रोमियों 14:13 - गढवली नयो नियम

¹³ इलै अगनैं कु हम एक हैंका पर भंगार नि लगयां पर तुम यु ही ठांणी ल्यावा की कुई भि अपड़ा भैय का संमणी पाप कन या ठोकर खांणु कु कारण नि रख्यां।

Garhwali

¹³ इलै अब से एक-दुसरा की गळती निकळण छोड़ि द्‍या, अर ना ही हमतै कुई इन्द्रयो फैसला लेण चयेणु, ज्यां से कि कै बिस्वासी भै या बैंण तैं अपणा जीवन मा उतेडु़ लगु या उ पाप मा पोड़ि जौ।

रोमियों 14:13 Referans Kwoze

2 कुरिन्थि 6:3

पिता परमेश्वर का सहभागी का रूप मा, हम कै बात मा ठोकर खांणा का कुई मौका नि दींदयां, कि हमारी सेवा पर कई भंगार नि लगौ।

याकूब 4:11

हे विश्वासी भयों, एक हैंका की बदनामी नि कैरा जु अपड़ा भैय की बदनामी करदो या वे पर भंगार लगौंदु उ परमेश्वर का वचन की बदनामी करदो, अर परमेश्वर का वचन पर भंगार लगौंदु पर तू जु परमेश्वर का वचन पर भंगार लगांदी त तब तू परमेश्वर का वचन कु पालन नि करदी बल्कि तु अफी मूसा द्वारा लिखीं परमेश्वर की व्यवस्था पर न्यायी बण जांदी।

लूका 12:57

तुम तैं अफी ही फैसला कन चयणु की तुम कु की कन ठिक च?

मत्ती 7:1

“दूसरों कु जांच कैरी के न्याय नि कैरा त परमेश्वर भि तुमारो न्याय नि करलो।”

रोमियों 16:17

अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।

रोमियों 14:10

त तुम किलै अपड़ा दगड़िया विश्वासी भैय पर भंगार लगांणु छै? या तु फिर अपड़ा दगड़िया विश्वासी भैय तैं तुच्छ किलै समझंणि छै? हम सभियूं कु न्याय आसण मा बैठयां पिता परमेश्वर बट्टी होलो।

लूका 17:2

जु कुई यूं छुटों मा बट्टी जु मि पर विश्वास करदींनि ऊं तैं उतेडो लगौ त वेको त यु भलो च कि उ अपड़ा गौळा मा जंदरा को पाट लटकाये जौं अर उ समुद्र मा डाले जौं।

दिब्य दरस 2:14

पर मि तैं तेरु बारा मा कुछ शिकैत च, किलैकि तू ऊं लुखुं कु विरोध नि करदी जु झूठी शिक्षा दींदिनि, जन के पिता परमेश्वर का तरपां बट्टी बुल्ण वला बिलाम ल पिछला बगत मा द्ये छै। बिलाम ल राजा बालाक तैं सिखै कि इस्राएल का लुखुं का पाप कनु कु उकसांणु कु क्य कन चयणु च। वेल ऊं तैं मूर्तियों की बलि चढ़यां खांणु, खांण अर अनैतिक रूप से जीवन जींण सिखै।

याकूब 2:4

त इन कैरी कै तुम आपस मा भेदभाव नि करद्यां, अर बुरा विचार कैरी के न्याय कन वला नि हुयां।

1 कुरिन्थि 11:13

मि चांदु कि तुम अफी ही तय कैरा; जु एक जनन मण्डलि मा वीं का मुंड ढ़कण का बगैर ही पिता परमेश्वर बट्टी प्रार्थना करदी, त क्य व एक शर्म कु बरतौ नि करदी?

1 कुरिन्थि 10:32

मि सभियूं तैं खुश कने की कोशिश करदु, मि अपड़ी भलै का बारा मा नि सुचणु छो, बल्कि सभियूं का भलै का बारा मा सुचणु छो, कि उ बची के उद्धार पै साका। उन ही के तुम भि इन के रा कि यहूदियों या यूनानी अन्यजाति या पिता परमेश्वर का विश्वासियों की मण्डलि कु कुई परेशानी या कुई ठेस पैदा नि हो।

रोमियों 14:4

इलै तुम तैं कैका दास कु न्याय नि कन चयणु च; चाहे उ भलो कैरो या बुरो कैरो, यु वेका मालिक की जिम्मेदारी च। पर उ भलो ही करलो, किलैकि प्रभु भलो कन मा वेकी मदद करदो।

मत्ती 18:7

ठोकर का कारण से दुनिया पर हाय ठोकर को लगंण जरूरी च पर हाय च वे मनिख पर जैकी तरपां बट्टी ठोकर का कारण पाप हुंद।

मत्ती 16:23

वेल पिछनैं फरकि के पतरस तैं झिड़की के बोलि, “हे शैतान मेरा संमणी बट्टी दूर हवे जा त्वे बट्टी मि तैं ठोकर मिलणी च किलैकि तु परमेश्वर का तरपां बट्टी नि सुचणी बल्कि मनिख्युं कि तरपां बट्टी सुचणी छै।”

1 यूहन्ना 2:10

जु कुई अपड़ा विश्वासी भैय बट्टी प्रेम करदो, उ उज्यला मा रौन्दु, अर इलै वेमा इन कुछ भि नि च, जु कै और कु पाप को कारण बणो।

1 तीमुथियुस 5:14

इलै मि इन चांदु कि जवान विधवा ब्यो कैरो अर बच्चों तैं जन्म दयूंनु अर घरबार संभलुन अर कै शैतान तैं बुरै कनु को मौका नि दयूंनु।

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

2 कुरिन्थि 5:14

किलैकि मसीह कु प्रेम हम तैं चलौंद; इलै कि हम निश्चित छा, कि एक आदिम सभि लुखुं कु मोरि गै, इलै सभि लोग मोरि गैनी।

रोमियों 11:9

अर राजा दाऊद बुल्द, “ऊंको खांणु ऊंकु तैं जाल, अर फंदा, अर ठोकर, अर दण्ड कु कारण हवे जालो।

रोमियों 14:3

अर जु मांस खांद, ऊं मांस नि खांण वला तैं तुच्छ नि समझो अर मांस नि खांण वला पर भंगार नि लगौ; किलैकि परमेश्वर दुयूं तैं स्वीकार करदो।