फिलिप्पी 1:16 - गढवली नयो नियम

¹⁶ उ सभि यु इलै करदींनि किलैकि उ मि बट्टी प्रेम करदींनि, अर उ जंणदा छिनी कि मसीह का बार मा जवाब दींण अर शुभ सन्देश का कारण मि तैं बंधि बणै के जेल मा डलला।

Garhwali

¹⁶ अर जु लोग प्यार से परचार को काम कना छिन वु इन इलै कना छिन, किलैकि वु जणदा छिन कि मि शुभ समाचार को बचौ करण की वजै से इख कैद मा रखै ग्यों।

फिलिप्पी 1:16 Referans Kwoze

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

फिलिप्पी 1:12

हे विश्वासी भयों, मि इन चांदु, कि तुम यु जणिल्या कि जु मि पर बीति, भौत लुखुं कु शुभ सन्देश पर विश्वास कनु कु कारण बंणि।

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

फिलिप्पी 1:7

यु ठिक च कि मि तुम सभियूं कु इन ही विचार कैर, किलैकि मि तुम बट्टी भौत प्रेम करदु, जब की मि एक बंधि छों अर शुभ सन्देश कु जवाब प्रमाण दींण मा तुम सभि भि पिता परमेश्वर कि कृपा मा मि दगड़ी छा।

1 कुरिन्थि 9:17

जु मि यु काम अपड़ी मर्जी से करदु त फिर मि तैं ईनाम मिललो। पर जु पिता परमेश्वर ल मि तैं य जिम्मेदारी दीं च, त मि ईनाम मा क्य उम्मीद कैरी सकदु? मि कै भि ईनाम की उम्मीद नि कैरी सकदु।

फिलिप्पी 2:22

पर तुम जंणदा छा कि तीमुथियुस ल कन कै दिखै की उ वफादार च कि जन नौंनो बुबा दगड़ी काम-काज करदो, उन ही वेल भि शुभ सन्देश का फैलांण मा मि दगड़ी मेहनत कैरी।

फिलिप्पी 4:3

हे मेरा सच्चा दगड़िया सुन्तुखे, मि त्वे बट्टी बिनती कनु छौं, कि तु ऊं जननों कि आपस मा मेल-मिलाप कन मा मदद कैर, किलैकि ऊंल मि दगड़ी शुभ सन्देश प्रचार का काम मा, क्लेमेन्स अर मेरा और दगड़ियों दगड़ी भौत मदद कैरी, जौं का नौं जीवन कि किताब मा लिख्यां छिन।

फिलिप्पी 4:15

हे फिलिप्पी शहर का लुखुं, तुम खुद भि जणदां कि तुमारा बीच मा जब मिल शुभ सन्देश प्रचार कु काम शुरू कैरी, अर जब मि तुम्हरी जगह बट्टी मकिदुनिया प्रान्त बट्टी विदा होंयुं त तुमारा आलावा और कै मसीह मण्डलि ल लींण-दींण मा मेरी मदद नि कैरी।