रोमियों 11:25 - गढवली नयो नियम

²⁵ हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

Garhwali

²⁵ हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

रोमियों 11:25 Referans Kwoze

लूका 21:24

ऊंल तलवार कु निवलो हवे जांण अर सभि देशों का लुखुं मा गिरफ्तार हवे के पौंछैंये जाला अर जब तक अन्य-जातियों कु बगत पूरो नि होलो तब तक यरूशलेम शहर अन्यजाति ल रौंदे जालो।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

रोमियों 12:16

एक दुसरा कु उथग ही ध्यान रखा जथग अपड़ो रखद्यां; घमण्ड नि कैरा पर सीधा लुखुं का दगड़ा मा संगति रखा; अर अपड़ी नजर मा बुद्धिमान नि हो।

दिब्य दरस 10:7

वे बगत, जब सातवां स्वर्गदूत को शब्द दिनों मा, जब उ तुरै बजांण वलो होलो, त पिता परमेश्वर की व योजना वे शुभ सन्देश प्रचार का अनुसार पूरी हवे जाली जु वेल ऊं परमेश्वर का तरपां बट्टी बुल्ण वला लुखुं तैं बतै छै जु वेकी सेवा करदा छा पर दुसरा लुखुं तैं नि बतै।

दिब्य दरस 7:9

यांका बाद मिल देखि कि लुखुं की एक इथग बड़ी भीड़ छै कि कुई भि ऊं सभियूं तैं नि गिणी सकदो छो। उ दुनिया का हर जाति, गोत्र, राष्ट्र अर भाषा बट्टी छा। उ सिंहासन अर चिनखा का संमणी खड़ा छा। ऊंका सफेद कपड़ा पैरयां छा अर हर एक आदिम को अपड़ा-अपड़ा हथ मा खजूर का फौका पकडयां छा जु कि एक आदर को चिन्ह छो।

इफिसुस 3:9

अर सभियूं मनिख्युं तैं समझै सकदु छों, कि वेल ऊं चीजों तैं कन पूरो कैरी जौं तैं वेल पैली बट्टी कनु कु फैसला कैरी छों। यु भौत बगत पैली प्रगट नि हवे छों किलैकि परमेश्वर हरेक चीज तैं बनांण वलो ल छिपयुं छों।

दिब्य दरस 11:15

जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”

2 पतरस 3:8

हे प्रियों, ईं बात तैं अनदेखो नि कैरा जु मि अब तुम तैं बतौलु; पिता परमेश्वर एक दिन तैं थोड़ा बगत का रूप मा नि दिखद अर न ही एक हजार साल तैं लंबा बगत का रूप मा। वेको एक दिन अर एक हजार साल सब एक बराबर च।

1 कुरिन्थि 10:1

हे विश्वासी भयों, मि चांणु छों की तुम याद रखा, कि जंगल मा हमारा पुरणों का दगड़ी भौत पैली क्य हवे छो। पिता परमेश्वर ल ऊं सभियूं तैं एक बादल भेजि के बतै, जु ऊंका अगनैं-अगनैं, अर उ, ऊं सभियूं कु सूखी भूमि का जन लाल समुद्र का पांणी का बीच बट्टी बचै कै लै।

रोमियों 1:13

अर हे मेरा विश्वासी भयों, मि चांदु कि तुम जणिल्या कि मि बार-बार तुम मा औंण चै, कि जन मिल अन्यजातियों का बीच मा मसीह कु शिष्य बणैंनि, उन ही के तुम मा भि बणौं, पर अब तक यांमा रुकावट ही हवे।

1 कुरिन्थि 12:1

हे विश्वासी भयों, पवित्र आत्मा का द्वारा ऊं मिलण वला वरदानों का बारा मा जु तुम ल मि बट्टी पूछि छा, मि चांदु छों तुम यांका बारा मा अच्छो के जांणा।

मत्ती 13:11

यीशु ल जवाब दींनि, “तुम तैं त परमेश्वर का राज्य कि सचै की समझ दियीं च पर ऊं तैं नि दिईं।”

यूहन्ना 10:16

मेरा और भि ढिबरा छिन जु यु ढिबरा गोठ मा नि छिन। मि ऊं तैं भि लौण जरूरी च उ मेरू शब्द पैछणदींनि तब एक ही झुण्ड अर एक कि चरवाहा होलो।

रोमियों 9:18

त फिर, उ जै पर चांदो, वे पर दया करदो; अर जै तैं चांदो वे तैं जिद्दी बंणै दींद।

रोमियों 11:12

अब जु इस्राएल का लुखुं को पाप मा ठोकर खांण दुनिया की अन्यजातियों कु भलै को कारण बंणद, त भौत जादा भलो होलो की इस्राएल का लोग पिता परमेश्वर मा लौटि आं।

रोमियों 11:24

कै जंगली फौंकि को कै अच्छो डालो कु हिस्सा बनण स्वभाविक नि च। अर तुम जु यहूदी नि छा एक जंगली जैतून डाला बट्टी कटयां फौंकि का जन छा, अर एक अच्छा जैतून का डाला मा शामिल हो। बल्कि उ यहूदी एक फौंकि का जन च जु अच्छा डाला बट्टी भि बढि छै निश्चित रूप बट्टी ऊं तैं फिर से अपड़ा डाला बट्टी मिलै जै सकदो च।

1 कुरिन्थि 2:7

पर हम पिता परमेश्वर कु उ गुप्त ज्ञान जै ज्ञान की बात हम करद्यां, जु छुपियूं छो, अर अभि तक कुई भि यु तैं नि समझी साकी छो। यां से पैली कि पिता परमेश्वर ल धरती की रचना कैरी, वेल पैली ही बट्टी सोचेले छो कि वेको ज्ञान हम तैं महिमा दयालो।

1 कुरिन्थि 4:1

इलै लुखुं ल हम तैं मसीह कु सेवक समझी, जु तैं परमेश्वर का वचन का गुप्त भेदों तैं समझणै की जिम्मेदारी सौंपे गै।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

इफिसुस 4:18

किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;

दिब्य दरस 1:20

अब मि बतौलु कि मेरा दैंणा हथ का सात गैणो को क्य मतलब च अर सोना की सात दिवडों को क्य मतलब च जु कि पैली पता नि छो। यांको मतलब यु च सात गैणा ऊं स्वर्गदूतों तैं बतौंदींनि जु सात मण्डलियों की रखवली करदींनि अर सात दिवडा सात मण्डलियों तैं बतांद।