फिलेमोन 1:22 - गढवली नयो नियम

²² अर एक और बात या भि च कि मेरा ठैरुणु कु अपड़ा घौर मा एक कमरा तैयार कैर; किलैकि मि तैं उम्मीद च, कि पिता परमेश्वर तुम्हरी प्रार्थनाओं कु उत्तर दयालो अर मि तैं ऐ के तुम तैं दिखणु को मौका दयालो।

Garhwali

²² अर यों सब बातों का दगड़ा-दगड़ि मि त्वेसे कुछ और बात भि बोन्‍न चान्दु, कि तू मि खुणि एक घौर को इंतजाम कैर, किलैकि मितैं ईं बात कि आस च कि ज्वा प्रार्थना तुम लोग मि खुणि करद्‍यां, वींतैं पिता परमेस्वर जरुर सुणलु अर जल्दी ही मि तुमरा इख ऐ जौलु।

फिलेमोन 1:22 Referans Kwoze

फिलिप्पी 2:24

अर मि तैं प्रभु मा भरोसो च कि मि अफ भि जल्दी औलु।

2 कुरिन्थि 1:11

जन तुम हम कु प्रार्थना कैरी के हमारी मदद करदा, उन ही भौत सैरा लुखुं की प्रार्थनाओं का द्वारा हम तैं पिता परमेश्वर की कृपा का द्वारा आशीष मिलीं छिनी, वेका कारण भौत लोग हमारी तरपां बट्टी पिता परमेश्वर कु धन्यवाद कैरा।

2 यूहन्ना 1:12

और भि भौत सी बात छिनी, जु मि तुम कु लिखण चांणु छो, पर मि ऊं तैं यु जन एक चिठ्ठी मा नि लिखण चांदु। मि तैं आस च कि मि तुम मा ओ अर हमारा अमणी-संमणी बातचित कैर ज्यां बट्टी हमारो आनन्द पूरो हवे जौ।

याकूब 5:16

इलै एक हैंका का संमणी अपड़ा-अपड़ा पापों तैं मंणिल्या; अर एक दुसरा कु प्रार्थना कैरा, ज्यां बट्टी बिमार ठिक हवे जौं; धर्मी जन की प्रार्थना मा भौत सामर्थी च अर वे बट्टी अद्भुत प्रणाम मिल्दा।

फिलिप्पी 1:19

किलैकि मि जंणदु छौं कि तुम्हरी प्रार्थना का द्वारा, अर यीशु मसीह का द्वारा भिज्यां पवित्र आत्मा की मदद ल यांको प्रतिफल मि कु यु हो कि मि कैद बट्टी उद्धार पौं।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

3 यूहन्ना 1:14

मि तैं आस च कि मि तुम मा जल्दी ओलु अर तुम्हरा अमणी-संमणी बातचित करुलु।

इब्रानी 13:23

तुम यु जांणि लय कि तीमुथियुस हमारो विश्वासी भैय जेल बट्टी छुटी गै अर जु उ जल्दी ऐ गै, त मि वे दगड़ी तुम बट्टी मिललो।

इब्रानी 13:19

तुम बट्टी मेरी विशेष बिनती च कि प्रार्थना कैरा कि मि जल्द ही तुम बट्टी मिल साको।

रोमियों 15:24

इलै जब स्पेन देश कु जौलु त तुम मा हवे के जौलु किलैकि मि तैं आस च, कि वीं यात्रा मा तुम बट्टी भेंट कैरू, अर जब तुम्हरी संगति बट्टी मि खुश हवे जौं, मि जांदु छों कि तुम मि तैं मेरी स्पेन देश की यात्रा कु मदद कैरा।

खास चेलों 27:24

अर बोलि, “पौलुस नि डैर त्वे तैं कैसर का संमणी खड़ो हूंण जरूरी च। अर जथग भि लोग त्वे दगड़ी यात्रा कना पिता परमेश्वर ल ऊं सभियूं पर कृपा कैरेले।”