मरकुस 9:20 - गढवली नयो नियम

²⁰ तब उ लड़का तैं यीशु मा लेकै ऐनी अर जब दुष्टात्मा ल यीशु तैं देखि त वीं दुष्टात्मा ल वे तैं मड़कै अर उ भुयां धरती मा पोड़ि गै अर गिच्चा बट्टी झाग निकाली अर उ लफड़ाण लगि गै।

Garhwali

²⁰ तब ऊ वे नौना तैं वेका पास लेके ऐनी, अर जब वे खबेस न यीशु तैं देखि, त खबेस न तुरन्त वे नौना तैं मरोड़ि, अर उ नौनु भ्वीं मा पोड़ि गै, अर वेका गिच्‍चा बटि गाज निकळण लगि गै, अर वु भैंकर लफड़ाण लगि गै।

मरकुस 9:20 Referans Kwoze

मरकुस 1:26

तब दुष्टात्मा वे तैं मरोड़ि के, अर ऊंची आवाज मा चिल्लै कै वे बट्टी दूर हवे के भैर निकली गै।

लूका 4:35

यीशु ल दुष्टात्मा तैं झिड़की के बोलि, “चुप रौ अर वेमा बट्टी दूर हो अर निकली जा।” तब दुष्टात्मा वे तैं बीच मा पटकी के बगैर कुई नुकसान पौंछयां वे बट्टी दूर हवे के भैर निकली गै।

1 पतरस 5:8

हमेशा तैयार रावा, अर बिज्यां रावा, किलैकि शैतान, तुम्हरो दुश्मन तुम पर हमला कन चांद कि तुम पिता परमेश्वर की आज्ञाओं को पालन नि कैरा। उ घुरांण वला शेर का जन च, जु अगनैं घुमद रौंदो कि उ कै तैं खै साक।

यूहन्ना 8:44

तुम अपड़ा बुबा शैतान बट्टी छा अर अपड़ा बुबा कि मनसा तैं पूरी कन चांदा छा उ त पैली बट्टी हत्यारो च अर उ सत्य पर टिक्यूँ नि रै सकद किलैकि वे मा सत्य ही नि च जब उ झूठ बुल्द त अपड़ा स्वभाव या बरतौ का अनुसार ही से बुल्द किलैकि उ झूठ को बुबा च।

लूका 9:42

उ औंणु ही छो कि दुष्टात्मा ल वे तैं पटकी के मरोड़ि पर यीशु ल दुष्टात्मा तैं झिड़की अर नौंना तैं खूब कैरी कै वेका पिता तैं सौंपी दींनि।

लूका 8:29

किलैकि उ वीं दुष्टात्मा तैं वे मनिख बट्टी निकलणै की आज्ञा दींणु छो इलै की व आत्मा वे पर बार-बार औंदि छै अर जबकि लोग वे तैं संगलों ल बंधदा छा तब भि उ बन्धनों तैं तोड़ी दींदु छो अर अशुद्ध आत्मा वे तैं एकांत जंगल मा भगौंदि छै।

मरकुस 9:26

तब उ दुष्टात्मा चिल्लै कै अर वे नौंना तैं मरोड़ कै निकली गै अर उ नौंनो हिली तक नीच अर मुरयां जन लगि इख तक कि भौत लोग बुल्ण लगि गैनी कि उ मोरि गै।

मरकुस 9:18

जख कखि भि उ दुष्टात्मा वे पर हमला करद त उ उखि वे तैं भुयां पटगि दींदु अर वेका गिच्चा बट्टी झाग निकलण लगि जांदु अर उ दांत रमकौंदु अर सुखदि जांणु च, मिल तेरु चेलों कु बोलि छो कि उ वे दुष्टात्मा तैं निकाली दयूंनु पर ऊं नि निकाली सकिनि।

मरकुस 9:19

इन सूंणि कै यीशु ल ऊं तैं जवाब दे के बोलि, “हे अविश्वासी लुखुं, तु मि पर विश्वास कनु कु मिल कब तक तुमारो इन्तजार कन? अर कब तक तुमारा अविश्वास तैं सौंण, वे लड़का तैं मि मा लेकै आवा।”

मरकुस 9:21

यीशु ल वे लड़का का बुबा मा पूछि, यु तैं यु सब कब बट्टी हूंणु च वेल बोलि, बचपन बट्टी जब उ भौत छुटो छो।

लूका 9:39

अर देख एक दुष्टात्मा वे तैं पकड़दी च अर उ बिजां चिल्लांदु अर व वे तैं इन मरोड़ि दींद कि उ वेका गिच्चा बट्टी झाग निकलण लगि जांदु अर वे तैं कुचलिके बड़ी मुश्किल से छुड़द।