रोमियों 13:12 - गढवली नयो नियम

¹² ईं बुरी दुनिया मा रौंणो को अब हमारो बगत खत्म हवे गै एक रात का जन जु लगभग खत्म हवे गै, अर उ बगत भि नजीक च जब मसीह वापिस आलो; इलै हम तैं ऊं कामों तैं कन बंद कैरी दींण चयणु च जु अंधकार बट्टी जुड़यूं च; अर हम तैं ऊं हथियारों तैं इस्तेमाल कन चयणु च जौं तैं उज्यला मा इस्तेमाल किये जांद।

Garhwali

¹² अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

रोमियों 13:12 Referans Kwoze

इफिसुस 5:11

इलै तुम यूं पापमय कामों तैं कन मा ऊंका दगड़िया नि बंणि, बल्कि लुखुं तैं दिखा कि यु काम बुरा छिनी।

2 कुरिन्थि 6:7

सत्य का वचन मा, पिता परमेश्वर की सामर्थ मा। हम दैंणा हथ मा धार्मिकता का हथियारों तैं हमला कनु कु अर बैं हथ मा रक्षा कनु कु इस्तेमाल करदा।

याकूब 1:21

इलै मनों को सैरो मैल अर बैर-भाव की बढ़ती तैं दूर कैरी कै, वे पिता परमेश्वर का वचन तैं नम्रता ल स्वीकार कैरी ल्या, जु तुमारा मन मा डलै गै, उ ही तुमारा आत्मा तैं बचै सकदो।

इफिसुस 4:22

तुमारा शिक्षकों ल तुम तैं वे ढंग छुड़ौण कि शिक्षा द्यां, जैका अनुसार तुम बरतौ करदा छा, हमारी भुरीं इच्छा ल तुम तैं धोका द्यां अर तुमारा जीवन तैं बर्बाद कैरी द्या।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

दिब्य दरस 22:10

फिर वेल मि बट्टी बोलि, “ईं किताब (चाम्रपत्र) की भविष्यवाणी का संदेशों तैं गुप्त नि रख; किलैकि जादा बगत नि होलो जब यु पूरो होलो।”

1 पतरस 2:1

इलै, हर प्रकार का बुरा बरतौ बट्टी छुटकारा पै। दूसरों तैं धोखा नि द्या, कपटी नि बणा। दूसरों बट्टी नि फुकया; दुसरा लुखुं का विरुद्ध बुरी बात नि बोला।

दिब्य दरस 1:3

पिता परमेश्वर हर वे आदिम तैं आशीष दयालो जु ईं भविष्यवाणी तैं दूसरों तैं पढ़ी के सुणांलो, अर उ हर वे आदिम तैं आशीष दयालो जु यु तैं सुणदो अर यु तैं मणद, किलैकि यु सब बात अर चीज भौत जल्द ही होली।

1 कुरिन्थि 7:29

हे विश्वासी भयों, मि बुल्दो कि, ईं दुनिया मा हम मा जादा बगत नि च, यु कारण की तुम्हरी जनन च या नि च, यांका बारा मा जादा परेशान नि व; पर प्रभु की सेवा कना का बारा मा सुचणां रा।

1 कुरिन्थि 10:11

पर यु सब बात, जु ऊंल दगड़ी हवे, ऊं तैं चितांण की रीति पर हवे छै; अर उ हम तैं चितांण कु जु ईं दुनिया का अंत का बगत मा रौंणा छिनी लिखै गैनी।

2 कुरिन्थि 10:4

किलैकि जै हथियारों बट्टी हम लड़दा, उ मनिख्युं वला हथियार नि छिनी, पर गढों तैं ढै दयूंणु कु पिता परमेश्वर का शक्तिशाली हथियार छिनी।

इफिसुस 5:8

किलैकि तुम खुद अंधेरा मा रौंदयां, पर जब बट्टी तुम प्रभु का लोग बंणया, तुम उज्यला छा। इलै तुम तैं ऊं लुखुं का जन जींण चयणु च जु उज्यला मा बट्टी जुड़यां छिनी।

इब्रानी 10:25

आवा हम कुछ लुखुं का जन, पिता परमेश्वर की आराधना कनु कु कठ्ठा हूंण बंद नि कैरा, पर हम तैं एक-दुसरा तैं प्रोत्साहित कन चयणु च, अर चितांण चयणु च, ज्यादातर अब जबकि प्रभु को फिर से वापिस आंणो को दिन नजीक आंणु च।

इब्रानी 12:1

हमारा अमणी-संमणी इन कई लोग छिनी जु की जिन्दगी हम तैं बतांद कि विश्वास कु मतलब क्य च; हर एक रुकण वली चीज, अर उलझांण वला पापों तैं दूर कैरी के हम वे बट्टा पर चला जै पर हम तैं जरूरी चलण चयणु च, उख चला।

याकूब 5:8

उन ही तुम भि सब्र रखा, अर उम्मीद नि छोड़ा किलैकि प्रभु को औंणो वलो दिन नजदीक च।

1 पतरस 4:7

सभि बातों कु अन्त तुरंत हूंण वलो च; इलै स्पष्ट रूप से सोचा अर अपड़ा आप तैं काबू मा रखि के प्रार्थना कु चौकस रा।

2 पतरस 3:9

कुछ लोग सुचदींनि कि प्रभु अपड़ा वापिस आंणा का वादा तैं पूरो कन मा देर कनु च। पर प्रभु इलै देर नि कनु च। बल्कि, उ तुम दगड़ी धीरज धरणु च। किलैकि कै तैं भि नाश नि कन चांद। पर चांद कि हर कुई अपड़ा मन तैं पापों बट्टी फिरौ अर गलत काम कन बंद कैरी द्यो अर वेमा ऐ जा।

2 पतरस 3:11

जबकि पिता परमेश्वर निश्चित रूप बट्टी यूं सभि चीजों तैं नाश कैरी दयालो, जन कि मिल अभि बोलि, इलै तुम तैं निश्चित रूप मा ईश्वरीय ढंग से बरतौ कन जु पिता परमेश्वर तैं खुश करद।

1 यूहन्ना 2:18

हे नौंनो, मसीह कु वापिस औंणु कु बगत नजदीक च, अर जन तुमारो सुणयूं च, कि मसीह को बैरी औंण वलो च, वेका हिसाब बट्टी अभि भि भौत सा मसीह का बैरी पैली बट्टी ही ऐ गैनी; ज्यां बट्टी हम जंणदा छा, यु आखरी बगत च।