फिलिप्पी 2:13 - गढवली नयो नियम

¹³ किलैकि परमेश्वर ही च, जु तुम्हरा भितर काम कनु च, अर तुम तैं उ कनै की इच्छाशक्ति दयूंणु च, ज्यां बट्टी वे तैं खुशी मिलदी।

Garhwali

¹³ किलैकि परमेस्वर ही च जु कि अपणी मनसा का मुताबिक तुमरा जीवनों मा काम कनु च, अर उ ही च जु की इन इच्छा पैदा करदु कि तुम वेका मुताबिक चलि सैका।

फिलिप्पी 2:13 Referans Kwoze

2 कुरिन्थि 3:5

हम यु नि बुल्दियां कि हम मा खुद ही सब कुछ कने की क्षमता च; पर पिता परमेश्वर हम तैं यु क्षमता दींद।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

रोमियों 9:16

त पिता परमेश्वर वे मनिख तैं चुणलो जै पर उ दया दिखांणु कु फैसला लींद; वेकी पसंद ईं बात पर निर्भर नि करदी कि लोग की चंदींनि या क्य कने की कोशिश करदींनि।

1 कुरिन्थि 15:10

पर पिता परमेश्वर की कृपा ल मि प्रेरित छौं; अर वेकी दया मेरा जीवन मा प्रभावशाली च; पर मिल दुसरा कै भि प्रेरित बट्टी बढ़ि मेहनत भि कैरी तब भि य मेरी तरपां बट्टी नि हवे, पर पिता परमेश्वर की दया ल मि तैं वेको काम कना का लैक बणै।

यूहन्ना 3:27

यूहन्ना ल जवाब दे जब तक मनिख तैं स्वर्ग बट्टी न दिये जौं तब तक उ कुछ नि पै सकद।

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

1 कुरिन्थि 12:6

पिता परमेश्वर का हमारा जीवन मा काम कना का अलग-अलग ढंग छिनी, पर यु उ ही पिता परमेश्वर च जु हम सभियूं का द्वारा काम करद।

2 थिस्सलुनीकी 1:11

इलै हम तुम कु सदनी प्रार्थना भि करदां, कि हमारो पिता परमेश्वर तुम तैं वे जीवन का लैक बणै द्यो जै तैं जींणु कु पिता परमेश्वर ल तुम तैं बुलै भि च। उ अपड़ी सामर्थ का द्वारा तुम्हरो मार्गदर्शन करो कि तुम्हरी सभि भली मनसा पूरी हों अर जु कुछ भि तुम विश्वास बट्टी करदां उ पूरो हो,

इफिसुस 1:5

किलैकि परमेश्वर ल हम बट्टी प्रेम कैरी वेल पैली बट्टी यु फैसला लियेले छों, कि यीशु मसीह का द्वारा किये गै कामों का कारण हम तैं अपड़ी खुद कि सन्तान बंणै दयालो, पिता परमेश्वर ल इन अपड़ी ही इच्छा अर आनन्द का अनुसार कैरी

इफिसुस 2:8

किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;

लूका 12:32

तुम मेरी देखभाल मा ढिबरों का जन छा इलै के भि बात का बारा मा नि डैरा, किलैकि तुमारा पिता परमेश्वर तैं यांकि खुशी च, की तुम तैं राज्य द्यो।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

यूहन्ना 6:65

अर यीशु ल बोलि, इलै मिल तुम मा बोलि छो कि जब तक कै तैं पिता परमेश्वर कि तरपां बट्टी यु वरदान नि दिये जौं तब तक उ मि मा नि ऐ सकदु।

रोमियों 9:11

पैदा हूंण बट्टी पैली पिता परमेश्वर ल रिबका बट्टी बोलि छों, कि ऊंको बड़ो नौंनो छुटा की सेवा करलो। प्रभु अपड़ी पसंद खुद बंणौदु यु दिखांणु कु वेल यु बोलि, कि जु ऊंल कैरी यु कै भि काम का कारण नि छों पर परमेश्वर कु उद्देश्य ऊंकी ही इच्छा का अनुसार बुलांण वलो पर बंणि रौ।

यूहन्ना 6:45

परमेश्वर का तरपां बट्टी बुल्ण वलो का लेखों मा यु लिख्युं च कि उ सब परमेश्वर का तरपां बट्टी सिखयां होला। जु कैल पिता परमेश्वर बट्टी सूंणि अर सीखी उ मि मा आंणु च।

1 पतरस 1:3

हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी,

खास चेलों 11:21

अर प्रभु को सामर्थ ऊं पर छो, अर भौत स अन्यजाति लुखुं ल ऊं की खबर पर विश्वास कैरी अर प्रभु यीशु तैं स्वीकार कैरी।

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।