दिब्य दरस 13:3 - गढवली नयो नियम

³ मिल वेका मुंड मा बट्टी एक पर इन भारी घाव लग्युं देखि, जन मांणा उ मुरण वलो हो; फिर वेको उ जान लींण वलो घाव खूब हवे गै, अर सैरी धरती का लोग वे जानवर का पिछनै भौचक हवे के चलण लगि गैनी।

Garhwali

³ अर वे दैंत का मुण्ड़ पर एक इन्दरि चोट लगि छै कि वेका बचण की उम्मीद नि छै, मगर वेको उ घौ खूब ह्‍वे गै। अर वेका खूब होण की वजै से पूरि धरती का लोग बड़ु ताजुब कैरिके वेका पिछनै-पिछनै चलण लगि गैनी।

दिब्य दरस 13:3 Referans Kwoze

दिब्य दरस 17:8

वे जानवर जै तैं तिल अभि तक नि देखि, एक बगत ज्यूँदो छो, पर अब ज्यूँदो नि च; उ गहरा अथाह कुण्ड बट्टी भैर आंण वलो छो अर पिता परमेश्वर वीं तैं पूरा ढंग से नाश कैरी दयालो। धरती पर रौंण वला जौका नौं पिता परमेश्वर दुनिया की सृष्टि कन से पैली जीवन की किताब (चाम्रपत्र) मा नि लिखै, उ सभि भौंचक हवे जाला जब उ यु जानवर तैं दिखला। एक बगत उ ज्यूँदो छो; पर अब उ ज्यूँदो नि च; पर उ दुबरा वापिस ऐ जालो।

दिब्य दरस 13:14

दुसरा जानवर तैं पिता परमेश्वर के द्वारा पैला जानवर की मौजूदगी मा झूठा चमत्कार दिखांणु की मंजूरी द्ये गै। यूं चमत्कारों का द्वारा उ धरती का सभि लुखुं तैं भटकांण मा सफल छो। वेल वे तैं पैला जानवर की एक मूर्ति बनांणै की आज्ञा द्ये, जु तलवार का द्वारा घायल हवे गै छो, पर फिर से ज्यूँदो हवे गै छो।

दिब्य दरस 17:17

उ वीं जनन तैं जीं तैं तिल देखि छो, उ यु बड़ो शहर च जु धरती पर सभि राजाओं पर राज्य करद। यु चीज वे दगड़ी हवीनि, किलैकि पिता परमेश्वर ल अपड़ा उद्देश्यों तैं पूरो कनु कु ऊंका मनों को निर्देशन कैरी। यु ही कारण च कि ऊंल अपड़ो अधिकार जानवर तैं दे दींनि कि उ राज्य कैरो, जब तक कि उ सब पूरो नि हो जु पिता परमेश्वर ल बोलि छो।”

दिब्य दरस 17:10

ऊंमा बट्टी पाँच त पैली ही मोर गैनी, अर छठो शासक अब राज्य कनु च; अर आखरी वलो अभि तक नि ऐ, पर जब तक उ आलो, त उ भस थोड़ा ही बगत कु ही राज्य करलो।

दिब्य दरस 17:13

यूं सभि दस राजाओं को एक ही उद्देश्य च, अर उ अपड़ी-अपड़ी सामर्थ अर अधिकार जानवर तैं द्ये दयाला।

दिब्य दरस 13:12

वेल वीं शक्ति कु इस्तेमाल जु वे तैं वे जानवर का द्वारा द्ये गै छै जैको जान लींण वलो घाव खूब हवे गै छो वेल दुनिया का सभि लुखुं बट्टी जबरदस्ती वे पैला जानवर की आराधना कनु कु बोलि।

खास चेलों 8:13

अर शमौन ल फिलिप्पुस का संदेश पर विश्वास कैरी अर बपतिस्मा ले। अर शमौन ल फिलिप्पुस को अनुसरण कैरी अर उ सभि चमत्कार अर बड़ा-बड़ा सामर्थ का अद्भुत काम तैं हूंद देखि के चकित हूंदो छो।

लूका 2:1

ऊं दिनों मा रोमी सम्राट औगुस्‍तुस कैसर ल अपड़ा सारा साम्राज्‍य की जनगणना की राजाज्ञा निकली, की सारा रोमी साम्राज्‍य का सभि लुखुं का नौं लिखै जौं।

दिब्य दरस 17:6

अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।

यूहन्ना 12:19

तब फरीसियों ल आपस मा बोलि, “सोचा, हम कुछ नि कैर सकदा छा देखा पूरो दुनिया वेका पिछनै हवे गै।”

दिब्य दरस 17:11

जु जानवर पैली छो, अर अब नि च, उ अफ ही आठु च; अर उ जानवर जु भौत बगत पैली रांदो छो अर यु बगत नि च, उ आठु राजा च। पर उ आठु राजा पैला सात राजाओं मा बट्टी एक च। अर अंत मा वे राजा तैं निश्चित रूप मा हमेशा कु दण्ड दिए जालो।