दिब्य दरस 14:10 - गढवली नयो नियम

¹⁰ त उ पिता परमेश्वर का प्रकोप की दाखमधु तैं बगैर मिलावट का, वेका गुस्सा का कटोरा मा डले गै, जु वे तैं पयालो अर पवित्र स्वर्गदूतों का संमणी अर चिनखा का संमणी आग अर गन्धक की पिड़ा मा पुड़लो।

Garhwali

¹⁰ त परमेस्वर का परकोप वे पर आलु। अर उ इन्द्रया लोगु तैं अपणा पवित्र स्वर्गदूतों अर मेम्‍ना की नजर का समणि ही आग अर गंधक की पीड़ा मा डालि द्‍यालु, जु ऊं खुणि परमेस्वर का गुस्से की दारु च ज्वा की ऊं पर अखणै जालि।

दिब्य दरस 14:10 Referans Kwoze

दिब्य दरस 16:19

बाबेल को बड़ो शहर तीन हिस्सों मा बंटे गै, अर पूरी दुनिया का सैरा शहर नष्ट हवे गैनी। किलैकि पिता परमेश्वर ल उ पूरो कैरी जैको वेल बाबेल की जातियों का दण्ड का बारा मा वादा कैरी छो। यूं तैं पिता परमेश्वर की तरपां बट्टी कठोर दण्ड दिए जालो। यु इन होलो जन ऊंल बगैर पांणी मिल्युं दाखमधु तैं पियेले हो, जै तैं पिता परमेश्वर ल अफ ही वे प्याला मा उण्डेली हो जु वेका गुस्सा तैं बतांद।

दिब्य दरस 20:10

फिर ऊंल शैतान तैं जैल यूं सभियूं तैं भरमयूं छो, वीं जगह पर ढोल दींनि जु आग अर गन्धक बट्टी फुकयोंदो। उ वीं जगह पर होलो जख ऊंल पैली बट्टी ही जानवर अर पिता परमेश्वर का तरपां बट्टी बुल्ण वला बुल्दींनि। आग ऊं सभियूं तैं दिन अर रात हमेशा कु दुःख द्याली।

दिब्य दरस 19:20

अर उ दुसरो जानवर अर वेका दगड़ी उ झूठो संदेश दींण वलो जु अफ तैं पिता परमेश्वर का तरपां बट्टी बुल्ण वलो बुल्द पकड़ै गै, वेल जानवर का तरपां बट्टी झूठा चमत्कार दिखै अर ऊं सभि लुखुं तैं भरमै, जौनु जानवर की छाप अपड़ा कपाल पर लगै छै अर जु वेकी मूर्ति की आराधना करदा छा, यु द्वी ज्यूंदा ही वीं आग की झील मा, जु गन्धक ल जल्दींनि डलै गैनी।

दिब्य दरस 18:6

त्वे तैं बाबेल का दगड़ी उन ही बुरै कन चयणी च जन वेल दूसरों का दगड़ी कैरी। बल्कि, त्वे तैं वे दगड़ी दुगण बुरै कन चयणी च। त्वे तैं वेका प्याला मा इन दाखमधु डलण चयणी च जु वीं दाखमधु बट्टी दुगणी हो जु वीं ल दूसरों तैं पिलाणु कु तैयार कैरी छै।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

मत्ती 25:41

तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।

यहूदा 1:7

इलै इस्राएलियों अर स्वर्गदूतों का जन, ऊं लुखुं तैं भि याद रखा जु सदोम अर अमोरा शहर अर ऊंका अमणी-संमणी का कस्बों मा रांदा छा कि ऊं दगड़ी क्य हवे छो। उ लोग व्यभिचारी हवे गैनी अर हर किस्म का यौन भ्रष्टता बट्टी भुरे गैनी। इलै पिता परमेश्वर ल ऊं तैं आग बट्टी नाश कैरी दींनि। ऊं दगड़ी जु हवे उ झूठा शिक्षकों कु एक चेतावनी बंणि गै कि ऊं तैं भि अनन्त आग बट्टी दण्ड दिये जौं।

दिब्य दरस 18:3

यु इलै होलो किलैकि वीं जनन ल जु कि बाबेल शहर च, हर एक राज्य का सभि जातियों तैं दाखमधु पिलै जु कि वेकी मूर्तियों की पूजा करदा छा। सैरी धरती का राजा वेका गंदा कामों मा शामिल हवीनि। धरती का व्यापारी वीं जनन की मंहगी-मंहगी चीजों की इच्छा का कारण सामर्थी अर धनवान बंणि गैनी।”

मत्ती 26:39

फिर उ जरासी अगनैं बढ़ि अर भुयां भूमि मा पोड़ी कै पिता परमेश्वर बट्टी प्रार्थना कन लगि गै कि, हे मेरा बुबा जु हवे सैकु त यु दुःख बट्टी बचो जु मि पर आंण वली च आप कु सब कुछ हवे सकदु च फिर भि बुबा तेरी ही इच्छा पूरी हो मेरी न।

मत्ती 20:22

यीशु ल जवाब दींनि “तु नि जंणदयां कि क्य मंगणा छा जु कटोरा मि पिण पर छौं क्य तुम पी सकदा छा, ऊंल वेमा बोलि हां हम प्ये सकदां।”

मरकुस 8:38

जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”

खास चेलों 10:22

तब ऊंल बोलि, “कुरनेलियुस सुबदार, जु धर्मी च अर पिता परमेश्वर बट्टी डरदु च, अर जै की पूरा यहूदी जाति का लोग इज्जत करदींनि, वे तैं एक पवित्र स्वर्गदूत ल यु हुकुम दींनि कि उ तुम तैं अपड़ा घौर बुलै के वचन सुंणौ।”

2 थिस्सलुनीकी 1:7

अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।

दिब्य दरस 19:15

सवार का गिचा बट्टी एक तेज तलवार निकलदी जैको इस्तेमाल ऊं जातियों तैं हरांणु कु करलो, अर उ लोखर का जांठा दगड़ी ऊं पर राज्य करलो। यूं तैं सर्वशक्तिमान परमेश्वर का भयानक गुस्सा की दाखमधु का कुण्ड मा अंगूरों तैं निचोड़ण जन होलो।

दिब्य दरस 20:14

उ सभि लोग जौका नौं जीवन की किताब मा नि लिख्यां छा, ऊं तैं आग की झील मा फेंक दिए गै। यांका बाद, अब कुई मौत नि च अर न अधोलोक च, किलैकि उ सभि लोग जौका नौं जीवन की किताब मा नि लिख्यां छिनी ऊं तैं आग की झील मा फेंक दींनि। यु तैं ही दुसरी मौत बुल्दींनि, जु कि आग की झील को दंड च।

मरकुस 9:44

अर नरक मा जख वेको कीड़ो नि मोरदु अर आग नि बुझदि।