रोमियों 11:7 - गढवली नयो नियम

⁷ यांको परिणाम यु हवे की इस्राएली परमेश्वर तैं खुश कनै की खोज मा छिनी, उ ऊं तैं नि मिली; पर चुणयां लुखुं तैं मिली अर बकि लुखुं कु मन कठोर बंणी गै।

Garhwali

⁷ तब यां को मतलब क्या निकळि? हालांकि, इस्राएली लोग न पिता परमेस्वर की नजर मा धरमी होण की पूरि कोसिस कैरी, पर फिर भि वु सफल नि ह्‍वे सकिनी मगर जौं लोगु तैं पिता परमेस्वर न चुणी वु वेकी नजर मा धरमी साबित ह्‍वे गैनी। अर दुसरा लोग निठुर ह्‍वे गैनी, अर वेकी बातों तैं मनण से नकारी दिनी।

रोमियों 11:7 Referans Kwoze

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

रोमियों 9:18

त फिर, उ जै पर चांदो, वे पर दया करदो; अर जै तैं चांदो वे तैं जिद्दी बंणै दींद।

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

रोमियों 11:5

ईं रीति ल यु बगत भि, पिता परमेश्वर की दया का कारण, यूं यहूदियों कु एक छुटो सी हिस्सा च जौं तैं पिता परमेश्वर ल अपड़ा सच्चा लुखुं का रूप मा चुणि यले।

इफिसुस 1:4

यु कि, पिता परमेश्वर ल दुनिया मा आकाश अर धरती बनौंण बट्टी पैली, मसीह का कारण हम तैं अपड़ा लोग हूंणु कु चुंणियेले; कि हम वेका संमणी पवित्र अर निर्दोष हवे सका।

2 कुरिन्थि 3:14

पर इस्राएल का लुखुं का मन ढीट हवे गै छा, किलैकि आज तक पुरणी वाचा तैं पढ़दी बगत ऊंका मन पर उ ही परदा पुड़यूँ रौंद; पर जब उ मसीह पर विश्वास करदींनि, पर तब ही परदा हटद।

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

फिलिप्पी 1:18

त क्य हवे? भस यु, कि उ हर ढंग का गलत इरादा ल, चै उ सचै ल, मसीह का बार मा शुभ संदेश कु प्रचार करदींनि, अर मि ईं बात से खुश छौं अर मि तैं खुश हूंण भि चयणु च।

1 कुरिन्थि 10:19

मि यु बुल्णु छों, कि मूर्तियों तैं चढयां बलि का खांणु की कुछ कीमत नि च अर यु भि की मूर्तियों की कुछ कीमत नि च।

रोमियों 10:3

किलैकि उ नि जणदींनि, कि परमेश्वर की धार्मिकता क्य च, इलै उ अनजान हवे कै अपड़ा ढंग ल धर्मी बनणै की कोशिश कना छा, अर ऊंल अपड़ा आप तैं धार्मिकता का अधीन नि कैरी।

रोमियों 6:15

त क्य हवे? किलैकि हम व्यवस्था का अधीन न, पर पिता परमेश्वर की दया का अधीन छा, इलै हम तैं पाप नि कन चयणु च।

रोमियों 3:9

त क्य हम यहूदी लोग, यूनानी अन्यजाति लुखुं बट्टी बड़िया छा? क्य हम यहूदी अन्यजातियों बट्टी भि मजबूत छा? लगदु त नि च; किलैकि हम यहूदियों अर अन्यजातियों दुयूं पर भंगार लगै येलि कि उ सब लोग पाप का अधीन छिनी।

यूहन्ना 12:40

वेल ऊंका आंखा अंधा करिनि इलै कि उ देख नि साका वेका मन कठोर कयूँ च कखि इन नि हो कि उ आँखों ल दिखुनु अर मन से समझुनु अर फिरुनु अर मि ऊं तैं चंगा कैरु।”

लूका 13:24

परमेश्वर का राज्य मा प्रवेश कनु कु यत्न कैरा, किलैकि परमेश्वर का राज्य मा प्रवेश कन संगड़ा द्वार बट्टी प्रवेश कन का जन च मि तुम मा बुल्णु छौं, की भौत सा लोग प्रवेश कन चाला पर नि कैर सकदा।

1 पतरस 1:2

पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।

इब्रानी 12:17

तुम जंणद त छा, कि बाद मा जब वेल अपड़ो बुबा बट्टी आशीष पांण चै, त वेका बुबा ल वेकु मना कैरी दींनि, अर वेल आँसू बुगै-बुगै के आशीर्वाद कु बोलि पर उ अब वे तैं नि बदली सकदो छो जु वेल पैली कैरी छो।

मरकुस 6:52

ऊंल यीशु की सामर्थ तैं देखि छो, जब वेल पाँच हजार लुखुं तैं खांणु खिलै छो पर रुट्टियुं का बारा मा नि समझी छा किलैकि ऊंका ह्रदय कठोर हवे गै छा।

इफिसुस 4:18

किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;