दिब्य दरस 19:6 - गढवली नयो नियम

⁶ फिर मिल जु सूंणि व भौत बड़ी संख्या लुखुं का चिल्लांण का जन लगद छै। यु एक बड़ा झरना की आवाज का जन जोरदार छो अर बादल का गिगडांण का जन छो। ऊंल बोलि, “परमेश्वर की स्तुति हो! सर्वशक्तिमान पिता परमेश्वर हमारो राजा च।”

Garhwali

⁶ फिर मिन बड़ी भीड़ की आवाज सुणी, ज्वा की तेज लैरों का जन अर बादळों की गगड़ाट की तरौं छै अर ऊंन बोलि, “हाल्‍लेलूय्याह, हमरु प्रभु परमेस्वर न जु की सर्वसक्‍तिमान च वेन राज करण शुरु कैरियाली।

दिब्य दरस 19:6 Referans Kwoze

दिब्य दरस 14:2

अर मिल स्वर्ग मा कैकी आवाज सूंणि कि झरना की गर्जन का जन तेज, या गिडगिडांण की आवाज का जन ऊंची छै। य संगीतकारों का द्वारा ऊंकी वीणा बजांण की संगीत का जन लगणी छै।

दिब्य दरस 19:1

जब तागतबर स्वर्गदूत ल बुल्ण खत्म कैरी त मिल सूंणि उ इन छो जन स्वर्ग मा भौत सैरा लोग बुल्णा हो; हल्‍लिलूय्याह! उद्धार अर महिमा अर सामर्थ हमारा परमेश्वर ही की च।

दिब्य दरस 6:1

फिर मिल देखि कि चिनखा ल ऊं सात मुहरों मा बट्टी एक तैं खोलि; अर मिल चरी ज्यून्दा प्राणियों मा बट्टी एक तैं बुल्द सूंणि। वेकी आवाज गिडगिडांण का जन तेज छै, वेल बोलि, अब “औ।”

दिब्य दरस 1:15

वेका खुटा पीतल का जन चमकणा छा जै तैं भट्टी मा तचये जांणु हो; अर जब वेल बोलि, त वेकी आवाज इन छै जन एक बड़ा झरना की आवाज।

दिब्य दरस 21:22

मिल यु शहर मा कुई मन्दिर नि देखि किलैकि सर्वशक्तिमान पिता परमेश्वर अर चिनखो वे शहर मा छिनी। इलै उख मन्दिर की कुई जरूरत नि च।

दिब्य दरस 12:10

फिर मिल स्वर्ग मा बट्टी यु बड़ो शब्द आंद सूंणि, अब हमारो पिता परमेश्वर अपड़ा विश्वासी लुखुं तैं उद्धार दयालो! अब उ अपड़ी सामर्थ को इस्तेमाल करलो अर राजा का रूप मा काम करलो! अब वेको मसीह दुनिया पर अपड़ो अधिकार को दावा करलो! किलैकि अब शैतान हमारा पिता परमेश्वर की उपस्थिति मा खड़ो हवे के हमारा दगड़िया सेवकों पर दिन-रात भंगार नि लगालो। किलैकि वे तैं स्वर्ग का राज्य बट्टी भैर फेंके द्ये गै!

दिब्य दरस 8:5

तब स्वर्गदूत ल यु तैं वेदी का मथि बट्टी जल्यां अंगारों बट्टी भोरि दींनि, अर धरती पर डाली दींनि, अर बिजलियां अर गिडगिडांण की आवाज अर भूकम्प हूंण लगि गै।

दिब्य दरस 4:5

वे सिंहासन मा बट्टी बिजलियां अर गिडगिडांण की आवाज निकलदी अर सिंहासन का संमणी आग का सात दिवडा जलणा छा, जु पिता परमेश्वर की सात आत्माएँ छिनी,

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

दिब्य दरस 1:8

पिता परमेश्वर बुल्द, “मि अल्फा अर ओमेगा छो, मतलब कि, आदि अर अंत मि ही छो, जु हमेशा बट्टी छो, अर उ व ही पिता परमेश्वर च जु बगत की शुरुआत बट्टी लेकर अब तक अर कभी भि नि बदलद, मि सर्वशक्तिमान प्रभु परमेश्वर छो।”

दिब्य दरस 19:4

अर चौबीसों दाना-सयाणों ल अर चरी ज्यून्दा प्राणियों ल गिरी के पिता परमेश्वर तैं दण्डवत् कैरी; जु सिंहासन पर बैठया छा, अर बोलि, “आमीन! पिता परमेश्वर की आराधना हो!”