जु दुसरा का दिल तैं खुश कैरो अर दूसरों कु विश्वास मजबूत कन मा मदद कैरा।

रोमियों 14:20

तुम तैं कुछ खांणै की चीज कु पिता परमेश्वर का कामों तैं नि बिगड़ण चयणु च; सभि खांणु खांण कु ठिक च, पर कुछ इन चीज खांण गलत च जु दुसरा आदिम तैं पाप मा पुड़णों को कारण बणद।

1 यूहन्ना 2:2

अर भस हमारा ही न बल्कि सैरी दुनिया का पापों तैं दूर कनु कु, मसीह एक प्रायश्चित बलिदान बण गै।

1 कुरिन्थि 13:1

मि भले ही मनिख्युं अर स्वर्गदूतों की भाषाओं मा बोलु; पर जु मिल लुखुं बट्टी प्रेम नि कैरी, त ऊं भाषाओं तैं बुल्ण मि कु ठनठनांदु पीतल, अर झंझनांद ढपली जन च।

रोमियों 13:10

प्रेम पड़ोसी की कुई बुरै नि करदो, इलै की हम एक दुसरा बट्टी प्रेम करद्यां त हम परमेश्वर की व्यवस्था तैं पूरो करदां।

2 पतरस 2:1

जन के भौत पैली अफ तैं पिता परमेश्वर का तरपां बट्टी बुल्ण वला झूठा लोग इस्राएलियों का बीच दिखैनी, उन ही तुम्हरा बीच झूठा शिक्षक दिखैनी। उ झूठी शिक्षाओं तैं लुकि के फैलांदींनि, जु लुखुं तैं मसीह पर विश्वास कन से रोक दींदिनि। यूं झूठा शिक्षक मसीह तैं अपड़ा स्वामी मनणु से भि इंकार कैरी दीला जु ऊंको मालिक छिनी अर जैल ऊं तैं पाप की शक्ति बट्टी छुड़ै, इन कै उ अपड़ा आप तैं अचानक नाश करवै दींदिनि।