रोमियों 1:8 - गढवली नयो नियम

⁸ पैली मि तुम सभियूं कु यीशु मसीह का द्वारा अपड़ा पिता परमेश्वर कु धन्यवाद करदु छों, किलैकि यीशु मसीह मा तुमारा विश्वास कि चर्चा सैरी दुनिया मा हूंणी च।

Garhwali

⁸ सबसे पैलि मि तुम सभ्यों का खातिर अपणा यीशु मसीह का द्‍वारा पिता परमेस्वर तैं धन्यवाद देन्दु, किलैकि तुमरा बिस्वास की चर्चा पूरि दुनियां मा होणी च।

रोमियों 1:8 Referans Kwoze

रोमियों 16:19

तुम्हरा आज्ञा मंनणै की चर्चा सभि लुखुं मा फैली गै; इलै मि तुम्हरा बारा मा खुश हूंदु; पर मि इन चांदु छों, कि तुम भलै कु बुद्धिमान, पर बुरै कु भोला बंणयां रावा।

1 कुरिन्थि 1:4

मि तुमारा बारा मा अपड़ा पिता परमेश्वर कु धन्यवाद सदनी करदु, इलै की पिता परमेश्वर की या दया तुम पर मसीह यीशु मा कठ्ठा हूंणा का कारण हवे।

रोमियों 6:17

तुम पाप का गुलाम छा, पर अब तुम ल ऊं शिक्षाओं कु पालन कैरी, जु तुम तैं मिली। इलै मि पिता परमेश्वर कु धन्यवाद करदु,

1 पतरस 4:11

उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।

इब्रानी 13:15

इलै हम यीशु का द्वारा अपड़ा होंठों बट्टी पिता परमेश्वर की स्तुति करदी रां य ही वेको हमारो बलिदान च।

कुलुसी 1:3

हम तुम कु सदनी प्रार्थना कैरी कै अपड़ा प्रभु यीशु मसीह का पिता यानि पिता परमेश्वर कु धन्यवाद करदां

फिलिप्पी 1:3

पैली दिन बट्टी तुम ल यीशु मसीह का बारा मा यु शुभ सन्देश पर विश्वास कैरी, तुम पैली बट्टी मेरा दगड़िया रै चुकि ग्यां; ये कारण मि जब-जब तुम तैं याद करदु, उथग बार मि पिता परमेश्वर कु धन्यवाद करदु। अर जब मि तुम सभियूं कु पिता परमेश्वर बट्टी प्रार्थना करदु त सदनी खुशी हवे के प्रार्थना करदु।

इफिसुस 1:15

ऊं सभियूं का कारण जु पिता परमेश्वर ल करयुं च, मि भि वे विश्वास जु तुम लुखुं मा प्रभु यीशु पर च अर पवित्र लुखुं का प्रति हमारा प्रेम का बारा मा सूंणि कै,

फिलिप्पी 1:11

यीशु मसीह का द्वारा पैदा हूंण वला धार्मिकता का कामों तैं अपड़ा भितर भोरि लय, जु यीशु मसीह मा पये जंदींनि ज्यां ल पिता परमेश्वर कि बड़ै हूंणी रौ।

इफिसुस 5:20

अर जु कुछ हमारा प्रभु यीशु मसीह ल करयूं च, वेका कारण सदनी हमारा पिता परमेश्वर कि सभि बातों कु धन्यवाद कैरा।

मत्ती 24:14

अर पिता परमेश्वर का राज्य का बारा मा शुभ सन्देश सैरा दुनिया मा प्रचार किये जालो की सभि जातियों पर गव्है हो तब दुनिया कु अंत हवे जालो।

इफिसुस 3:21

मण्डलि मा, अर मसीह यीशु मा, वेकी बड़ै पीड़ि बट्टी पीड़ि तक सदनी हूंणी रौ। आमीन।

खास चेलों 11:28

ऊंमा बट्टी एक पिता परमेश्वर का तरपां बट्टी बुल्ण वलो आदिम जै को नौं अगबुस छो, उ खड़ो हवे अर पवित्र आत्मा की सामर्थ बट्टी ऊं तैं बतै कि पूरी दुनिया मा अकाल पुडण वलो च; अर सच मा यु अकाल सम्राट क्लौदियुस का बगत मा पोड़ी।

लूका 2:1

ऊं दिनों मा रोमी सम्राट औगुस्‍तुस कैसर ल अपड़ा सारा साम्राज्‍य की जनगणना की राजाज्ञा निकली, की सारा रोमी साम्राज्‍य का सभि लुखुं का नौं लिखै जौं।

खास चेलों 28:22

पर हम तेरु विचार सुणन चांणा छा किलैकि हम जंणदा छा कि हरेक जगह यु झुण्ड का खिलाफ लोग बात कना छिनी।”

रोमियों 10:18

पर मि पुछणु छों, “कि यहूदियों ल निश्चित रूप मा मसीह का बारा मा शुभ संदेश सुणयूं च, ऊंल जरूर सूंणि किलैकि परमेश्वर का वचन मा लिख्युं च, ऊंका शब्द सैरा धरती पर, अर ऊंका वचन दुनिया मा हरेक जगह पौंछि गैनी।”

2 कुरिन्थि 2:14

पर पिता परमेश्वर कु धन्यवाद हो, हमारा सम्बंध मसीह का दगड़ी हूंणा का कारण, उ हमेशा हम दगड़ी रौंद अर हम तैं जीत दिलांद। यांको मतलब च कि हम जख भि जांदा, हम शुभ संदेश का प्रचार की खुशबु तैं फैलौंदां कि सभि लोग पिता परमेश्वर तैं जांणा अर सूंणा।

इफिसुस 1:16

मि सदनी तुम कु पिता परमेश्वर कु धन्यवाद करदु छों, अर अपड़ी प्रार्थनाओं मा तुम तैं याद करदु छों।

1 थिस्सलुनीकी 1:2

हम तुम सभि लुखुं कु पिता परमेश्वर कु धन्यवाद करदां अर अपड़ी प्रार्थनाओं मा तुम तैं सदनी याद करदां।

1 थिस्सलुनीकी 2:13

इलै हम भि पिता परमेश्वर कु धन्यवाद सदनी करदां; कि जब हमारा द्वारा पिता परमेश्वर कु शुभ संदेश कु वचन तुम ल सूंणि जु हम ल तुम्हरा बीच मा प्रचार कैरी तुम ल वे तैं मनिख्युं कु न बल्कि पिता परमेश्वर को वचन समझी के (अर सच मा यु इन ही च) स्वीकार कैरी अर उ तुम मा जु विश्वास रखद्यां काम करद।

2 थिस्सलुनीकी 1:3

हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।

2 तीमुथियुस 1:3

जब भि मि पिता परमेश्वर बट्टी प्रार्थना करदु, मि हमेशा तेरु नौं को जिक्र कन याद रखदु, अर त्वे कु पिता परमेश्वर को धन्यवाद करदु। यु ऊई च जै की सेवा मिल शुद्ध विवेक का दगड़ी कैरी जन मेरा पुरणों ल कैरी।

फिलेमोन 1:4

मि जब भि त्वे कु प्रार्थना करदु, मि सदनी त्वे कु पिता परमेश्वर कु धन्यवाद करदु।