फिलिप्पी 1:27 - गढवली नयो नियम

²⁷ भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

Garhwali

²⁷ बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

फिलिप्पी 1:27 Referans Kwoze

इफिसुस 4:1

इलै मि जु कैद मा छों किलैकि प्रभु यीशु कि सेवा करदु छों तुम बट्टी बिनती करदु छों, कि जीं बुलाहट का दगड़ी परमेश्वर ल तुम तैं अपड़ी संतान हूंणु कु बुलै, वेका लैख अपड़ा जीवन तैं ज्यां,

1 कुरिन्थि 1:10

हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

2 पतरस 3:14

इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

यहूदा 1:3

हे विश्वासी भयों, मि तुम तैं वे नया जीवन का बारा मा लिखणु कु हर संभव कोशिश कनु छो जु यीशु मसीह का द्वारा पिता परमेश्वर की तरपां बट्टी आंद अर जै मा हम सभि शमिल छा। पर अब मि ईं चिठ्ठी मा वे उद्धार का बारा मा तुम तैं प्रोत्साहित कनु को दबाव महसूस कनु छो कि तुम मसीही विश्वास तैं पकड़ी के रौंणु कु और भि जादा कोशिश कैरा। पिता परमेश्वर ल अपड़ा लुखुं कु यु विश्वास एक ही बार मा हमेशा कु दे द्ये, अर यु तैं बदले नि जै सकद।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

फिलिप्पी 2:12

जब मि तुम दगड़ी छो तब तुम ल हमेशा पिता परमेश्वर की आज्ञा कु पालन कैरी अब जब मि दूर हवे ग्यों, त तुम तैं और भि बात मनण चयणी च। पिता परमेश्वर डौर का दगड़ी तुम मा बट्टी हर एक तैं ऊं चीजों तैं कन चयणु च जूं ऊं लुखुं कु सै च जौं तैं पिता परमेश्वर ल उद्धार द्ये अर बचै।

फिलिप्पी 3:18

किलैकि भौत सी लोग इन ही जीवन बसर करदींनि, जौं का बारा मा मिल तुम तैं कथगि बार बतै अर अभि भि रौवे-रौवे के बुल्णु छौं, कि उ अपड़ा बुरा बरतौ ल दिखौंदींनि जीं वजह से मसीह सूली पर मोरि उ वेको विरोध करदींनि।

2 कुरिन्थि 13:11

हे विश्वासी भयों, खुश रावा; सिद्ध बणदी जावा; मेरी सलाह सूंणा; एक ही मन रावा; मेल से रावा, अर प्रेम अर शान्ति कु दाता पिता परमेश्वर तुम दगड़ी होलो।

खास चेलों 4:32

विश्वास कन वलो कि मण्डलि एक मनसा कि छै इख तक कि कुई भि अपड़ी धन सम्पति कु अपड़ी नि बुल्दो छो पर सब सम्पत्ति साझा की छै।

2 पतरस 3:11

जबकि पिता परमेश्वर निश्चित रूप बट्टी यूं सभि चीजों तैं नाश कैरी दयालो, जन कि मिल अभि बोलि, इलै तुम तैं निश्चित रूप मा ईश्वरीय ढंग से बरतौ कन जु पिता परमेश्वर तैं खुश करद।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

रोमियों 1:16

किलैकि मि तैं मसीह का बारा मा शुभ सन्देश पर पूरो भरोसो च, शुभ संदेश बट्टी ही पिता परमेश्वर ल शुरुआत मा यहूदी लुखुं कु उद्धार कैरी अर फिर यूनानी अन्यजाति अर अब सभि लुखुं कु उद्धार करदो अर य ही पिता परमेश्वर की सामर्थ च।

याकूब 3:18

अर जु लोग मेल-जोल कन वला छिनी, उ शान्ति का बीज तैं बुतलो अर धार्मिकता को फसल तैं कटलो।

फिलेमोन 1:5

मि प्रभु यीशु मा तेरु विश्वास अर पिता परमेश्वर का सभि लुखुं का प्रति तेरु प्रेम का बारा मा सुंणोदु।

तीतुस 2:10

चोरी नि कैरा; पर पूरा ढंग ल अफ तैं साबित कैरा, कि उ विश्वास का योग्य छिनी, कि लोग ऊंका अच्छा बरतौ पर ध्यान द्या अर जु कुछ भि उ करदींनि उ लुखुं का द्वारा हमारा उद्धारकर्ता प्रभु परमेश्वर का बारा मा शुभ संदेश सुनौंण कु कारण बणौ।

2 तीमुथियुस 4:7

जन एक अच्छो योद्धा लड़ै मा हार नि मणद उन ही मि भि प्रभु कु बड़ी मेहनत कन नि छुड़द। मिल मसीह को दियूं काम पूरो कैरी, मि प्रभु मा आखिर तक विश्वासयोग्य रों।

1 तीमुथियुस 1:19

कुछ लुखुं ल अपड़ा शुद्ध विवेक तैं छोडे़ले, अर ऊंल मसीह पर विश्वास कनै की अपड़ी योग्यता कु नाश कैरेले, ठिक उन ही जन एक जहाज का टकरांण जहाज कु नाश कैरी दींद।

1 तीमुथियुस 1:11

य शिक्षा वे शुभ सन्देश पर जुड़ीं च जु वीं महिमा का बारा मा जु धन्य पिता परमेश्वर बट्टी जुड़यां छिनी, पिता परमेश्वर ल मि तैं यु शुभ संदेश दूसरो तैं बतौंणु कु दियुं च।

खास चेलों 2:46

उ हरेक दिन एक मन हवे के पिता परमेश्वर बट्टी यरूशलेम शहर का मन्दिर मा कट्ठा हूंद छा अर घौर-घौर मा प्रभु भोज लींदा छा अर सच्चा मन दगड़ी रै के खांणु खांदा छा।

मत्ती 12:25

यीशु ल ऊंका मन की बात जांणि के ऊंमा बोलि जै कै राज्य मा क्लेश हूंद त तब उ उजड़ी जांदु अर कै शहर य परिवार मा जै मा क्लेश हूंद उ बणयुं नि रौंदु।

1 थिस्सलुनीकी 3:6

पर अब तीमुथियुस जु तुम्हरा इख बट्टी हम मा वापिस ऐ गै वेल इख ऐ के तुम्हरा विश्वास कु अर प्रेम कु शुभ सन्देश प्रचार सुणै, अर या बात भि सुणै, कि तुम सदनी प्रेम का दगड़ी हम तैं याद करद्यां, अर हम तैं दिखणै की लालसा करद्यां, जन हम भि तुम तैं दिखण की लालसा करदां।

कुलुसी 1:4

किलैकि हम ल सूंणि, कि यीशु मसीह पर तुमारो विश्वास च, अर उ सब पवित्र लुखुं बट्टी प्रेम रखदु।

फिलिप्पी 2:24

अर मि तैं प्रभु मा भरोसो च कि मि अफ भि जल्दी औलु।

इफिसुस 1:15

ऊं सभियूं का कारण जु पिता परमेश्वर ल करयुं च, मि भि वे विश्वास जु तुम लुखुं मा प्रभु यीशु पर च अर पवित्र लुखुं का प्रति हमारा प्रेम का बारा मा सूंणि कै,

इफिसुस 1:13

अर तुम दगड़ी यु ही हूंयुं च। तुम ल सच्चा शुभ सन्देश का वचन सूंणिनि जु येका बारा मा बतांद, कि पिता परमेश्वर ही तुम्हरो उद्धार कैर सकदो। जब तुम ल मसीह पर विश्वास कैरी, त पिता परमेश्वर ल अपड़ो वादा जु करयुं पवित्र आत्मा तुम तैं दे द्यां यु दिखौंणु कु कि तुम परमेश्वर का छा, अर मसीह मा, परमेश्वर ल तुम मा अपड़ी मुहर लगै द्यां।

गलातियों 1:7

भस एक ही सचो शुभ सन्देश च। पर बात या च, कि कुछ लोग इन छिन जु तुम तैं भरमांणा छिन अर मसीह का शुभ सन्देश तैं बिगणनं चंदींनि।

2 कुरिन्थि 9:13

किलैकि दूसरों की मदद कनु कु दान दींणै की य सेवकाई प्रमाणित करली कि तुम सच्चा छा अर भौत लोग पिता परमेश्वर की महिमा प्रगट करदींनि, कि जब तुम ल बोलि कि मसीह कु शुभ सन्देश सचो छो अर तुम यु तैं मणला त तुम ल अफी अपड़ा शब्दों कु पालन कैरी, अर गरीब विश्वासियों की अर और विश्वासियों का दगड़ी ही सब विश्वासियों की मदद कन मा उदारता प्रगट कैरी।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

रोमियों 15:29

अर मि जंणदु छों, कि जब मि तुम मा औलु, अर वेका कारण मसीह पूरा ढंग से तुम तैं आशीष दयालो।

रोमियों 15:16

कि मि अन्यजातियों कु मसीह यीशु कु सेवक हवे के एक याजक का जन पिता परमेश्वर बट्टी मिलीं शुभ सन्देश तैं सुनांणै की सेवा करदु छों; कि अन्यजाति पिता परमेश्वर तैं एक भेंट का रूप मा दिये जां ज्यां ल उ खुश हो अर जौं तैं पवित्र आत्मा, पवित्र बणौ।

रोमियों 10:8

यूं बातों कु मतलब यु च कि, “तुम अपड़ा होंठों ल यु संदेश तैं अंगीकार कैरी सकदा अर अपड़ा दिल मा स्वीकार कैरी सकदा।”

रोमियों 1:9

पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।

रोमियों 1:5

मसीह का द्वारा मि पौलुस तैं दया अर प्रेरिताई परमेश्वर का द्वारा दिये गै कि मसीह यीशु का नौं का कारण सब अन्य-जाति का लोग मसीह का बारा मा शुभ संदेश पर विश्वास कैरी कै अर वेकी आज्ञाओं कु पालन कैरा,

खास चेलों 24:24

कुछ ही दिन का बाद फेलिक्स राज्यपाल अपड़ी घरवलि द्रुसिल्‍ला तैं अफ दगड़ी लै के ऐ अर व यहूदी छै अर उ पौलुस तैं मिलणु कु ऐ छा। ऊंल पौलुस तैं बुलै के वे विश्वास का बारा मा जु मसीह यीशु पर च, वे बट्टी सूंणि।

फिलिप्पी 3:20

पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।

फिलिप्पी 4:1

मेरा प्रिय विश्वासी भयों जौं बट्टी मि प्रेम करदु, मि तैं तुम लुखुं बट्टी मिलणै की भौत इच्छा च, जु मेरू आनन्द अर मुकुट हो, हे विश्वासी प्रिय भयों, प्रभु मा इन ही कै विश्वास मा मजबूत बंणयां रावा।