दिब्य दरस 11:2 - गढवली नयो नियम

² पर स्वर्गीय मन्दिर का भैर का चौक तैं नि नाप; किलैकि उ, ऊं लुखुं तैं दिये गै जु पिता परमेश्वर तैं नि जणदींनि, अर उ बयालीस मैना तक मेरा पवित्र शहर पर राज्य करला।

Garhwali

² पर मन्दिर का भैर वळा बरण्डा तैं छोड़ि दे वेतैं नि नाप, किलैकि उ ऊंतैं दिये गै जु यहूदी जाति का नि छिन, अर यू लोग सढ़े तीन साल तक पवित्र नगर का लोगु पर जुलम करला।

दिब्य दरस 11:2 Referans Kwoze

दिब्य दरस 12:6

अर व जनन वे एकांत जंगल का जनै भागि गै, जु जगह पिता परमेश्वर ल वेकु ही तैयार कैरी छै कि उख उ एक हजार द्वी सौ साठ दिन तक पलै जौं।

लूका 21:24

ऊंल तलवार कु निवलो हवे जांण अर सभि देशों का लुखुं मा गिरफ्तार हवे के पौंछैंये जाला अर जब तक अन्य-जातियों कु बगत पूरो नि होलो तब तक यरूशलेम शहर अन्यजाति ल रौंदे जालो।

दिब्य दरस 11:3

“वे बगत मि अपड़ा द्वी गवाहों तैं यु अधिकार दयुलु कि टाट ओढ़ी के एक हजार द्वी सौ साठ दिन तक भविष्यवाणी करला।”

दिब्य दरस 21:2

फिर मिल पवित्र शहर तैं भि देखि, जु कि नयो यरूशलेम शहर च, जु स्वर्ग बट्टी पिता परमेश्वर की तरपां बट्टी मूड़ी औणु च। वे शहर तैं एक ब्योली का जन तैयार किये गै छो, जि तैं कपड़ा पैरये गैनी अर साज-सिगांर किये गै अर जु ब्योला बट्टी ब्यो कनु कु तैयार छो।

दिब्य दरस 22:19

अर जु कुई इन आदिम हो जु ईं किताब मा भविष्यवाणी किये गै हो बातों मा बट्टी कुछ भि हटो, त पिता परमेश्वर भि वे तैं वे डाला बट्टी फल खांण का अधिकार बट्टी निकाली दयालो जु जीवन दींद अर वेका पवित्र शहर मा रौंण का अधिकार तैं भि हटै दयालो जैका बारा मा ईं किताब (चाम्रपत्र) मा बतये गै।

मत्ती 27:53

अर ज्यून्दो हूंण का बाद उ कब्रों मा बट्टी निकली के पवित्र शहर मा गैनी अर उ भौत लुखुं तैं दिखै गैनी।

मत्ती 5:13

“तुम ईं दुनिया का लुखुं कु लूंण का जन छा, पर जु लूंण कु स्वाद बिगड़ि जौं त उ फिर कनके ल्युणणो करे जालो? फिर उ कै काम को नि च भस यांका कि भैर फिंकै जौ अर मनिख्युं का खुट्टों तौला रौंदे जौं।”

मत्ती 4:5

तब शैतान यीशु तैं पवित्र नगर यरूशलेम शहर मा ली गै अर यरूशलेम शहर का मन्दिर का ऊँचा गुमट पर खड़ो कैरी।

दिब्य दरस 11:11

पर साढ़े तीन दिन का बाद पिता परमेश्वर की तरपां बट्टी जीवन की सांस मिली; अर उ खड़ा हवे गैनी, अर उ सभि जौनु देखि कि उ अब फिर से ज्यून्दा हवे गै छा, अर दिखण वला भौत डैर गैनी।

इब्रानी 10:29

जु मूसा की व्यवस्था का अनुसार इन सजा छै, त वे आदिम की सजा भौत बड़ी होली जु पिता परमेश्वर का नौंनो कु तिरस्कार करदींनि; वेल पिता परमेश्वर का नौंनो तैं अपड़ा खुट्टों मुड़ी मींडी येले किलैकि वेल वेको सम्मान नि कैरी; वेल मसीह का ल्वे तैं पवित्र नि मांणी अर अशुद्ध ठैरे जैका द्वारा पिता परमेश्वर ल वे तैं पवित्र बनांणु कु नई प्रतिज्ञा शुरू कैरी; वेल पवित्र आत्मा कु अपमान कैरी जैका द्वारा वे पर दया हवे।

दिब्य दरस 21:10

अर पिता परमेश्वर की आत्मा ल मि पर अपड़ो काबू कैरी, अर स्वर्गदूत मि तैं एक भौत ऊँचा डांडा की चोटी पर ली गै अर पवित्र शहर यरूशलेम तैं स्वर्ग बट्टी पिता परमेश्वर मा उतरद देखि।