फिलिप्पी 4:8 - गढवली नयो नियम

⁸ इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

Garhwali

⁸ इलै हे मेरा भै-बैंणो, कुछ और बात भि छिन जु की सच्‍चि अर सोच-विचार करण का लैख छिन, अर यू वु बात छिन जु कि साफ अर पवित्र छिन अर यों बातों बटि प्यार किये जान्दु, अर यू खुश कैर देण वळी छिन, अर यों मा हरेक किसम का गुण पये जनदिन, अर यों बातों की तारीफ किये जान्दी, अर यू वु बात छिन जौं पर लगातार तुमतै अपणु ध्यान लगौण चयेणु।

फिलिप्पी 4:8 Referans Kwoze

याकूब 3:17

पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।

तीतुस 2:7

सब बातों मा तु अफ तैं भला कामों को नमूना बंणौ; जब तू विश्वासियों का पिता परमेश्वर का बार मा सिखाैंदी छै, त त्वे तैं अच्छा उद्देश्यों का दगड़ी सिखांण चयणु च, अर इन जु आदर का योग्य हो,

2 कुरिन्थि 8:21

किलैकि जु बात भस प्रभु ही का नजीक न, पर मनिख्युं का भि नजीक अच्छी च हम ऊं कामों तैं अच्छा ढंग से कनु कु ध्यान दींदयां।

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

1 पतरस 2:12

जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।

इब्रानी 13:18

हम कु प्रार्थना करदी रावा, किलैकि हम तैं भरोसा च कि हमारो विवेक शुद्ध च; अर हम जु भि काम करदा ऊं सभियूं मा पिता परमेश्वर कु सम्मान कन चांदा छा।

1 तीमुथियुस 4:12

कुई तेरी जवानि तैं बेकार नि समझु; पर तु बातचित मा, अच्छा बरतौ मा, दूसरों का प्रति प्रेम मा, मसीह पर तेरु विश्वास मा, अर तेरु निर्दोष जीवन मा, अर पवित्रता मा, विश्वासियों तैं अनुसरण कन कु नमूना बंणि जा।

इफिसुस 5:9

किलैकि जु कुई मनिख उज्यला मा च, त वेको बरतौ अच्छो अर धार्मिक हूंद अर वे पर भरोसो किये जै सकदु च,

तीतुस 1:8

पर प्रेम का दगड़ी मेहमानदरी कन वलो, भलै तैं चांण वलो, सब्र रखण वलो, ईमानदार, पवित्र अर अपड़ी इच्छा पर काबू रखण वलो।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

तीतुस 3:14

भस इथग ही न, त्वे तैं विश्वासियों तैं सिखांदी रौंण चयणु च कि अच्छा कामों कु हमेशा मेहनत कना करा कि ऊं लुखुं की जरूरत पूरी कैर साक जै मा उ सब कुछ नि च, जै तैं यांकि जरूरत च। यु विश्वासियों की मदद करलो कि एक उद्देश्य का दगड़ी अपड़ो जीवन जी साका।

रोमियों 13:13

आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।

याकूब 1:27

हमारा पिता परमेश्वर का समणी शुद्ध अर सच्ची भक्ति य च, कि अनाथों अर विधवाओं का दुखों मा ऊंको ख्याल रखा, अर अपड़ा आप तैं दुनिया का बुरा कामों बट्टी बचै के रखा।

1 यूहन्ना 3:18

हे मेरा प्रिय नौंनो, हम सचै का द्वारा दूसरों की मदद कैरी के दूसरों तैं अपड़ो प्रेम दिखै सकदां पर न की जीभ ल बोलि के।

तीतुस 2:2

मण्डलि का दानों तैं अफ पर काबू रखण चयणु च, इन बरतौ कन चयणु च, कि लोग ऊंको सम्मान कैरा, अर समझदारी ल बरतौ कन चयणु च, ऊं तैं पिता परमेश्वर पर मजबूत विश्वास कन चयणु च, दुसरा लुखुं बट्टी सचै का दगड़ा प्रेम अर सहनशील हूंण चयणु च।

2 कुरिन्थि 13:7

अर हम अपड़ा पिता परमेश्वर बट्टी प्रार्थना करदा, कि तुम कुई बुरै नि कैरा; हम या प्रार्थना करदा, यु दिखांणु कु न कि तुम्हरा बीच मा हमारी सेवकाई सफल रौ, बल्कि इलै कि हम चांदा छा कि तुम ठिक काम कैरा चाहे हम खुद असफल ही हवे जां।

कुलुसी 4:5

हर एक मौका कु अच्छो इस्तेमाल कैरा, यु दिखणु कु कि तुम विश्वासी छा, अर जु लोग यीशु पर विश्वास नि करदींनि वे दगड़ी समझदारी दगड़ी बरतौ कैरा।

1 पतरस 4:8

सबसे जरूरी, एक-दुसरा बट्टी ईमानदरी से प्रेम कैरा किलैकि जु तुम लुखुं बट्टी प्रेम करला त तुम हमेशा कै भि गलत काम तैं जु पाप च माफ कनु कु तैयार रैला जु ऊंल करिनि।

रोमियों 13:3

किलैकि जु कुई अच्छा काम करदींनि, त वे तैं अधिकारियों बट्टी डनै की जरुरत नि च; पर जु उ बुरा काम करदींनि त वे तैं डनै की जरुरत च; त अच्छा काम कैर अर वेकी तरपां बट्टी उ तुम तैं आदर दयालो;

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

फिलिप्पी 3:1

इलै हे मेरा विश्वासी भयों, प्रभु मा खुश रावा। एक ही बात तुम तैं बार-बार लिखण मा मि तैं कुई कष्ट नि हूंदो, मेरा द्वारा यूं बातों तैं दोहरांण तुम्हरी मदद करलो कि तुम भटकी नि जावा।

रोमियों 2:29

एक सचो यहूदी उ च, जैको मन पिता परमेश्वर का दगड़ी जुड़यूं च, अर सचो खतना भस मूसा कि व्यवस्था कु पालन कन ही नि च; बल्कि यु मन कु बदलाव च, जु परमेश्वर कि आत्मा का द्वारा ही पैदा हूंद। इन मनिख लुखुं बट्टी न, बल्कि परमेश्वर बट्टी बड़ै पांदो।

1 तीमुथियुस 2:2

राजाओं कु अर ऊं सभि लुखुं कु प्रार्थना कैरा जु अधिकारी छिनी, कि उ हम तैं शान्ति अर सुरक्षित रौंण मा मदद कैरा, कि हम पिता परमेश्वर की आराधना कैरी साका, अर दूसरों का प्रति हमेशा अच्छो बरतौ रखा।

1 तीमुथियुस 5:10

भला काम कन मा सुनाम रै हो; जैल बच्चों कु अच्छो पालन-पोषण कैरी हो, अर विश्वासी भयों, कि खूब खातिरदारि कैरी हो, अर विश्वासी लुखुं की सेवा इन कैरी हो की जन व एक दासी हो, अर अपड़ा लुखुं की मदद कैरी हो जु लोग मुशीबतों मा छा, वीं ल हर ढंग से भला काम कनु कु अफ तैं समर्पित कैरी हो।

इफिसुस 6:14

इलै परमेश्वर कि सचै तैं अपड़ी कमर बैल्ट का जन बंदधिल्या, अर तुमारो बरतौ धार्मिकता कु हो, जु एक झीलम पैरण का जन च।

1 थिस्सलुनीकी 4:12

कि अविश्वासी, देखा कि तुम हर दिन कन बरतौ करदां, अर तुम्हरो आदर कैरा, अर ज्यां भि चीजों की तुम तैं जरूरत च वां कु तुम तैं कै और पर भि निर्भर नि रौंण पुड़लो।

इफिसुस 4:25

यु कारण झूठ बुल्ण छोड़ी कै, हरेक अपड़ा दगड़िया विश्वासी पड़ोसी बट्टी सच बोला, किलैकि हम सभि एक ही देह का अंग छा।

2 कुरिन्थि 6:8

जब लोग हमारी प्रशंसा करदींनि या जब उ हम तैं नीच जणदींनि, जब लोग दूसरों तैं बतौंदींनि कि हम बुरा लोग छा या अच्छा लोग छा, हम कपटी समझै ग्यां, पर हम सच बुल्दा।

खास चेलों 10:22

तब ऊंल बोलि, “कुरनेलियुस सुबदार, जु धर्मी च अर पिता परमेश्वर बट्टी डरदु च, अर जै की पूरा यहूदी जाति का लोग इज्जत करदींनि, वे तैं एक पवित्र स्वर्गदूत ल यु हुकुम दींनि कि उ तुम तैं अपड़ा घौर बुलै के वचन सुंणौ।”

यूहन्ना 7:18

जु अपड़ी तरपां बट्टी कुछ बोलु उ अपड़ी ही बड़ै चांद पर जु अपड़ा भिजण वला कि बड़ै चांद उ ही ईमानदार च अर वेमा बेमानी नि च।

लूका 2:25

वे बगत यरूशलेम शहर मा शमौन नौं को एक आदिम छो अर उ आदिम धर्मी अर भक्त छो अर इस्राएल का लुखुं तैं शान्ति कि बाट जुगल्णु छो अर पवित्र आत्मा वेका दगड़ी छो।

मरकुस 6:20

किलैकि राजा हेरोदेस यूहन्ना तैं धर्मी अर पवित्र मनिख जांणि के वे बट्टी डरदु छो अर वेकी रक्षा करद छो अर वेकी बातों तैं सूंणि के भौत घबरांदु छो फिर भि खुशी से वे तैं सुंणदु छो।

लूका 16:15

यीशु ल वेमा बोलि, “तुम त लुखुं का संमणी अफ तैं धर्मी दिखण पसंद करदयां पर परमेश्वर तुमारा मन तैं जंणदु च किलैकि ज्वा चीज मनिख्युं कि नजर मा महान च उ परमेश्वर का नजीक तुच्छ च।”

1 कुरिन्थि 4:5

इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।

खास चेलों 22:12

उख हनन्याह नौं को एक आदिम छो उ व्यवस्था का अनुसार धर्मी छो, अर उख रांण वला यहूदी लुखुं मा आदरमान छो।

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

1 तीमुथियुस 5:2

त्वे तैं बुजुर्ग जननों तैं इन सलाह दींण चयणु च जन कि उ तेरी अपड़ी ब्वे हों, अर अफ बट्टी छुटी उम्र की जननों का दगड़ी उन ही बरतौ कैर, जन उ तेरी अपड़ी बैंण हों, अर इन शुद्ध मन से कैर।

लूका 23:50

उख महासभा कु एक सदस्य छो जैकु नौं यूसुफ छो, उ भलो अर धर्मी मनिख छो।

1 तीमुथियुस 3:4

वे तैं अपड़ा परिवार कु मार्गदर्शन कन मा सक्षम हूंण चयणु च, अर उ अपड़ा बाल-बच्चों तैं सिखांण चयणु च कि उ हर बात मा वेकी आज्ञाओं कु पालन कैरो।

खास चेलों 6:3

इलै हे विश्वासी भयों, अफ मा बट्टी सात भला आदिम तैं जु पवित्र आत्मा अर बुद्धि बट्टी भरपूर छिनी, चुणि ल्या, कि हम ऊं तैं यु काम पर ठैरे द्या।

मत्ती 22:16

अर ऊंल अपड़ा चेलों तैं हेरोदियों मा यु बुल्णु कु भेजि कि, “हे गुरु हम जंणदा छा कि तुम हमेशा सच बुल्दियां अर परमेश्वर का बारा मा सचै से सिखांदि अर त्वे तैं कैकी कुई परवाह नि च किलैकि तु मनिख्युं का मुक देखि के बात नि करदी।

इब्रानी 11:2

हमारा पुरणा इन ही विश्वास करदा छा; इलै ही पिता परमेश्वर ऊं बट्टी खुश छो।

1 तीमुथियुस 3:11

इन ही कै सेवकों की जनन तैं भि गम्भीर हूंण चयणु च; कै पर भंगार लगौंण वलि नि हूंनु, पर चौकस अर सभि बातों मा विश्वास का लैख हूंनु।

2 कुरिन्थि 8:18

अर हम ल वे दगड़ी हैंका विश्वासी भैय तैं भेजि जैको नौं शुभ सन्देश प्रचार कना का बारा मा सभि मण्डलि का विश्वासियों मा फैलयूं च;

2 पतरस 3:1

हे प्रियों, अब मि तुम तैं य दुसरी चिठ्ठी लिखणु छो, अर द्वी चिठ्ठियूं मा मि तुम तैं सै ढंग से सुचणु कु प्रोत्साहित कनै की कोशिश कनु छो, तुम तैं व ही चीज याद दिलांण का द्वारा जु तुम पैली ही सीख ज्ञा।

रोमियों 14:18

जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।