फिलिप्पी 2:9 - गढवली नयो नियम

⁹ इलै पिता परमेश्वर ल वे तैं सबसे ऊँचा पद पर बैठै, अर वे तैं उ नौं दींनि जु सभि नौं मा बड़ो च।

Garhwali

⁹ इलै परमेस्वर न वेतैं सबसे ऊँचो पद दिनी, अर वेतैं वु नौ दिनी जु सब न्वौं मा सबसे महान च।

फिलिप्पी 2:9 Referans Kwoze

दिब्य दरस 19:16

अर वेको चोला अर दे जांघ पर यु नौं लिख्युं छो “प्रभु अर राजाओं को राजा च।”

मत्ती 28:18

तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

इब्रानी 2:9

पर हम प्रभु यीशु तैं दिखदियां, वे तैं कुछ बगत कु स्वर्गदूतों मा बट्टी थोड़ा सी कम करे गै, कि पिता परमेश्वर का दया ल उ सभियूं कु मोरि जौं अर इलै वेल यु दुःख उठै अर मोरि भि गै, पिता परमेश्वर ल वे तैं महिमा अर आदर द्ये।

दिब्य दरस 5:12

अर उ चिनखा की तारीफ कनु कु गीत गांणा छा, “योग्य च, उ चिनखो च जै तैं मरै गै छो। हम वेकी महान सामर्थ, धन, ज्ञान अर शक्ति का कारण वे तैं महिमा अर स्तुति दींण चयणु च।”

इब्रानी 1:4

इलै पिता परमेश्वर ल नौंना तैं एक इन नौं दींनि जु स्वर्गदूतों बट्टी भि भौत जादा महान च, जैका द्वारा हम देख सकदां कि नौंनो ऊं बट्टी भौत जादा महान च।

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

यूहन्ना 17:5

अब हे पिता परमेश्वर तु अपड़ी उपस्थिति मा मेरी बड़ै कैर, उ बड़ै मेरी छै, जु दुनिया की सृष्टि से पैली तुम दगड़ी छै।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

लूका 10:22

मेरा पिता ल मि तैं सब कुछ सौंपेलि अर कुई नि जंणदु कि नौंनो कु च भस पिता अर पिता कु च यु भि कुई नि जंणदु भस नौंनो अर जै पर नौंनो वे तैं प्रगट कन चौ।

दिब्य दरस 11:15

जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

2 पतरस 1:17

हम वे पवित्र पोड पर वेका दगड़ा मा छा जब वे तैं पिता परमेश्वर का द्वारा सम्मान अर महिमा दिये गै छै। तुम ल वे बगत परम पिता परमेश्वर की तरपां बट्टी य आवाज सूंणि, “यु मेरू प्रिय नौंनो च, जै बट्टी मि खुश छो। हम ल अफ भि स्वर्ग बट्टी आंण वली ईं आवाज तैं सूंणि”

कुलुसी 1:18

उ ही देह यानि मण्डलि को मुंड च उ ही शुरुवात बट्टी च अर उ ही मुर्दों मा बट्टी ज्यून्दा हूंण वलो मा बट्टी पैलो च कि उ सभि बातों मा पैलो ठैरु।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

यूहन्ना 13:3

यीशु यु जंणदु छो कि बुबा ल हर चीज पर अधिकार वे तैं दियुं च अर यु की उ परमेश्वर मा बट्टी अयुं च अर परमेश्वर मा जांणु च अर मि परमेश्वर मा बट्टी अयुं छों अर परमेश्वर मा जांणु छों।

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

यूहन्ना 17:11

अब मि दुनिया मा नि रौंण, मि तुम मा आंणु छों पर मेरा चेला अभि भि दुनिया मा छिन; “हे पवित्र बुबा, अपड़ा नौं की सामर्थ बट्टी वेकी रक्षा कैर, की वेको एक ही मन होलो।

यूहन्ना 17:12

जब मि ऊंका दगड़ा मा छो त मिल तेरु वे नौं से जु तिल मि दींनि ऊंकी राग जुगाल कैरी अर विनाश का नौंना तैं छोड़ वेमा बट्टी कुई नाश नि होलो इलै परमेश्वर का वचन मा लिखीं बात पूरी हवे।

इफिसुस 1:10

जब ईं योजना कु पूरो कन कु बगत ऐ गै, त पिता परमेश्वर आसमान अर धरती कि सभि चीजों तैं मसीह का अधीन रालो, कि मसीह सभि चीजों कु मुखिया हो।

2 थिस्सलुनीकी 1:12

हम यु प्रार्थना करदयां कि लोग तुम्हरा कारण प्रभु यीशु की महिमा कैरा अर तुम भि महिमा पां किलैकि तुम भि प्रभु बट्टी जुड़यांं छा अर यु सब पिता परमेश्वर अर प्रभु यीशु मसीह का दया बट्टी होलो।

इब्रानी 1:9

तू अच्छा कामों तैं कन वला दगड़ी प्रेम करदी पर अधर्म का कामों बट्टी नफरत करदी; यु ही कारण मि, तेरु पिता परमेश्वर ल, तेरु परमेश्वर बट्टी, त्वे तैं तेरु दगड़ियों का बीच मा चुणि अर जैतून का तेल बट्टी तेरु अभिषेक कैरी।”

3 यूहन्ना 1:7

किलैकि उ वे नौं कु निकली छा, अर अविश्वासियों बट्टी कुछ भि मदद नि लींदा छा।