दिब्य दरस 16:10 - गढवली नयो नियम

¹⁰ पाँचु स्वर्गदूत ल कटोरा की चीजों तैं जानवर का सिंहासन पर उण्डेल दींनि अर यांका बाद, वेको पूरा राज्य अंधेरो हवे गै। लुखुं ल वे बड़ा दर्द का कारण जु ऊंल महसूस कैरी छो अपड़ी जीभ कटण बैठी गैनी।

Garhwali

¹⁰ तब पांचु स्वर्गदूत न अपणु कटोरा वे दैंत की राजगद्‍दी पर अखणै दिनी, अर वेका राज्य पर अन्धेरु ह्‍वे गै, अर पीड़ा की वजै से लोग अपणी-अपणी जीब चबौण लगि गैनी।

दिब्य दरस 16:10 Referans Kwoze

दिब्य दरस 9:2

वेल अथाह कुण्ड तैं खोलि दींनि, अर कुण्ड मा बट्टी बड़ी भट्टी का जन धुंआ उठि, अर कुण्ड सूरज अर सैरो वातावरण वे गड्डा का धुवां ल कालो हवे गै।

मत्ती 8:12

पर परमेश्वर का राज्य की संतान समझण वला यहूदी भैर अंधेरा मा डलै जाला उख रूंण अर दांतों को पिसंण होलो।”

दिब्य दरस 18:23

फिर कभी भि लोग त्वे मा एक दिवडा की रोशनी तैं चमकद नि दिखला; फिर कभी भि उ ब्यो हूंण वला एक आदिम अर जनन की आवाज नि सुणला। उख का व्यापारी पूरी दुनिया मा सबसे जादा शक्तिशाली छा अर दुनिया की सभि जातियों तैं उख का जादूगरों का द्वारा लुखुं तैं धोखा दिये गै।

दिब्य दरस 17:17

उ वीं जनन तैं जीं तैं तिल देखि छो, उ यु बड़ो शहर च जु धरती पर सभि राजाओं पर राज्य करद। यु चीज वे दगड़ी हवीनि, किलैकि पिता परमेश्वर ल अपड़ा उद्देश्यों तैं पूरो कनु कु ऊंका मनों को निर्देशन कैरी। यु ही कारण च कि ऊंल अपड़ो अधिकार जानवर तैं दे दींनि कि उ राज्य कैरो, जब तक कि उ सब पूरो नि हो जु पिता परमेश्वर ल बोलि छो।”

मत्ती 22:13

तब राजा ल सेवकों मा बोलि येका हथ खुट्टा बंधि के यु तैं भैर अंधेरा मा डाली द्या उख रूंण अर दांतों को पिसंण होलो।

दिब्य दरस 18:21

फिर एक तागतबर स्वर्गदूत ल बड़ी चक्की का पाट का संमणी एक ढुंगो उठै, अर यु बोलि, के समुद्र मा ढोल दींनि, “महान शहर बाबेल तैं भौत हिंसा का दगड़ी नष्ट कैर दींनि। उ शहर दुबरा कभी वापिस नि बसलो। अर दुबरा फिर कभी वेको पता नि मिललो।

लूका 13:28

उख रूण अर दांतों कु पिसंण होलो जब तुम पूर्वजों अब्राहम अर इसहाक अर याकूब अर सभि परमेश्वर का तरपां बट्टी बुल्ण वलो तैं परमेश्वर का राज्य मा बैठयूं अर अफ तैं भैर निकल्यूं दिखल्या।

मत्ती 24:51

तब उ वे तैं भौत कड़ी सजा दयालो अर वेको भाग बांटो कपटि लुखुं का दगड़ा मा ठैरालो उख रूंण अर दांतों कु पिसंण होलो।

दिब्य दरस 17:9

यु चिन्हों तैं समझणु कु तुम तैं ज्ञान की जरूरत च। जानवर का सात मुंड वे शहर का सात डांडा तैं बतौंदींनि जख या जनन राज्य करदी। उ सात राजाओं तैं भि बतांद।

मत्ती 13:50

अर दुष्टों लुखुं तैं आग का कुण्ड मा डलला जख रूंण अर दांतों कु पिसंण होलो।

मत्ती 13:42

अर स्वर्गदूत ऊं तैं आग का कुण्ड मा डललो जख रूंण अर दांतों कु पिसंण होलो।

दिब्य दरस 18:2

वेका बड़ा शब्द ल पुकारी के बोलि, “लमडी गै, बड़ो बाबेल लमडी गै। आज हर किस्म की दुष्टात्माएँ उख रौंणु कु चलि जाली अर यु अशुद्ध जानवर अर घृणित चलखुडोंं को घोल बनणै की जगह बण गै।

दिब्य दरस 11:10

ऊंकी मौत बट्टी पैली, ऊं द्वी गवाहों ल विपत्तियों का द्वारा लुखुं तैं इथग परेशान कैरी छो कि जब लुखुं ल सूंणि कि उ मोरि गैनी, त उ भौत खुश हवे गैनी। इथग कि उ खुशी ल जश्न मनांण लगि गैनी, अर एक-दुसरा तैं उपहार दींण लगि गैनी।

दिब्य दरस 11:8

ऊंका शवों तैं वे बड़ा शहर यरूशलेम कि सड़कों पर पुड़ियां राला, जख ऊंको प्रभु सूली पर टंगे गै छो। यु शहर तैं चिन्ह का रूप मा सदोम या मिस्र को नौं दिए गै, किलैकि यु शहर का लोग सदोम अर मिस्र देश का रौंण वला लोग का जन भौत खराब छिनी।

दिब्य दरस 11:2

पर स्वर्गीय मन्दिर का भैर का चौक तैं नि नाप; किलैकि उ, ऊं लुखुं तैं दिये गै जु पिता परमेश्वर तैं नि जणदींनि, अर उ बयालीस मैना तक मेरा पवित्र शहर पर राज्य करला।

1 पतरस 2:17

सभियूं को आदर कैरा, अपड़ा सभि दगड़िया विश्वासियों बट्टी प्रेम रखा, पिता परमेश्वर बट्टी डैरा, राजा को सम्मान कैरा।

दिब्य दरस 8:12

चौथा स्वर्गदूत ल तुरै फूंकी, अर सूरज की एक तिहाई, अर जून की एक तिहाई अर गैणों की एक तिहाई पर कुछ टकरै अर नाश हवे गै कि ऊंको एक तिहाई भाग अंधेरो हवे गै, ज्यांका कारण दिन का एक तिहाई बगत तक सूरज ल अपड़ो प्रकाश नि द्ये, अर जून अर गैणा रात का एक तिहाई बगत तक नि चमकीनि।