दिब्य दरस 2:3 - गढवली नयो नियम

³ अर तिल धीरज से दुखों तैं सै किलैकि तू मि पर विश्वास करदी अर तिल कभी हार नि मांणी।

Garhwali

³ अर मि इन भि जणदु छौं, कि तुम सबर रखण जणदा छाँ अर मेरा नौ का खातिर तुमुन दुख-तकलीफ झिलनी, पर तुम नि थक्यां।

दिब्य दरस 2:3 Referans Kwoze

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

इब्रानी 12:1

हमारा अमणी-संमणी इन कई लोग छिनी जु की जिन्दगी हम तैं बतांद कि विश्वास कु मतलब क्य च; हर एक रुकण वली चीज, अर उलझांण वला पापों तैं दूर कैरी के हम वे बट्टा पर चला जै पर हम तैं जरूरी चलण चयणु च, उख चला।

गलातियों 6:9

हम भला कामों तैं कन मा निराश नि हों, किलैकि जु हम कभी हार नि मांणा, त पिता परमेश्वर का अपड़ा बगत पर हम ईनाम पौला।

कुलुसी 1:11

पिता परमेश्वर अपड़ी महिमामय अर सामर्थ कु इस्तेमाल कैरी के तुम तैं बिज्यां मजबूत बणौ कि, तुम धीरज अर खुशी ल अपड़ा दुखों तैं सह साका।

यूहन्ना 15:21

पर यु सब लोग ये कारण तुम दगड़ी करला किलैकि तुम मेरा चेला छा अर उ मेरा भिजण वला परमेश्वर तैं नि जंणदु।

1 कुरिन्थि 13:7

उ सभि कुछ सै सकदींनि, प्रेम हम तैं हर हालत मा विश्वास रखणा का योग्य बणद, यु हम तैं पिता परमेश्वर मा अपड़ी आस बणै रखण मा लैक बणद, यु मुसिबतों अर पिड़ा का चलद भि धीरज रखण सिखांद।

दिब्य दरस 3:10

तिल मेरा संदेश कु पालन कैरी कि जब तू दुःख उठौ त वे तैं धैर्य दे के सै साकी। इलै, मि त्वे तैं वीं बड़ी अजमैश का बगत मा सुरक्षित रखलु जु ईं दुनिया का सभि लुखुं पर आली।

इब्रानी 6:15

अर अब्राहम ल धीरज का दगड़ी लम्बा बगत तक करार कु इन्तेजार कैरी; तब वे तैं उ मिली जु पिता परमेश्वर ल वे दगड़ी करार कैरी छै।

इब्रानी 6:10

किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।

1 तीमुथियुस 4:10

किलैकि यु जीवन तैं पांणु कु हम मेहनत अर हरेक किस्मै कि कोशिश इलै ही करदां, कि हमारी आस वे ज्यूंदा पिता परमेश्वर पर च जु सभि मनिख्युं को अर खास कैरी कै विश्वासियों कु उद्धारकर्ता च।

2 थिस्सलुनीकी 3:13

हे विश्वासी भयों, तुम भलै का काम कन मा कभी भि निराश नि व।

2 कुरिन्थि 4:16

इलै हम हिम्मत नि छुडदियां; जबकि हमारो भैरो कु मनुष्यत्व नाश भि हवे जांद, तब भि हमारी आत्मा हर दिन नई हूंदी जांदी।

2 कुरिन्थि 4:1

इलै जब हम पर इन दया हवे, कि पिता परमेश्वर का शुभ संदेश कु प्रचार कने की सेवकाई कैरा, त हम हिम्मत नि छुड़दियां।

रोमियों 12:12

हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।

रोमियों 8:25

पर हम तैं कुछ इन मिलणै की आस च जु हम मा अभि तक नि च, इलै हम धीरज का दगड़ी तब तक इन्तेजार करद्यां जब तक ही हम वे तैं नि पै ल्या।

लूका 14:27

अर जु मेरा चेला हूंण का कारण दुःख उठांण अर सूली पर मुरण कु भि तैयार हो अर मेरा पिछनै नि चलो उ मेरू चेला हूंणा का लैख नि च।

दिब्य दरस 1:9

मि यूहन्ना, तुम्हरो दगड़िया विश्वासी, अर मि मसीह कु दुःख सौण मा अर पिता परमेश्वर का राज्य मा अर धीरज मा तुम्हरो दगड़िया छो, जु ऊं लुखुं पर औंदींनि जौको ऊं दगड़ी रिश्ता च। मि तैं पतमुस टापू पर कैदी बणै के भिजे गै छो किलैकि मिल पिता परमेश्वर का वचन कु प्रचार कैरी छो अर यीशु का सच्चा संदेश का बारा मा बतै छो।

2 पतरस 1:6

तुम तैं समझदारी ल कन कै बरतौ कन चयणु च, बल्कि तुम तैं अपड़ा आप तैं भि वश मा भि कन चयणु च, अर तुम तैं न भस अपड़ा आप तैं वश मा कन चयणु च, बल्कि तुम तैं मुसिबत मा भि धीरज भि रखण चयणु च, अर तुम तैं न भस धीरज रखण चयणु च, बल्कि तुम तैं इन ढंग से जीवन जींण चयणु च जु पिता परमेश्वर तैं खुश करद।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

2 कुरिन्थि 11:23

क्य उ ही मसीह का सेवक छिनी (मि बौलयों जन बुल्णु छो) मि ऊं बट्टी बढ़ि के छो। मिल ऊं बट्टी कई जादा मेहनत कैरी, ऊं बट्टी कई जादा बंधि बणयूं, कई बार पिटे ग्यों, अक्सर ही मेरा प्राण संकट मा पुड़ीनि।

2 कुरिन्थि 5:9

इलै हमारी मन की मनसा य च, कि हम वे दगड़ी स्वर्ग मा रां, जब हम इख धरती पर रां तभि भि हम पिता परमेश्वर तैं खुश करदी रां।

रोमियों 2:7

जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;

लूका 18:1

यीशु ल अपड़ा चेलों मा बोलि, यांका बारा मा कि सदनी परमेश्वर बट्टी प्रार्थना कन, अर हिम्मत नि छोड़ण चयणी च इलै वेल यु मिसाल दींनि,

लूका 8:15

पर अच्छी जगह मा बुतै गैनी उ यु छिनी जु वचन तैं सूंणि के भला अर उत्तम मन मा सम्भालि के रखदींनि अर धीरज से फल लंदिनि।

इब्रानी 13:13

आवा हम यहूदी रीतियों तैं छोड़ी के छावनी का भैर जख लोग रौंदा छा ऊंमा चला अर यीशु पर विश्वास कैरी के; अर जन यीशु ल अनादर तैं सै, उन ही हम भि अनादर तैं सै ल्या।

1 तीमुथियुस 5:17

मण्डलि का जु पुरणा अगुवा अच्छो प्रबंध करदींनि, खास कैरी कै ऊंको जु प्रचार अर शिक्षा दींण कु काम करदींनि, ऊंको दुगनो आदर करे जौं।

2 थिस्सलुनीकी 3:8

अर कैकी रुटि मुफ्त मा नि खै; पर कष्ट उठै के मेहनत ल रात-दिन कामकाज करदां छा, कि हम तैं अपड़ी जरूरतों कु तुम मा बट्टी कै पर भि निर्भर हूंण नि पोड़ो।

2 थिस्सलुनीकी 3:5

हम प्रार्थना करदा कि प्रभु यीशु मसीह तुम तैं यु समझण का लैक बणौ कि पिता परमेश्वर तुम तैं कथग प्रेम करद अर जब लोग तुम तैं सतौंदींनि त कन कै ठिक रावा उन ही जन प्रभु भि टिकयूं रै।

1 थिस्सलुनीकी 2:9

हे विश्वासी भयों, तुम हमारी मेहनत अर हमारी मुसिबतों तैं याद रखद्यां, कि हम ल रात दिन कामकाज कैरी कै तुम्हरा बीच मा पिता परमेश्वर कु शुभ सन्देश प्रचार कैरी, कि तुम तैं हमारी जरूरतों कु ध्यान नि रखण पोडो।

फिलिप्पी 4:3

हे मेरा सच्चा दगड़िया सुन्तुखे, मि त्वे बट्टी बिनती कनु छौं, कि तु ऊं जननों कि आपस मा मेल-मिलाप कन मा मदद कैर, किलैकि ऊंल मि दगड़ी शुभ सन्देश प्रचार का काम मा, क्लेमेन्स अर मेरा और दगड़ियों दगड़ी भौत मदद कैरी, जौं का नौं जीवन कि किताब मा लिख्यां छिन।

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

गलातियों 6:2

अजमैश का बगत एक-हैंका की मदद कना रावा अर इन कै तुम यीशु मसीह की शिक्षाओं (व्यवस्था) तैं मणदियां अर वे तैं पूरो करदा।

2 कुरिन्थि 10:15

अर हम सीमा बट्टी भैर दुसरों की मेहनत पर घमण्ड नि करदा; पर हम तैं आस च, कि ज्यों-ज्यों तुम्हरो विश्वास बढ़दी जौं त्यों-त्यों हम अपड़ी सीमा का अनुसार तुम्हरा कारण अर तुम्हरा अमणी-संमणी और भौत लुखुं तक पौंछण मा सक्षम होला।

2 कुरिन्थि 6:5

कोड़ा खांण ल, बंधि हूंण पर भि, हला मा, मेहनत मा, बिज्यां रौंण मा, उपवास मा,

रोमियों 16:12

त्रूफेना अर त्रूफोसा बैणयूं तैं जु प्रभु मा मेहनत करदींनि, प्रणाम। प्रिय पिरसिस बैंण तैं जींल प्रभु मा भौत मेहनत कैरी, प्रणाम।

लूका 21:19

पर तुम अपड़ा धीरज ल, अपड़ा आत्मा तैं बचै कै रखिल्या।

मरकुस 15:21

जब उ शहर बट्टी भैर जांणा छा, तब शमौन नौं कु एक कुरेनि जु कै गौं बट्टी यरूशलेम शहर मा औंणु छो, सिकन्दर अर रुफुस कु बुबा छो अर उख बट्टी जांणु छो सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि।

1 थिस्सलुनीकी 5:12

हे विश्वासी भयों, हम तुम बट्टी बिनती कना छा, कि जु तुम कु भौत कड़ी मेहनत करदींनि, अर प्रभु मा तुमारा अगुवा छिनी, अर तुम तैं शिक्षा दींदिनि, ऊंको आदर कैरा।

1 कुरिन्थि 16:16

इलै मि तुम बट्टी बिनती करदु, कि इन अगुवों की आज्ञाओं तैं मांणा कैरा बल्कि हर एक की जु इन सच्ची भक्ति का दगड़ी सेवा करदींनि।

लूका 5:5

शमौन पतरस ल वे तैं जवाब दींनि, “हे स्वामि हम ल सैरी रात मेहनत कैरी अर कुछ नि पकड़ी फिर भि किलैकि तु मि कु इन कनु कु बुल्णी छै इलै मि जाल डललु।”