फिलिप्पी 3:3 - गढवली नयो नियम

³ किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

Garhwali

³ अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

फिलिप्पी 3:3 Referans Kwoze

कुलुसी 2:11

जब तुम ल मसीह पर विश्वास कैरी, त तुम्हरो खतना मनिख्युं द्वारा नि किये गै जन यहूदी करदींनि पर उ खतना हवे जु मसीह का द्वारा किये गै, जु कि तुम्हरो पापमय स्वभाव तैं काटि कै दूर करद।

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

गलातियों 5:25

किलैकि पिता परमेश्वर की पवित्र आत्मा ल हम तैं एक नयो जीवन दींनि, इलै हम तैं अपड़ा जीवन तैं पवित्र आत्मा की अगुवे का अनुसार जींण चयणु च।

रोमियों 8:15

किलैकि तुम तैं गुलामी की आत्मा नि मिली, गुलाम जु पिता परमेश्वर बट्टी डरदा छिनी, पर जब पिता परमेश्वर ल तुम तैं अपड़ी सन्तान का रूप मा स्वीकार कैरी त तुम तैं परमेश्वर कि आत्मा मिली, ज्यां बट्टी हम हे बुबा, हे पिता बोलि के बुलौंदियां।

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

रोमियों 1:9

पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।

यहूदा 1:20

पर हे विश्वासी भयों, तुम तैं एक-दुसरा की मदद करदी रौंण चयणु च कि ऊं पवित्र सच्चाईयों मा जौं पर तुम विश्वास करदा, एक दुसरा तैं बणै साका। तुम तैं पवित्र आत्मा की सामर्थ बट्टी मार्गदर्शन पै के प्रार्थना कन चयणी च।

रोमियों 15:17

इलै मि यीशु मसीह कारण ही पिता परमेश्वर की सेवा पर घमंड कैरी सकदु छों।

रोमियों 8:39

न गहराई, न सृष्टि, न कुई, हम तैं पिता परमेश्वर का प्रेम बट्टी, जु हमारा प्रभु यीशु मसीह मा च, अलग नि कैर सकली।

रोमियों 9:6

पर इन न, कि पिता परमेश्वर कु वादा पूरो नि हवे साकी, किलैकि सभि इस्राएल का वंशज सच मा पिता परमेश्वर का लोग नि छिनी;

2 कुरिन्थि 11:18

जबकि भौत लोग ईं दुनिया का लुखुं का जन घमण्ड करदींनि, त मि भि घमण्ड करुलु।

गलातियों 6:16

इलै जु लोग पिता परमेश्वर की आज्ञा तैं मणदींनि, पिता परमेश्वर ऊं सभि लुखुं पर दया कैरो अर ऊं तैं शान्ति द्यो, ऊं तैं जु पिता परमेश्वर का द्वारा चुणयां लोग छिनी अर ऊं जौं तैं उ इस्राएल बुल्द।

फिलिप्पी 1:1

मि पौलुस तीमुथियुस का दगड़ी या चिठ्ठी लिखणु छो अर हम मसीह यीशु का सेवक छा। ऊं अध्यक्ष अर सेवकों दगड़ी सभि पवित्र लुखुं कु जु मसीह यीशु मा हवे के फिलिप्पी शहर मा रौंदा छा।

फिलिप्पी 3:12

मि यु दावा नि करदु, कि मिल यु सब कुछ पैली ही पयले, मि वीं सिद्धांता तैं पांणु कु भौत कोशिश कनु छो, अर मि वीं चीज तैं पांणु कु अगनैं बढ़दी जांणु छों, कि मि सिद्ध हवे जौं, ज्यांकु यीशु मसीह ल मि तैं चुणि छो।

फिलिप्पी 3:14

मसीह यीशु मा पिता परमेश्वर की स्वर्गीय बुलाहट का ईनाम तैं पांणु कु निशान का जनै बढ़दी जांद।