दिब्य दरस 21:22 - गढवली नयो नियम

²² मिल यु शहर मा कुई मन्दिर नि देखि किलैकि सर्वशक्तिमान पिता परमेश्वर अर चिनखो वे शहर मा छिनी। इलै उख मन्दिर की कुई जरूरत नि च।

Garhwali

²² मिन वे नगर मा कुई मन्दिर नि देखि, किलैकि सर्वसक्‍तिमान प्रभु परमेस्वर, अर यीशु ही वेको मन्दिर च।

दिब्य दरस 21:22 Referans Kwoze

यूहन्ना 4:23

पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।

दिब्य दरस 1:8

पिता परमेश्वर बुल्द, “मि अल्फा अर ओमेगा छो, मतलब कि, आदि अर अंत मि ही छो, जु हमेशा बट्टी छो, अर उ व ही पिता परमेश्वर च जु बगत की शुरुआत बट्टी लेकर अब तक अर कभी भि नि बदलद, मि सर्वशक्तिमान प्रभु परमेश्वर छो।”

दिब्य दरस 16:7

मिल दुबरा कै तैं वेदी बट्टी बुल्द सूंणि, “हाँ, हे सर्वशक्तिमान प्रभु परमेश्वर, यु सच च कि जन के तू लुखुं तैं दंड दींदी सै अर सच च।”

दिब्य दरस 5:6

फिर मिल चार ज्यून्दा प्राणियों अर चौबीस दाना-सयाणों का बीच सिंहासन का बगल मा एक चिनखा तैं खड़ो देखि। चिनखा पर बलिदान का निशान छा; जु वेका सात सींग अर सात आँखा छिनी जु परमेश्वर की आत्मा छिनी, जु सैरी धरती पर भिजे गैनी।

कुलुसी 2:9

यूं लुखुं तैं अफ तैं धोखा नि दींण द्या, किलैकि मसीह का मनिख देह मा वेमा पिता परमेश्वर कु पूर्ण स्वभाव छो।

यूहन्ना 4:21

यीशु ल वीं से बोलि, हे नारी मेरी बात कु विश्वास कैर कि उ बगत औणु च कि तुम न त यु डांडा पर परमेश्वर कि आराधना करिल्या न यरूशलेम शहर मा।

दिब्य दरस 15:3

अर उ पिता परमेश्वर का दास मूसा को गीत गांणा छा जु कि चिनखो का बारा मा च, “हे सर्वशक्तिमान प्रभु परमेश्वर, जु कुछ तिल कैरी उ कीमती अर अद्भुत च, तू सभि देशों को स्वामी छै, तू जु भि करदी उ सच अर धर्म कु च।”

दिब्य दरस 11:17

यु बुल्ण लगि गैनी, “हे सर्वशक्तिमान प्रभु परमेश्वर, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद, हम सच मा तेरु धन्यवाद करदा किलैकि तिल अब अपड़ी महान सामर्थ दिखै अर तिल अब धरती पर अपड़ो राज्य शुरू कैर दींनि।

दिब्य दरस 4:8

अर चरी ज्यून्दा प्राणियों का छः-छः फांकुड छा, ऊं पर सभि जगह आँखा छा, इख तक कि ऊंका फंकुड़ों का मूड़ी भि; अर उ रात-दिन बगैर आराम करयां बुल्णा रौंदा छा, “पवित्र, पवित्र, पवित्र प्रभु परमेश्वर, सर्वशक्तिमान, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद जु आंण वलो च।”

कुलुसी 1:19

किलैकि पिता परमेश्वर कि खुशी ईं बात मा च कि वेकी सैरी परिपूर्णता यीशु मसीह मा हो।

यूहन्ना 10:30

मि अर पिता परमेश्वर एक ही छा।

दिब्य दरस 19:15

सवार का गिचा बट्टी एक तेज तलवार निकलदी जैको इस्तेमाल ऊं जातियों तैं हरांणु कु करलो, अर उ लोखर का जांठा दगड़ी ऊं पर राज्य करलो। यूं तैं सर्वशक्तिमान परमेश्वर का भयानक गुस्सा की दाखमधु का कुण्ड मा अंगूरों तैं निचोड़ण जन होलो।

दिब्य दरस 16:14

यूं दुष्टात्माओं मा झूठा चमत्कार कने की क्षमता छै अर ऊंल जै के ऊं लुखुं तैं कठ्ठा कैरी जु ईं दुनिया का सैरा देशों मा राज्य करदा छा कि उ सर्वशक्तिमान प्रभु परमेश्वर का महान दिन मा वेका विरुद्ध लड़ै लड़णु कु जां।

मत्ती 24:2

यीशु ल वेकु बोलि, “तुम मा सच बुल्णु छौं दिखणा छा इख ढुंगा मा ढुंगा भि नि रांण जु ढोळे नि जालो।”

दिब्य दरस 7:15

इलै ही उ पिता परमेश्वर का सिंहासन का संमणी खड़ा छा, अर उ हर बगत दिन अर रात पिता परमेश्वर का स्वर्गीय मन्दिर मा वेकी सेवा करदींनि; अर उ जु सिंहासन पर बैठद, ऊंका बीच रालो अर ऊंकी देखभाल करलो।

दिब्य दरस 7:17

किलैकि चिनखो जु सिंहासन का बीच मा च, उ ऊंकी देखभाल करलो, उन ही जन एक चरवाहा अपड़ा ढिबरो की देखभाल करद; अर उ, ऊं तैं ताजा पांणी पींणु कु लिजालो जु लुखुं तैं जीवन दान दींद, अर पिता परमेश्वर ऊंकी आँखों बट्टी सभि आँसूओं तैं फूंजी दयालो।”

दिब्य दरस 14:4

यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।

यूहन्ना 13:32

अर परमेश्वर भि अपड़ा मा नौंना की बड़ै करलो अर तुरंत करलो।