रोमियों 1:24 - गढवली नयो नियम

²⁴ ये कारण पिता परमेश्वर ल ऊं तैं ऊंका मन कि अभिलाषाओं का अनुसार यौन अशुद्धता कु छोड़ी येले, कि उ आपस मा बुरा कामों मा अपड़ा देह कु अनादर कैरा।

Garhwali

²⁴ इलै परमेस्वर न ऊंका मन की बुरी इच्छाओं का मुताबिक ऊंतैं ऊंका हाल पर छोड़याली, ताकि ऊ अपणा मनों की गळत इच्छाओं तैं पूरु कना रा। अर अपणा-अपणा सरील तैं एक-दुसरा का दगड़ा मा गळत सम्बन्ध रखी के खुद तैं नास कैरी द्‍या।

रोमियों 1:24 Referans Kwoze

खास चेलों 7:42

यां से पिता परमेश्वर ल भि ऊं बट्टी मुक फेरी दींनि कि उ आसमान मा सूरज, चांद अर गैणों तैं अपड़ा देबतों का रूप मा आराधना कनु कु छोड़ी दींनि, जन कि परमेश्वर का तरपां बट्टी बुल्ण वलो कि किताबों मा लिख्युं च, हे इस्राएलियों क्य तुम ल एकांत जंगल मा चालिस बरसों तक जानवरों कि “बलि अर अन्नबलि चड़ै?”

खास चेलों 14:16

वेल पिछला बगत मा सभि जातियों का लुखुं तैं अपड़ा-अपड़ा रस्ता पर चलण दींनि।

मत्ती 15:14

ऊं तैं जांण द्या उ अंधा बट्टो का बतौंण वला छिन अर जु अंधा तैं बट्टो दिखालो त द्वी गड्डा मा पड़ि जाला।

1 थिस्सलुनीकी 4:4

“तुम मा बट्टी हरेक आदिम धीरज रखि के अपड़ा देह पर भस रखण सीखा अर मसीह को समान कैरो।”

1 कुरिन्थि 6:18

व्यभिचार बट्टी बचयां रावा, मनिख्युं द्वारा किये ग्यां और पाप वेकी देह तैं उथग प्रभावित नि करद जथग यु करद, पर व्यभिचार कन वलो अपड़ी ही देह का विरुद्ध मा पाप करद।

1 कुरिन्थि 6:13

मि एक विश्वासी छों, इलै मि तैं सब कुछ खांणै की आजादी त च, खांणु हमारा देह कु, अर पुटगो खांणु कु, यु सच च पर पिता परमेश्वर हमारा पुटगा अर खांणु दुयूं तैं नष्ट कैरी दयालो, देह व्यभिचार कु नि, हम तैं अपड़ा देह कु इस्तेमाल ऊं कामों कु कन चयणु च जु प्रभु चांद, अर हमारी देह भि प्रभु कु ही च।

रोमियों 6:12

इलै पापमय इच्छाओं तैं अपड़ा जीवन पर राज्य नि कन द्यां, कि तुम अपड़ा पापमय इच्छाओं का अनुसार काम नि कैरा।

इफिसुस 2:3

इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।