दिब्य दरस 11:1 - गढवली नयो नियम

¹ फिर मि तैं नपणु कु एक सिटगी दिए गै अर पिता परमेश्वर ल मि बट्टी बोलि, “ज अर मेरा स्वर्गीय मन्दिर अर वेदी तैं नापी ले, अर ऊं लुखुं की गिणती कैर जु उख मेरी आराधना कना छिनी।”

Garhwali

¹ तब मितैं नपणु खुणि एक फीता दिये गै, अर कैन मिकू बोलि, “उठ अर परमेस्वर का मन्दिर अर वेदी तैं नाप, अर वामा भक्‍ति करण वळो की गिनती कैर।

दिब्य दरस 11:1 Referans Kwoze

दिब्य दरस 21:15

उ स्वर्गदूत जैल वे बट्टी बात कैरी, वे शहर मा अर वेका फाटकों अर वेकी शहर की चकबंधी तैं नपणु कु एक सोना को गज छो।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

2 कुरिन्थि 6:16

अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”

दिब्य दरस 10:11

तब मि बट्टी यु बुलै गै, “अलग-अलग झुंड, जातियों अर देश का लुखुं, अर अलग-अलग भाषाओं तैं बुल्ण वला लुखुं तैं अर राजाओं तैं एक बार फिर से बता, जु पिता परमेश्वर त्वे तैं बतांणु कु बुल्द।”