रोमियों 14:14 - गढवली नयो नियम

¹⁴ मि जंणदु छौं अर प्रभु यीशु बट्टी मि तैं निश्चय हवे, कि सभि खांणु खांण कु ठिक च, पर जु सभि खांणु तैं अशुद्ध समझद, वेको अशुद्ध च।

Garhwali

¹⁴ अर मि प्रभु यीशु का बार मा जणदु छौं, अर वेसे जु बिस्वास मितैं मिलदु वां से इन साबित ह्‍वे जान्दु, कि कुछ खाण से कुई भि चीज मितैं अशुद्ध नि करदी। मगर कुछ लोग इन सोचदिन, कि ऊंका कुछ खाणुक खाण से वु अशुद्ध होणा छिन, त ऊं खुणि वु खाणुक अशुद्ध च।

रोमियों 14:14 Referans Kwoze

तीतुस 1:15

ऊं लुखुं कु जूंको दिमाग शुद्ध च, ज्यां मा पापमय जीवन नि च, व्यवस्था का अनुसार सभि चीज शुद्ध छिनी, पर ऊं लुखुं कु जु बुरा छिनी, अर जु यीशु पर विश्वास नि करदींनि, जु कुछ भि उ करदींनि उ अशुद्ध च, किलैकि ऊंको दिल दिमाग अर द्वी ही पूरा ढंग ल बुरो हवे गै।

रोमियों 14:2

किलैकि एक तैं विश्वास च, कि सब कुछ खांण ठिक च, पर जु विश्वास मा कमजोर च, उ भस सागपात ही खांद।

1 कुरिन्थि 8:7

पर हमारा कुछ विश्वासी अभि तक भि नि जणदींनि कि मूर्तियों मा कुई शक्ति नि च, किलैकि उ पैली ऊं मूर्तियों की पूजा करदा छा, अब जब उ ऊं मूर्तियों तैं चढ़यूं बलि कु खांणु खंदींनि, उ गलत सुचदींनि कि उ अभि भि ऊं मूर्तियों की पूजा मा शामिल छिनी, अर उ यूं सोचि के परेशान हुन्दींनि कि जु उ मूर्तियों तैं चढ़यूं खांणु खंदींनि त ऊंल पाप कैरेले।

1 तीमुथियुस 4:4

किलैकि जु कुछ पिता परमेश्वर ल बणै उ सब अच्छो च, अर कुई भि चीज जु खये जांद अस्वीकार कन का लैख नि च, पर पिता परमेश्वर कु धन्यवाद द्ये के खये जौ;

1 कुरिन्थि 8:10

तुम जंणदा छा, कि यु मूर्तियां हक्कीकत मा परमेश्वर नि छिनी इलै तुम मूर्तियों का मन्दिर मा बलि कु खांणु भि खै सकदियां। पर जु कुई विश्वास मा कमजोर च उ तुम तैं जु उख खांणु खांण देखु त मूर्तियों तैं चढ़यूं मांस खांण कु प्रोत्साहित हूंद, जबकि उ सुचद कि इन कन गलत च।

खास चेलों 10:28

अर बुल्ण लगि गै, “तुम जंणदा छा कि यहूदियों कु कुई अन्य-जाति का दगड़ी रिश्ता रखण या ऊंका घौर मा जांण मना च यूं हम यहूदी लुखुं का कानून का खिलाफ च, पर पिता परमेश्वर ल मि तैं बतै कि मि कै आदिम तैं अशुद्ध नि बोलु।

1 कुरिन्थि 10:25

पर जब तुम बजार मा मीट खरीददां त वे तैं खा ल्या। पर यु नि पूछा कि यु मूर्तियों तैं चढ़यूं च या न, अर इन कन से तुम्हरो जमीर परेशान नि होलो।

रोमियों 14:23

जु तु ईं बात तैं लै के शक करदी छै कि त्वे तैं कुछ खांण चयणु च या न, त तु यु तैं खै के पाप कनि छै, किलैकि तु अपड़ा विश्वास कु पालन नि कनि छै, किलैकि उ विश्वास बट्टी नि खांदो, अर हम जु भि करद्यां, जु यु प्रभु मा विश्वास का दगड़ी नि च, त उ हम कु पाप च।

रोमियों 14:20

तुम तैं कुछ खांणै की चीज कु पिता परमेश्वर का कामों तैं नि बिगड़ण चयणु च; सभि खांणु खांण कु ठिक च, पर कुछ इन चीज खांण गलत च जु दुसरा आदिम तैं पाप मा पुड़णों को कारण बणद।

मरकुस 7:2

अर ऊंल वेका कुछ चेलों तैं यहूदी रीति रिवाज का अनुसार अशुद्ध छा अर ऊं बगैर हथ धुयां रुट्टि खांण देखि