दिब्य दरस 8:3 - गढवली नयो नियम

³ उख बट्टी, एक और स्वर्गदूत ऐ अर धूप की वेदी का संमणी खड़ो हवे गै। वे स्वर्गदूत ल धूप जलांणु कु सोना से बणया कटोरा तैं लै अर वे तैं सभि लुखुं की प्रार्थनाओं का दगड़ी जलांणु कु भौत सी धूप द्ये गै। वेल धूप अर प्रार्थनाओं तैं वे सोना की धूप की वेदी का मथि जलै, जु पिता परमेश्वर का सिंहासन का संमणी छै।

Garhwali

³ फिर एक और स्वर्गदूत ऐ अर उ पिता परमेस्वर की राजगद्‍दी का पास ज्वा वेदी छै, उ वींका समणि खड़ु ह्‍वे गै, अर धूपदेणु खुणि वेका हाथों मा सोनो को एक कटोरा छौ। तब वेतैं भौत सारी धूबत्ती दिये गैनी ताकि वु परमेस्वर का सब लोगु की प्रार्थनाओं तैं भेंट का रुप मा चड़ौ।

दिब्य दरस 8:3 Referans Kwoze

दिब्य दरस 5:8

जब वेल किताब (चाम्रपत्र) लींनि, त उ चरी ज्यून्दा प्राणी अर चौबीसों दाना-सयाणों ल वे चिनखा का संमणी झुकि गैनी; हर एक दाना-सयणां ल एक वीणा अर सोना कु बणयुं कटोरा पकड़यूं छो। कटोरा धूप ल भुरयां छो जु ऊं लुखुं की प्रार्थनाओं तैं बतांद जु पिता परमेश्वर का छिनी।

दिब्य दरस 8:4

अर स्वर्गदूत का द्वारा जलै धूप बट्टी निकलण वलो धुंआ पिता परमेश्वर बट्टी जुड़यां लुखुं की प्रार्थनाओं का दगड़ी स्वर्गदूत का हाथ बट्टी उठि के मथि पिता परमेश्वर का संमणी उठै।

लूका 1:10

अर धूप जलौंणा का बगत लुखुं कि सैरी मण्डलि मंदिर का चौका मा परमेश्वर बट्टी प्रार्थना कन छा।

दिब्य दरस 9:13

यांका बाद, छठवां स्वर्गदूत ल अपड़ी तुरै फूंकी। जब वेल यु तैं फूंकी त मिल पिता परमेश्वर का संमणी धूप जलांण की सोना की वेदी का चौ तरपां कूंणा बट्टी एक आवाज सूंणि जु चौ तरपां बट्टी बुल्णु छो,

इब्रानी 9:4

यु दुसरा कमरा मा, एक सोना की वेदी छै, जैको इस्तेमाल धूप जलांण कु किये जांदु छो, अर उख एक संदूक भि छो जु भितर-भैर सोना कु बणयूँ छो; वे संदूक तैं वाचा कु संदूक बुलै जांदु छो, संदूक का भितर तीन चीज छै; सबसे पैली, एक सोना कु भांडो छो जै मा एक विशेष किस्म को खांणु छो जै तैं “मन्ना” बुल्दा छा; यु मा हारुन की जांढी भि छै, जै मा अंकुरित पत्ता भि छा; आखिर मा, यु मा ढुंगा की द्वी पठाल भि छै, जै पर पिता परमेश्वर ल दस आज्ञाएँ लिखीं छै, जु वेल मूसा तैं द्ये छै।

इब्रानी 7:25

इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

दिब्य दरस 6:9

जब चिनखा ल पाँचवी मुहर खोलि, त मिल वेदी का मूड़ी मिल ऊं लुखुं की आत्माओं तैं देखि जौं तैं मरै गै छो किलैकि उ पिता परमेश्वर का वचन का प्रति अर वेका संदेश का प्रति विश्वासयोग्य छा जु ऊं तैं मिल्युं छो।

दिब्य दरस 10:1

फिर मिल एक और शक्तिशाली स्वर्गदूत तैं एक बादल बट्टी घिरयूं स्वर्ग बट्टी उतरदी देखि; अर एक मेघधनुष वेका मुंड का चौ तरपां छो, अर वेको मुक सूरज का जन चमकणु छो अर वेका खुटा जगदा खम्बों का जन छा;

दिब्य दरस 8:5

तब स्वर्गदूत ल यु तैं वेदी का मथि बट्टी जल्यां अंगारों बट्टी भोरि दींनि, अर धरती पर डाली दींनि, अर बिजलियां अर गिडगिडांण की आवाज अर भूकम्प हूंण लगि गै।

दिब्य दरस 14:18

तभि एक और स्वर्गदूत जु कि छठो स्वर्गदूत च अर जु वेदी पर आग से धूप जलांण की जिम्मेदारी निभांद। वेल चिल्लै के वे स्वर्गदूत बट्टी जै मा तेज दथड़ो च बोलि, “धरती पर अंगूरों का गुच्छा पक्की गैनी! ऊं तैं अपड़ा दथडा ल काट ले।”