मरकुस 8:2 - गढवली नयो नियम

² “मि तैं ईं भीड़ पर दया औंणि च किलैकि यु लोग तीन दिन बट्टी बराबर मि दगड़ी छिन अर अब ऊंमा खांण कु भि कुछ नि च।

Garhwali

² “मितैं ईं भीड़ पर बड़ु तरस औणु च, किलैकि यू तीन दिन बटि मेरा दगड़ा मा ही छिन। अर खाणु खुणि भि ऊंका पास कुछ नि च।

मरकुस 8:2 Referans Kwoze

मत्ती 9:36

जब वेल भीड़ तैं देखि त वे तैं लुखुं पर तरस खै किलैकि उ, ऊं ढिबरों का जन छिनी जौं को कुई देखभाल कन वलो चरवाहा नि छो जु कि घबरैंया सी अर हरच्यां सी छा।

इब्रानी 5:2

किलैकि उ अफ भि कमजोरियों का अधीन च, इलै उ न समझो अर भटक्यां लुखुं दगड़ी नम्र बरतौ करदो।

इब्रानी 4:15

किलैकि यु महायाजक, जु यीशु मसीह च, हमारी हर एक कमजोरी तैं समझदु; पर शैतान ल हमारी हर बात मा अजमैश कैरी; फिर भि प्रभु यीशु बगैर कै पाप कु च।

लूका 15:20

तब उ वे देश तैं छोड़ी के अर अपड़ा बुबा मा जांणु कु वापिस चलि गै उ अभि दूर ही छो, कि वेका बुबा ल वे तैं देखि के तरस खै अर नौंना की अर दौड़ि कै वे तैं गौला लगै अर वेकी भुकि पीनि।

लूका 7:13

वीं देखि के प्रभु दया से भरि गै अर वेल इन बोलि, नि रु।

मरकुस 9:22

दुष्टात्मा यु तैं खत्म कनु कु कभि आग मा कभि पांणी मा डोल दींनि पर जु तु कुछ कैरी सकदी छै त हम पर दया कैरी कै हमारो भलो कैर।

मरकुस 6:34

जब यीशु नाव बट्टी उतरी, वेला एक बड़ी भीड़ देखि अर ऊं पर तरस खै किलैकि उ ऊं ढिबरों का जन छा जौं को कुई देखभाल कन वलो नि छो अर उ, ऊं तैं पिता परमेश्वर का राज्य बट्टी भौत सैरी बात सिखांण लगि गै।

मरकुस 5:19

पर यीशु ल वे तैं अफ दगड़ी रौंणे की अनुमति नि दींनि अर वेमा बोलि अपड़ा घौर जै के अपड़ा लुखुं तैं बथौ कि त्वे पर दया कैरी के प्रभु ल त्वे कु कन बड़ा काम करिनी।

मरकुस 1:41

यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा।”

मत्ती 20:34

यीशु ल तरस खै के ऊंका आँखों तैं छवे अर उ तुरंत दिखण लगि गै उ वेका पीछेने हवे गै।

मत्ती 14:14

वेल उख बट्टी निकली के एक बड़ी भीड़ देखि अर ऊं पर तरस खै अर ऊंका बिमारों तैं खूब कैरी।

इब्रानी 2:17

इलै ही वे तैं हर ढंग से अपड़ा विश्वासी भयों का जन बनण पोड़ी; इन कै ही प्रभु यीशु पिता परमेश्वर कु उच्च महायाजक बंणि जु कि मयलदु अर विश्वासयोग्य च; अर इलै कि वे बलि का द्वारा जु पिता परमेश्वर कु लांद, कि लुखुं तैं ऊंका पापों बट्टी माफी मिल साको।

मरकुस 6:32

इलै उ नाव मा चढ़ी के एकांत जंगल मा चलि गैनी।

मरकुस 8:3

जु मि ऊं तैं भुखी ऊंका घौर भेजि दयुलु त बट्टा मा थकि के उखि रै जाला किलैकि यूं मा बट्टी कुई-कुई त भौत दूर बट्टी अयां छिन।”