मरकुस 5:23 - गढवली नयो नियम

²³ अर वेल यु बोलि, के भौत बिनती कैरी कि मेरी छुटी नौंनि मुरण वली च तु ऐ के वीं तैं छू, कि व खूब हवे के ज्यूंदी रौ, अर मोरू न।

Garhwali

²³ वेन इन बोलि कि, “गुरुजी, मेरी छुटी नौनि मुरण वळी च, तुम चलि के अपणु हाथ वीं पर रख द्‍या, ताकि वा ठिक ह्‍वे जौ अर ज्यून्द रौ।”

मरकुस 5:23 Referans Kwoze

लूका 13:13

तब ऊंल वीं मा हथ रखि अर व तुरंत सीधि हवे गै अर व परमेश्वर कि बढ़ै कन लगि गै।

लूका 4:40

सूरज डुबण का बगत जौं-जौं का इख लोग बनि-बनि किस्मै कि बिमारी मा पुड़यां छा उ सब ऊं तैं वेका संमणी लैनि अर वेल एक-एक पर हथ रखि के ऊं तैं खूब कैरी।

मरकुस 16:18

जु उ जहरीला गुरो तैं उठै द्याला त गुरो भि ऊं तैं नुकसान नि पौछांला अर उ जु कुई जहरीली चीज भि प्ये द्याला तब भि ऊंकु कुई भि नुकसान नि होलो उ बिमारों पर हथ रखि के परमेश्वर बट्टी प्रार्थना करला अर उ खूब हवे जाला।

खास चेलों 28:8

अब इन हवे कि पुबलियुस को बुबा जौर ल अर करासी ल बिमार पुड़यूँ छो। पौलुस ल कमरा का भितर जै के पिता परमेश्वर बट्टी प्रार्थना कैरी अर वे पर अपड़ा हथ रखि के उ खूब कैरी दींनि।

लूका 4:38

उ यहूदियों का मिलणा का भवन मा बट्टी उठि के शमौन पतरस का घौर मा ऐनी अर शमौन पतरस कि सास जौर मा पड़ीं छै, अर ऊंल वीं कु यीशु बट्टी बिनती कैरी।

मरकुस 8:23

यीशु वे अंधा आदिम का हथ पकड़ी के गौं का भैर लीगि अर वेका आँखों पर थूकी अर हथ रखिनि अर वेमा पूछि क्य तु कुछ दिखणी छै?

मरकुस 7:32

त लोग एक बैहरा तैं जु हकलांदु भि छो वेका संमणी लैके वे बट्टी बिनती कैरी कि अपड़ो हथ वे पर रख कि उ ठिक हवे जौ।

लूका 7:12

जब उ शहर का फाटक का संमणी पौंछिनी त देखा लोग एक मुर्दा तैं भैर लिजांणा छा जु अपड़ी ब्वे कु एक ही नौंनो छो अर व विधवा छै: अर शहर का भौत लोग वीं दगड़ी छा।

मरकुस 6:13

अर भौत दुष्टात्मा तैं निकाली अर भौत बिमारों पर जैतून को तेल मळी के ऊं तैं खूब कैरी।

मत्ती 8:3

यीशु ल वे पर तरस खै अर हथ रखि, अर वे तैं छवे के बोलि, “मि चांदु छौं कि तु खूब हवे जा अर उ तुरंत कोढ़ बट्टी खूब हवे गै।”

खास चेलों 9:17

तब हनन्याह उठि के वेका घौर का भितर गै जख शाऊल छो, अर वे पर हथ रखि के बोलि, “हे भैय शाऊल, प्रभु यीशु जैल त्वे तैं रस्ता मा दर्शन दींनि, वेल मि तैं भेजि, कि तू दुबरा दिखण लगि जा अर पवित्र आत्मा बट्टी भरपूर हवे जा।”

खास चेलों 6:6

अर यूं तैं प्रेरितों का संमणी लैंनि अर ऊं चुणयां लुखुं तैं प्रार्थना कैरी कै कि उ काम तैं कनु कु ऊं पर हाथ रखि के नियुक्त कैरी।

यूहन्ना 11:3

इलै वेकी बैंण ऊंकु रैबार भेजि “हे प्रभु देखा जै बट्टी तु प्रेम रखदि छै उ बिमार च”

मरकुस 5:24

तब उ वे दगड़ी गै अर बड़ी भीड़ वेका पिछनै हवे गै इख तक कि लोग वे पर फरकेंदा छा।

खास चेलों 8:17

तब पतरस अर यूहन्ना ल लुखुं पर हाथ रखि अर ऊंल पवित्र आत्मा पै।

खास चेलों 9:12

अर शाऊल ल अपड़ा दर्शन मा हनन्याह नौं का एक आदिम तैं भितर आंण अर अपड़ा मथि हथ रखदि देखि; कि उ दुबारा दिखण लगि जौं।