दिब्य दरस 7:10 - गढवली नयो नियम

¹⁰ अर ऊंची आवाज मा बुल्दी छै, “हमारा पिता परमेश्वर की स्तुति हो जु सिंहासन पर विराजमान च, अर चिनखा की स्तुति कैरा भस तू ही छै जु उद्धार दींदी।”

Garhwali

¹⁰ अर इन नारा लगौणा छा कि, “हमतै बचौण वळा परमेस्वर की, जै हो, जु कि राजगद्‍दी पर बैठयूं च बोला वेकी, जै हो हमतै बचौण वळा मेम्‍ना की, जै हो।”

दिब्य दरस 7:10 Referans Kwoze

दिब्य दरस 19:1

जब तागतबर स्वर्गदूत ल बुल्ण खत्म कैरी त मिल सूंणि उ इन छो जन स्वर्ग मा भौत सैरा लोग बुल्णा हो; हल्‍लिलूय्याह! उद्धार अर महिमा अर सामर्थ हमारा परमेश्वर ही की च।

दिब्य दरस 12:10

फिर मिल स्वर्ग मा बट्टी यु बड़ो शब्द आंद सूंणि, अब हमारो पिता परमेश्वर अपड़ा विश्वासी लुखुं तैं उद्धार दयालो! अब उ अपड़ी सामर्थ को इस्तेमाल करलो अर राजा का रूप मा काम करलो! अब वेको मसीह दुनिया पर अपड़ो अधिकार को दावा करलो! किलैकि अब शैतान हमारा पिता परमेश्वर की उपस्थिति मा खड़ो हवे के हमारा दगड़िया सेवकों पर दिन-रात भंगार नि लगालो। किलैकि वे तैं स्वर्ग का राज्य बट्टी भैर फेंके द्ये गै!

दिब्य दरस 22:3

जु कुछ भि पिता परमेश्वर का श्राप का अधीन च शहर मा नि होलो, अर पिता परमेश्वर अर चिनखा का सिंहासन का शहर मा होलो अर पिता परमेश्वर का सेवक वेकी आराधना करला।

इफिसुस 2:8

किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;

यूहन्ना 1:29

दुसरा दिन यूहन्ना ल यीशु तैं अपड़ी तरपां औंण देखि के बोलि, देखा यु परमेश्वर कु चिनखो दुनिया का पापों तैं ले के जांद।

दिब्य दरस 21:5

अर जु सिंहासन पर बैठयूं छो, वेल बोलि, “मि सब कुछ नयो कैर दींदु।” फिर वेल बोलि, “लिख ले, किलैकि जु मि बुल्दो तू वे पर विश्वास कैर सकदी कि या बात जरुर ही होली।”

लूका 3:6

उ जै तैं परमेश्वर ल अर सब लुखुं ल देखि, जै तैं परमेश्वर ल ऊं तैं उद्धार कु भिज्युं च।

दिब्य दरस 5:7

चिनखा ल अगनैं ऐ के जु सिंहासन पर बैठयूं छो, वेका दैंणा हथ बट्टी व किताब ले लींनि,

दिब्य दरस 4:6

यांका अलावा, सिंहासन का संमणी कुछ छो जु कि बर्फ का जन स्पष्ट कांच से बणयां समुन्द्र जन दिखदो छो, अर उ बड़ो सिंहासन ऊं सब का बिल्कुल बीच मा छा, अर ऊंका चौ तरपां मिल चार ज्यून्दा प्राणियों तैं देखि जौका देह पूरा ढंग से आँखों बट्टी ढ़कयां छिनी।

यूहन्ना 4:22

तुम सामरी लोग जै तैं नि जंणदा वेकी आराधना करदां छा अर जै तैं जंणदा छा हम यहूदी लोग जै तैं जंणदा छा वेकी आराधना करदां छा, किलैकि लुखुं को उद्धार कन वलो यहूदियों मा बट्टी औंदु च।

यूहन्ना 1:36

अर यूहन्ना ल ऊं चेलों मा यीशु तैं जांण देखि के बोलि, देखा यु परमेश्वर कु चिनखो च।