मरकुस 7:34 - गढवली नयो नियम

³⁴ अर यीशु ल स्वर्ग जनै देखि के परमेश्वर बट्टी गहरी सांस लै के प्रार्थना कैरी अर वेकु बोलि, “इफ्फत्तह” ज्यांकु यु मतलब च “खुलि जा”

Garhwali

³⁴ तब वेन स्वर्ग जनै देखि अर लम्बी सांस लेके वेकू बोलि, “इफ्फत्तह” जैको मतलब च “खुलि जा।”

मरकुस 7:34 Referans Kwoze

यूहन्ना 11:41

तब ऊंल वे ढुंगों तैं हठै। फिर यीशु ल स्वर्ग जनै देखि के बोलि, “हे पिता मि तेरु धन्यवाद करदु कि तिल मेरी सूंणेलि।

मरकुस 6:41

यीशु ल ऊं पाँच रुट्टियुं तैं अर द्वी माछों तैं अपड़ा हथ मा लींनि अर स्वर्ग जनै देखि के परमेश्वर कु धन्यवाद कैरी अर रुट्टियुं तैं टुकड़ों मा तोड़ी-तोड़ी के चेलों तैं दींद गै कि उ लुखुं तैं परोसुनु अर उ द्वी माछा भि ऊं सभियूं मा बांटि दींनि।

मरकुस 5:41

अर नौंनि कु हथ पकड़ी के वीं मा बोलि तलीता कूमी ज्यांकु मतलब यु च कि हे नौंनि मि त्वे मा बुल्णु छौं उठ।

खास चेलों 9:34

जब पतरस ल वे बट्टी बोलि, “हे एनियास! यीशु मसीह त्वे तैं ठिक करदो। उठ, अपड़ो बिस्तरा उठौ!” तब उ तुरंत उठि गै।

यूहन्ना 11:33

जब यीशु ल वीं को अर ऊं यहूदियों कु जु वेका दगड़ी ऐ छा रूंण देखि, वेल गैरि आह भौरि उ भौत दुखी हवे

मरकुस 15:34

अर तीन बजि का लगभग यीशु ल जोर से धै लगै के बोलि, “इलोई-इलोई लमा शबक्तनी ज्यांकु मतलब च मेरा परमेश्वर-मेरा परमेश्वर तिल मि तैं किलै छोडे़ले”

मरकुस 8:12

यीशु ल ऊंका अविश्वास का कारण निराश हवे के बोलि “यु बगत का लोग चमत्कार का काम का चिन्ह किलै खुज्योंदींनि? मि तुम मा सच बुल्णु छौं कि यु बगत का लुखुं तैं कुई चिन्ह नि दिये जालो।”

खास चेलों 9:40

तब पतरस ल सभियूं तैं भैर भेज दींनि अर वेका बाद घुंडा टेकी के पिता परमेश्वर बट्टी प्रार्थना कैरी, अर लांश की तरपां देखि के बोलि, “तबिता, उठ!” अर व आँखा खोलि पतरस तैं दिखण लगि गै अर बैठी गै।

यूहन्ना 11:43

इन बोलि, के ऊंल जोर से धै लगै के बोलि, “हे लाजर भैर निकली के औ।”

इब्रानी 4:15

किलैकि यु महायाजक, जु यीशु मसीह च, हमारी हर एक कमजोरी तैं समझदु; पर शैतान ल हमारी हर बात मा अजमैश कैरी; फिर भि प्रभु यीशु बगैर कै पाप कु च।

यूहन्ना 17:1

यीशु ल अपड़ा चेलों मा यु बात बुल्ण का बाद, अर स्वर्ग की तरपां देखि के बोलि, “हे बुबा, उ बगत ऐ गै, अपड़ा नौंना कि बड़ै कैर, कि नौंना भि तेरी बड़ै कैर”

यूहन्ना 11:38

यीशु ल गहरी आह भौरि उ भौत दुखी हवे अर कब्र पर ऐ उ एक गुफा छै अर एक ढुंगों बट्टी गुफा कु मुक बंद कैरी के रख्युं छो।

यूहन्ना 11:35

यीशु रूंण लगि गै।

लूका 19:41

जब यीशु नजीक ऐ त यरूशलेम शहर तैं देखि के रूण लगि गै।

लूका 18:42

यीशु ल वेकी आंखों तैं छवे के बोलि, “दिखण लग, तेरु विश्वास ल जु मि पर च त्वे तैं बचैयेले।”

लूका 7:14

तब वेल संमणी ऐ के मुर्दे की अर्थी तैं छवे अर उठौंण वला रुकि गैनी तब वेल बोलि, “हे जवान मि त्वे बट्टी बुल्णु छौं उठि जा।”

मरकुस 1:41

यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा।”

मरकुस 7:35

अर तुरंत वेका कंदूड़ खुलि गैनी अर उ साफ-साफ सुनण बैठी गै वेकी जीभ की गांठ भि खुलि गै अर उ साफ-साफ बुल्ण लगि गै।