दिब्य दरस 18:1 - गढवली नयो नियम

¹ यांका बाद, मिल स्वर्ग बट्टी एक और स्वर्गदूत तैं मूड़ी औंद देखि। वेमा बड़ो अधिकार छो अर वेकी महिमा की चमक का कारण सैरी धरती प्रकाशित हवे गै।

Garhwali

¹ अर येका बाद मिन स्वर्ग बटि एक और स्वर्गदूत तैं उतरद देखि जैका पास एक बड़ु अधिकार छौ। अर वेकी चमक से धरती पर उज्याळु ह्‍वे गै।

दिब्य दरस 18:1 Referans Kwoze

लूका 17:24

किलैकि जन बिजली आसमान मा पूरब बट्टी पश्चिम तक चमकदी उन ही मि मनिख कु नौंनो कु औंण भि होलो।

दिब्य दरस 21:23

उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।

दिब्य दरस 17:1

जूं सात स्वर्गदूतों मा उ सात कटोरा छा, ऊंमा बट्टी एक ल ऐ के मि बट्टी यु बोलि, “मि त्वे तैं दिखौलु कि पिता परमेश्वर कन कै वीं बड़ी वेश्या तैं दण्ड दयालो, जु एक इन जगह पर बैठदी, जख बिजां गाड छिनी।

दिब्य दरस 10:1

फिर मिल एक और शक्तिशाली स्वर्गदूत तैं एक बादल बट्टी घिरयूं स्वर्ग बट्टी उतरदी देखि; अर एक मेघधनुष वेका मुंड का चौ तरपां छो, अर वेको मुक सूरज का जन चमकणु छो अर वेका खुटा जगदा खम्बों का जन छा;

2 थिस्सलुनीकी 2:8

तब उ दुष्ट आदिम प्रकट हवे जालो, पर बाद मा, जब प्रभु यीशु आलो, त प्रभु अपड़ा मुक की फूंक से वे तैं मारि दयालो अर अपड़ा आंणा का तेज से वे तैं भस्म कैरी दयालो।

दिब्य दरस 17:7

वे स्वर्गदूत ल मि बट्टी बोलि, “किलै चकित हवे? मि ईं जनन, अर वे जानवर, जै पर उ सवार च, अर जैका सात मुंड अर दस सींग छिनी, मि त्वे तैं यांको गुप्त मतलब बतौलु।