रोमियों 11:12 - गढवली नयो नियम

¹² अब जु इस्राएल का लुखुं को पाप मा ठोकर खांण दुनिया की अन्यजातियों कु भलै को कारण बंणद, त भौत जादा भलो होलो की इस्राएल का लोग पिता परमेश्वर मा लौटि आं।

Garhwali

¹² अर यहूदी लोगु का गळत चलण की वजै से दुसरि जाति का लोगु तैं पिता परमेस्वर की भौत सि आसीस मिली गैनी। अर अगर जु इस्राएली लोग यीशु मसीह पर बिस्वास करला, त पिता परमेस्वर ऊंतैं जरुर आसीस द्‍यालु अर वु भि पैलि से भि जादा।

रोमियों 11:12 Referans Kwoze

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

कुलुसी 1:27

किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

रोमियों 11:15

किलैकि जब इस्राएल का लुखुं कु छुड़ै जांणा दुनिया का लुखुं कु मेल कु कारण हवे, त जब उ यीशु तैं मसीह का रूप मा अपणैयला अर परिणाम का रूप मा इन होलो जन की परमेश्वर ऊं तैं मरणा का बाद फिर ज्यूंदों कनु हो।

इफिसुस 3:8

जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

रोमियों 9:23

वेल इन इलै कैरी, किलैकि उ दिखण चांदु छो, कि उ कथग महान च जब वेल ऊं लुखुं पर दया कैरी जौं तैं वेल अपड़ी महिमा मा भागिदार हूंणु कु पैली चुणि।

रोमियों 11:33

पिता परमेश्वर की दया कु धन, बुद्धि अर ज्ञान सच मा भौत महान च! कुई भि ऊंकी निर्णय की व्याख्या नि कैर सकद अर न ही कुई वेका रस्तों तैं समझी सकदो।

खास चेलों 3:21

यीशु तैं स्वर्ग मा वीं बगत तक रखण जरूरी च जब पिता परमेश्वर उ सभि चिज्युं तैं नयो बणै दयालो जु वे ल बणईं छिनी अर बहुत बगत पैली पिता परमेश्वर ल लुखुं तैं यूं बतौंणु कु परमेश्वर का तरपां बट्टी बुल्ण वलो का द्वारा इन कनु को सौ खै छै।”