दिब्य दरस 14:6 - गढवली नयो नियम

⁶ अर मिल एक और स्वर्गदूत तैं आसमान मा ऊँचा पर उड़दि देखि। वे स्वर्गदूत को वे शुभ सन्देश प्रचार तैं लियुं छो जु कभी भि नि बदलद, वेल दुनिया मा रौंण वली सभि जातियों का लुखुं, हर एक देश, हर एक गोत्र अर हर किस्म की भाषा मा यांकि बात बतै।

Garhwali

⁶ फिर मिन एक और स्वर्गदूत तैं देखि जु की आसमान मा उड़णु छौ, अर वेका पास सदनि तक रौण वळु शुभ समाचार छौ, ताकि धरती पर रौण वळा सब देसों, गोत्रों अर हरेक भाषा अर जाति-जाति का लोग तैं यू शुभ समाचार सुणये जौ।

दिब्य दरस 14:6 Referans Kwoze

मरकुस 16:15

तब यीशु ल ऊंकु बोलि, “तुम सैरा दुनिया मा हर जगह जै कै सभि रांण वलो तैं शुभ सन्देश कु प्रचार कैरा।”

दिब्य दरस 8:13

जब मिल फिर देखि, त मिल एक गरुड़ तैं आसमान मा ऊंचो उड़दि देखि अर ऊँचा शब्द बट्टी यु बुल्द सूंणि, “जब आखिरी तीन स्वर्गदूत ऊं तुरैहियों तैं फूंकदींनि जु ऊं तैं दिये गै, तब दुनिया का सब लुखुं पर आंण वली विपत्तियां भौत भयानक छिनी। धरती का रौंण वलो पर हाय, हाय, हाय!”

दिब्य दरस 3:10

तिल मेरा संदेश कु पालन कैरी कि जब तू दुःख उठौ त वे तैं धैर्य दे के सै साकी। इलै, मि त्वे तैं वीं बड़ी अजमैश का बगत मा सुरक्षित रखलु जु ईं दुनिया का सभि लुखुं पर आली।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

2 थिस्सलुनीकी 2:16

हम अफी हमारा प्रभु यीशु मसीह बट्टी अर हमारा पिता परमेश्वर बट्टी प्रार्थना करदा जु हम बट्टी प्रेम करदींनि अर जैल अपड़ी दया बट्टी हम तैं अनन्त प्रोत्साहन अर मजबूत आस द्ये।

दिब्य दरस 13:7

वे जानवर तैं यु अधिकार दिये गै, कि पवित्र लुखुं बट्टी लड़ो, अर ऊं तैं हरौ, अर वे तैं सभि लुखुं, कुलों, भाषाओं, अर जातियों पर अधिकार दिये गै।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

मत्ती 10:27

जु कुछ भि मि अंधेरा मा बुल्दो छौं, वे तैं उज्यला मा बोला; जु कुछ तुम बट्टी कन्दूड़ो मा बुलै गै, वेकु प्रचार हर जगह कैरा।

दिब्य दरस 10:11

तब मि बट्टी यु बुलै गै, “अलग-अलग झुंड, जातियों अर देश का लुखुं, अर अलग-अलग भाषाओं तैं बुल्ण वला लुखुं तैं अर राजाओं तैं एक बार फिर से बता, जु पिता परमेश्वर त्वे तैं बतांणु कु बुल्द।”

1 पतरस 1:25

पर पिता परमेश्वर को वचन हमेशा बणयूँ रालो। यु वचन मसीह का बारा मा शुभ सन्देश प्रचार च जु तुम्हरा बीच प्रचार किये गै।

दिब्य दरस 5:9

अर उ यु एक नया गीत गांण लगि गै, तू ईं किताब (चाम्रपत्र) की मुहरों तैं तुडण अर यु तैं खुलणां का योग्य छै; ऊंल त्वे तैं बलिदान कैरी अर अपड़ी मौत का ल्वे ल तू हर गोत्र, भाषा, लोग अर जाति, राष्ट्र ल पिता परमेश्वर कु लुखुं तैं खरीद के छुड़ै दीलि।

दिब्य दरस 10:7

वे बगत, जब सातवां स्वर्गदूत को शब्द दिनों मा, जब उ तुरै बजांण वलो होलो, त पिता परमेश्वर की व योजना वे शुभ सन्देश प्रचार का अनुसार पूरी हवे जाली जु वेल ऊं परमेश्वर का तरपां बट्टी बुल्ण वला लुखुं तैं बतै छै जु वेकी सेवा करदा छा पर दुसरा लुखुं तैं नि बतै।