रोमियों 10:9 - गढवली नयो नियम

⁹ कि जु तु अपड़ा गिच्चा बट्टी यीशु तैं अपड़ो प्रभु जांणि कै पूरी रीति बट्टी स्वीकार करिली अर अपड़ा मन बट्टी विश्वास कैरा कि परमेश्वर ल यीशु तैं मुर्दों मा बट्टी ज्यूंदों कैरी, त पिता परमेश्वर तेरु उद्धार कैरी के त्वे तैं बचालो।

Garhwali

⁹ अर अगर जु तुम अपणा गिच्‍चा से ईं बात तैं स्वीकार करद्‍यां कि, “यीशु ही प्रभु च,” अर अपणा मन से बिस्वास करद्‍यां कि पिता परमेस्वर न यीशु मसीह तैं मुरदो मा बटि ज्यून्द कैरी, त तुमतै बचयै जालु।

रोमियों 10:9 Referans Kwoze

लूका 12:8

मि तुम मा बुल्णु छौं जु कुई भि लुखुं का संमणी इन बोलो, कि मि यीशु कु चेला छों, त मि मनिख कु नौंनो वे तैं परमेश्वर का स्वर्गदूतों का संमणी स्वीकार करलो।

खास चेलों 16:31

ऊंल बोलि “प्रभु यीशु मसीह पर विश्वास कैर त तु अर तेरी कुटुम्दारी उद्धार पालि अर बची जाली।”

फिलिप्पी 2:11

अर पिता परमेश्वर कि बड़ै कु सभि लोग अंगीकार कैरो कि यीशु मसीह ही प्रभु च।

1 पतरस 1:21

जु कुछ भि मसीह ल कैरी वेका कारण ही तुम अब पिता परमेश्वर पर विश्वास करदा। अर तुम ल अपड़ो विश्वास अर आस पिता परमेश्वर मा रखि च किलैकि वेल मसीह तैं मुर्दों मा बट्टी ज्यूँदो कैरी अर वे तैं भौत महिमा दींनि इलै तुम विश्वास करदा अर पिता परमेश्वर मा तुम्हरी आस अब मजबूत च।

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

रोमियों 14:11

किलैकि परमेश्वर का वचन मा लिख्युं च, “प्रभु बुल्द, मि अपड़ा जीवन की सौं खांदु, कि हरेक मेरा संमणी घुंडा टिकलो, अर हरेक मनिख पिता परमेश्वर तैं स्वीकार करलो।”

1 कुरिन्थि 12:3

इलै मि तुम तैं चांदु छों कि तुम जणिल्या, कि जु कुई पिता परमेश्वर कि आत्मा कि अगुवाई बट्टी बुल्दो च, उ नि बुल्दो कि यीशु श्रापित च; पर पवित्र आत्मा ही च, अर पवित्र आत्मा का द्वारा ही उ बोलि सकद की “यीशु ही प्रभु च।”

2 यूहन्ना 1:7

मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।

यूहन्ना 9:22

यु बातों तैं वेका ब्वे-बुबा ल इलै बोलि, किलैकि उ यहूदी अगुवों बट्टी डरदा छा; किलैकि यहूदी अगुवा एकमत हवे गै छा कि जु विश्वास कैरी की यीशु ही मसीह च त यहूदियों का मिलणा का भवन मा बट्टी निकाले जौं।

खास चेलों 8:36

उ रस्ता मा जांदी बगत, उ एक तालाब का संमणी पौछिनी, तब खजांची ल बोलि, “इख एक तालाब च, क्य अब मि तैं बपतिस्मा लींण मा कुई रोक च?”

खास चेलों 2:24

पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

खास चेलों 2:32

परमेश्वर ल यु यीशु ज्यूँदो कैरी जैका हम सभि गवाह छा।

रोमियों 4:24

बल्कि हम कु भि जूं कु विश्वास धार्मिकता गिणै जौं, मतलब हम कि जु परमेश्वर पर विश्वास करुला, जैल हमारा प्रभु यीशु तैं मुर्दों मा बट्टी ज्यूँदो कैरी, त हम भि विश्वास का कारण धर्मी मंणै जौला।

रोमियों 10:10

किलैकि हम अपड़ा मन बट्टी विश्वास करदां, अर इलै हम पिता परमेश्वर का दगड़ी धर्मी बणदां। अर हमारा गिच्चो कु अंगीकार हमारा विश्वास तैं दिखांद जै बट्टी हम उद्धार पै के बचये जणदां।

रोमियों 14:9

किलैकि मसीह इलै मोरि अर ज्यूंदों हवे गै, कि उ ऊई च जै तैं ज्यूंदों अर मुरयां लुखुं द्वी प्रभु का रूप मा स्वीकार करदींनि।

1 यूहन्ना 4:15

जु कुई यु मणी लींद, कि यीशु पिता परमेश्वर को नौंनो च त पिता परमेश्वर वेमा रौंदो, अर उ पिता परमेश्वर मा रौंदो।