मरकुस 9:27 - गढवली नयो नियम

²⁷ पर यीशु ल वेको हथ पकड़ी के वे तैं उठै अर उ खड़ो हवे गै।

Garhwali

²⁷ पर यीशु न वेकू हाथ पकड़ी के वेतैं उठे, अर उ खड़ु ह्‍वे गै।

मरकुस 9:27 Referans Kwoze

खास चेलों 3:7

अर पतरस ल वे लंगड़ा को दैंणों हथ पकड़ी के वे तैं उठै अर तुरंत वेका खुट्टा अर घुंडों मा ताकत ऐ गै।

मरकुस 1:31

तब यीशु ल बिस्तर का संमणी मा जै के वीं को हथ पकड़ी के वीं तैं उठै अर वीं को जौर उतरी गै अर व ठिक हवे गै अर ऊं सभियूं कि सेवा पांणी कन लगि गै।

खास चेलों 9:41

तब पतरस ल अपड़ा हथों ल सहारा दे के वीं तैं खड़ो कैरी अर विश्वासियों तैं अर विधवाओं तैं बुलै के दिखै कि तबिता ज्यूंदी अर बिल्कुल ठिक ठाक च।

मरकुस 8:23

यीशु वे अंधा आदिम का हथ पकड़ी के गौं का भैर लीगि अर वेका आँखों पर थूकी अर हथ रखिनि अर वेमा पूछि क्य तु कुछ दिखणी छै?

मरकुस 5:41

अर नौंनि कु हथ पकड़ी के वीं मा बोलि तलीता कूमी ज्यांकु मतलब यु च कि हे नौंनि मि त्वे मा बुल्णु छौं उठ।

मरकुस 1:41

यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा।”

मत्ती 9:25

पर जब भीड़ छंटे गै त वेल भितर जै के नौंनि को हथ पकड़ी अर व ज्यूंदी हवे गै।

मरकुस 9:26

तब उ दुष्टात्मा चिल्लै कै अर वे नौंना तैं मरोड़ कै निकली गै अर उ नौंनो हिली तक नीच अर मुरयां जन लगि इख तक कि भौत लोग बुल्ण लगि गैनी कि उ मोरि गै।

मरकुस 9:28

बाद मा जब यीशु अपड़ा चेलों दगड़ा मा घौर मा ऐ त तब ऊंल वे तैं पूछि हम ल व दुष्टात्मा किलै नि निकाली साकी?

खास चेलों 23:19

पलटण का सेनापति ल वेको हथ पकड़ी अर अलग मा लिजै के वेमा पूछि, “तुम मि बट्टी क्य बुल्ण चांणि छै ?”