फिलिप्पी 3:9 - गढवली नयो नियम

⁹ अर मि ऊं दगड़ी एक हवे के रै साको; मेरी धार्मिकता मूसा द्वारा लिखीं परमेश्वर की व्यवस्था कु मेरी आज्ञाकारिता पर निर्भर नि च, बल्कि य व धार्मिकता च जै तैं भस मसीह मा मेरा विश्वास का कारण पिता परमेश्वर मि तैं दींद।

Garhwali

⁹ अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

फिलिप्पी 3:9 Referans Kwoze

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

गलातियों 2:16

तब भि हम यहूदी विश्वासी जंणदा छा कि मूसा की व्यवस्था कु पालन कैरी कै कुई भि मनिख पिता परमेश्वर की नजरों मा धर्मी नि ठैरुदो। पर भस यीशु मसीह पर विश्वास कैरी कै धर्मी ठैरद, इलै हम ल अफ भि यीशु मसीह पर विश्वास कैरी, किलैकि मूसा का नियम-कानून का पालन कना से कुई भि मनिख धर्मी नि ठैरद पर यीशु मसीह पर विश्वास कन से धर्मी ठैरद।

रोमियों 8:1

यु कारण अब जु मसीह यीशु मा च, ऊं पर दंड की आज्ञा नि च।

रोमियों 1:17

किलैकि शुभ संदेश मा पिता परमेश्वर यु प्रगट करद कि उ लुखुं तैं पूरा ढंग से विश्वास कना का द्वारा धर्मी घोषित कना का योग्य च, जन की परमेश्वर का वचन मा लिख्युं च, “विश्वास बट्टी धर्मी जन ज्यून्दो रालो।”

तीतुस 3:5

वेल हम तैं पापों का दण्ड बट्टी छुड़ै, अर यु ऊं धर्म का कामों का कारण न जु हम ल अफ करिनी, पर अपड़ी वीं दया का अनुसार, वेल अपड़ी पवित्र आत्मा दे के हम तैं बचै, जैल हमारा पापों तैं अपड़ा ल्वे का द्वारा धवे अर हम तैं एक नया जीवन अर बरतौ कनु कु एक नयो मौका दे।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

2 कुरिन्थि 5:17

इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

फिलिप्पी 3:6

अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।

रोमियों 10:10

किलैकि हम अपड़ा मन बट्टी विश्वास करदां, अर इलै हम पिता परमेश्वर का दगड़ी धर्मी बणदां। अर हमारा गिच्चो कु अंगीकार हमारा विश्वास तैं दिखांद जै बट्टी हम उद्धार पै के बचये जणदां।

रोमियों 8:3

किलैकि जु काम मूसा कि व्यवस्था हमारा पापमय स्वभाव बट्टी कमजोर हवे कै नि कैर साकी, वे तैं पिता परमेश्वर ल कैरी, मतलब अपड़ा ही नौंना मसीह यीशु तैं हमारा पापी देह का समान बणै के, अर हमारा पापों कु बलिदान हूंणु कु भेजि द्ये अर अपड़ा नौंना का देह का बदला मा पिता परमेश्वर ल पाप सामर्थ तैं तोड़ी द्ये।

मत्ती 9:13

इलै तुम जै के यांको मतलब सीखी ल्या मि बलिदान न पर दया चांदु छौं किलैकि मि धर्मियों कु न बल्कि पापियों तैं बुलांण कु अयुं छौं।”

1 यूहन्ना 3:4

जु कुई पाप करदो, उ व्यवस्था कु विरोध करदो; पाप कन व्यवस्था को उल्लंघन कन च अर अधर्म कु दगड़ो कन च।

2 पतरस 1:1

मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।

याकूब 3:2

हम भौत बार गलती करद्यां। पर जु कुई बुल्ण मा गलती नि करदो, ऊई त सिद्ध मनिख च; अर उ अपड़ा आप तैं पूरा ढंग ल वश मा कैरी सकदो।

इब्रानी 6:18

त फिर यु द्वी बात छिनी परमेश्वर कु वादा अर दुसरा वेकी सौं जु कभी भि नि बदल सकदी अर पिता परमेश्वर कभी झूठ नि बुल्द; इलै जु हम पिता परमेश्वर का नजीक सुरक्षा पांणु कु अयां छा अर जु आस वेल हम तैं द्ये, वे तैं थामि के छा, अर भौत खुश छा।

रोमियों 16:7

अन्द्रुनीकुस अर यूनियास तैं जु मेरा दगड़िया यहूदी छिनी, अर मि दगड़ी जेलखना मा कैद हवे छा, अर प्रेरित ऊं तैं अच्छा ढंग से जणदींनि, अर मि बट्टी पैली मसीह का चेला बंणि गै छा, मेरू प्रणाम।

रोमियों 5:21

कि जन सभि लुखुं ल पाप कैरी अर उ सभि मोरि गैनी, उन ही हमारा प्रभु यीशु मसीह का द्वारा पिता परमेश्वर की दया ऊं तैं धर्मी अर ऊं तैं अनन्त जीवन द्याली।